ការបង្កើតថ្មីរបស់ជប៉ុន​ដែល​បញ្ចូល​ក្នុង​ព្រឹត្តិ​ការណ៍ World Cup បាល់​​ទះ​​ទទួល​​ការ​ចាប់​អារម្មណ៍​យ៉ាង​ខ្លាំង

ក្នុងព្រឹត្តិការណ៍ World Cup បាល់ទះដែលប្រារព្ធធ្វើឡើងនៅប្រទេសជប៉ុន វត្តមាននៃឧបករណ៍ជូតផ្ទះដោយស្វ័យ​ប្រវត្តិ​បាន​ក្លាយ​ជា​ប្រធាន​បទ​ដែលទាក់ទាញការចាប់អារម្មណ៍ ព្រោះតែមុខងារដ៏ពិសេសរបស់វា។

ថ្វីត្បិតតែ ការប្រកួតបាល់ទះធ្វើឡើងក្នុងទីលានប្រកួត ប៉ុន្តែពិតជាគ្រោះថ្នាក់ខ្លាំងណាស់ដែលឥដ្ឋរអិលដោយ​សារ​តែ​ញើស។ ដូច្នេះហើយ ការជូតសម្អាតត្រូវធ្វើឲ្យបានហ្មត់ចត់ ហើយឧបករណ៍ជូតសម្អាតដោយស្វ័យប្រវត្តិបានបង្ហាញ​ឲ្យ​អ្នក​ទាំង​អស់គ្នាឃើញពីអត្ថប្រយោជន៍របស់វា។

https://www.youtube.com/watch?v=8ovDCQrUOVE&t=58s

ក្រោមបរិយាកាសអាថ៌កំបាំងនៃពហុកីឡដ្ឋាន ធ្វើឲ្យឧបករណ៍ជូតដោយស្វ័យប្រវត្តិមើលទៅហាក់ដូចជាត្រូវបញ្ជាដោយ “​វិញ្ញាណ” ។ តាម​ពិត​ទៅ នេះ​ជា​ផលិត​ផល​ដែលអនុវត្តបច្ចេកវិទ្យាដំណើរការដោយស្វ័យប្រវត្តិពីក្រុមហ៊ុន Nissan ដែល