ឧស្សាហកម្ម​ស្រោម​អនាម័យ​ជប៉ុន​ដែល​ល្បី​ល្បាញ​នៅ​លើ​ពិភព​លោក

នៅពេលរំលឹកពីផលិតផលពន្យារកំណើត អ្នកទាំងអស់គ្នាប្រហែលជាធ្លាប់លឺឈ្មោះផលិតផលដូចជា OKAMOTO, SAGAMI ឬ Fuji LaTeX ។

ជាការពិតណាស់ ផលិតផលល្បីបានធ្វើឲ្យការលក់ប្រចាំខែរបស់ក្រុមហ៊ុនទាំងនេះខ្ពស់ខ្លាំង។ ចូរយើងក្រឡេកមើលការ​លក់​ផលិត​ផល​ទាំង​នេះ​ខ្ពស់​ដល់​កម្រិត​ណា។

OKAMOTO → ៣២,៤៧៣ លានយ៉េន

SAGAMI → ៤,៤៧៧ ពាន់លានយ៉េន

Fuji LaTeX → ២,៣២២ លានយ៉េន

បច្ចុប្បន្នក្រុមហ៊ុនទាំងបីនេះកំពុងនាំមុខទីផ្សារស្រោមអនាម័យនៅលើពិភពលោក។ បើក្រឡេកទៅមើលប្រវត្តិនៃការអភិវឌ្ឍន៍វិញ យើងអាចឃើញថា “សេដ្ឋកិច្ចនៃស្រោមអនាម័យ” បានជួយឲ្យជប៉ុនក្លាយជាប្រទេសដែលនាំមុខខាង​ផ្នែក​នេះ។

ស្រោមអនាម័យដំបូងគេរបស់ជប៉ុន

ស្រោមអនាម័យដំបូងគេដែលផលិតនៅជប៉ុនក្នុងឆ្នាំ ១៩០៩ ។

នៅពេលនោះ គេចាត់​ទុកស្រោមអនាម័យជាផលិតផលប្រណិត ជាមួយនឹងកម្រាស់ ១ មីលីម៉ែត្រ បាន​ធ្វើ​ឲ្យ​អ្នក​ប្រើមាន​​អារម្មណ៍​​មិន​​ស្រួល​​នៅ​​ពេល​ដែល​​ប្រើ​ ដូច្នេះ​ស្ទើរ​តែ​គ្មាន​នរណាម្នាក់ចង់ទិញនោះទេ។

OKAMOTO បានកែលម្អគុណភាព និងធ្វើពាណិជ្ជកម្មស្រោមអនាម័យទន់ ដែលមានកម្រាស់ ០,១ មីលីម៉ែត្រ ដោយ​​សារ​ចំណុច​នេះ​បាន​​ផ្លាស់​​ប្តូរ​ឧស្សាហកម្មស្រោមអនាម័យក្នុងប្រទេសជប៉ុន និងនៅលើពិភពលោក។

បដិវត្តបច្ចេកវិទ្យា ០,០៣ មីលីម៉ែត្រ

OKAMOTO បានអភិវឌ្ឍ និងដាក់លក់ផលិតផលស្តើងរហូតដល់ថ្នាក់ ០,០៣ មីលីម៉ែត្រក្នុងឆ្នាំ ១៩៦៨ ។ នៅពេលនោះ ឧស្សាហកម្មនេះ​ត្រូវ​គ្រប​ដណ្តប់​ដោយ​ក្រុម​ហ៊ុន​អឺរ៉ុប ប៉ុន្តែផលិតផលដែលដាក់លក់នៅពេលនោះផ្តោតសំខាន់​លើ​សុវត្ថិភាព ដូច្នេះ​ត្រូវ​បាន​ផលិត​ឡើង​ក្រាស់។

ដូច្នេះហើយ បន្ទាប់ពីស្រោមអនាម័យដែលមានកម្រាស់ត្រឹម ០,០៣ មីលីម៉ែត្រ និង​មាន​សុវត្ថិភាព​ខ្ពស់​ត្រូវ​បាន​ជប៉ុន​ដាក់​​លក់​​នៅ​​លើ​​ទីផ្សារ បាន​​បង្កើត​​កេរ្តិ៍​​ឈ្មោះ​រាប់​ទសវត្សរ៍។

កិច្ចសហប្រតិបត្តិការពិសេស

គម្រោងសហការដែលធ្វើឡើងដោយ Fuji Latex ក៏បានក្លាយជាប្រធានបទទទួលការចាប់អារម្មណ៍ ព្រោះវាខុសពីស្តង់ដារនាពេលនោះ។ នៅឆ្នាំ ១៩៩២ ក្រុមហ៊ុននេះបានសហការជាមួយម៉ាកសម្លៀកបំពាក់ដ៏ល្បី Michiko London ។ បន្ទាប់​មកសហការ​ជាមួយ​អ្នក​ច្នៃ​ម៉ូដ Kansai Yamamoto ។

នៅពេលនោះ ស្រោមអនាម័យជាផលិតផលដែលគេទិញដោយស្ងាត់ៗ ប៉ុន្តែក្រុមហ៊ុនទាំងនេះបានកែប្រែវាក្លាយទៅ​ជា​ម៉ូដ​ប្លែកៗ។ វាត្រូវគេចាត់ទុកជាក្រាសដ៏ឆ្លាតវៃ នៅពេលដែលអាចផ្សព្វផ្សាយយ៉ាងមានប្រសិទ្ធភាពរូបភាពនៅ​លើ​ការ​វេច​ខ្ចប់​ផលិត​ផល​ទៅកាន់មនុស្សជាច្រើន។

គូប្រជែងដ៏ខ្លាំងដែលមានឈ្មោះហៅថា ០,០១ មីលីម៉ែត្រ

ក្រុមហ៊ុន SAGAMI បានចេញលក់ផលិតផលស្រោមអនាម័យស្តើងជាងគេនៅលើពិភពលោក ដែលមានកម្រាស់ត្រឹម ០,០១ មីលីម៉ែត្រនៅឆ្នាំ ២០១៤ ។ ផលិតផលនេះបានក្លាយជាប្រធានបទល្បីយ៉ាងឆាប់រហ័ស និងបានធ្វើឲ្យការប្រយុទ្ធ​គ្នា​រវាង​ក្រុម​ហ៊ុន​ធំ​ទាំង ៣ កាន់តែខ្លាំងឡើងជាងពេលណាៗទាំងអស់។

ថ្វីត្បិតតែ ដើម្បីផលិតស្រោមអនាម័យស្តើងដូចនេះត្រូវការបច្ចេកវិទ្យាគ្រឿងម៉ាស៊ីនទំនើបបំផុត ប៉ុន្តែវាអាចនឹងត្រូវ​បាន​ដាក់​លក់​ក្នុងតម្លៃខ្ពស់នៅលើទីផ្សារ។

ក្រៅពីនេះ ប្រាក់ចំណេញក៏នឹងកើនឡើងផងដែរ ដោយសារការកាត់បន្ថយថ្លៃដើម។

ជា​ការ​ពិត​ណាស់ បន្ទាប់មក OKAMOTO ក៏បាន​អភិវឌ្ឍ​យ៉ាង​ឆាប់​រហ័ស និងលក់នៅលើទីផ្សារប្រភេទ ០,០១ មីលីម៉ែត្រ។ ឧស្សាហកម្មស្រោមអនាម័យរបស់ជប៉ុនក៏ឈានដល់កម្រិតខ្ពស់នៅទូទាំងពិភពលោក ហើយ​ការ​ប្រកួតប្រជែង​​រវាង​ក្រុម​ហ៊ុន​ទាំង ៣ នៅតែបន្ត។ ពិតជាពិបាកណាស់ សម្រាប់ក្រុមហ៊ុនបរទេសដែលជ្រៀតចូលការប្រកួតប្រជែង​​នេះ។

យ៉ាង​ណា​មិញ ក្រុមហ៊ុន​ជប៉ុន​ទាំង​នេះ​មិន​បាន​ពង្រីក​សកម្មភាព​ផលិតទៅក្រៅប្រទេសនោះទេ។ បើសិនជា​សាង​សង់​រោងចក្រនៅប្រទេសចិន ឬឥណ្ឌា ជាកន្លែងដែលមានប្រជាជនច្រើន ហើយថែមទាំងអាចលក់នៅក្នុងប្រទេសទាំង​នេះ នោះ​ការ​លក់នឹងកើនឡើងមែនទេ?

មានហេតុ​ផល ២ ដែលពួកគេមិនដូច្នេះព្រោះ៖

ជាដំបូងគឺបញ្ហាតម្លៃ ប្រសិនបើពួកគេផ្តោតលើតម្លៃជាជាងភាពងាយស្រួល ពួកគេនឹងជាប់ក្នុងការប្រកួតប្រជែង​តម្លៃ។ ពួកគេកំពុង​ចំណាយ​ប្រាក់យ៉ាងច្រើន​លើ​ការ​អភិវឌ្ឍ​បច្ចេកវិទ្យា ដូច្នេះ​ពួកគេ​មិន​ចង់​គេច​ពី​រឿង​នោះ​​ទេ។

បញ្ហាទីពីរគឺការចម្លង ត្រូវចំណាយពេល និងថវិកាយ៉ាងច្រើនដើម្បីអភិវឌ្ឍបច្ចេកវិទ្យា ប៉ុន្តែនៅពេលដែលបច្ចេក​វិទ្យា​ត្រូវ​លួច​ចម្លង មនុស្សអាច​ចម្លង​ផលិត​ផល​របស់​ពួក​គេ​ក្នុង​តម្លៃថោកបំផុត។ តំណែង​ដែល​ពួក​គេ​បាន​​ខិត​ខំពង្រឹង​នឹង​បាត់បង់ដោយ​សារ​ផលិតផល​លួចចម្លង។

យ៉ាងណាមិញ នៅជប៉ុនការលក់ផលិតផលនេះនឹងធ្លាក់ចុះ ដោយសារអត្រាកំណើតថយ និងចំនួនប្រជាជនកាន់​តែ​ចាស់​ទៅ។ ដូច្នេះហើយ គ្រប់គ្នាកំពុងទន្ទឹងមើលថា ក្រុមហ៊ុនជប៉ុនទាំងនេះនឹងដាក់ចេញវិធានការណ៍បែបណា នៅ​ពេល​ដែល​ត្រូវ​បង្ខំ​ឲ្យ​ប្តូរ​ទិស​ដៅ​ពង្រីក​សកម្មភាព​អាជីវកម្មរបស់ខ្លួនទៅក្រៅប្រទេស។

Abe Kengo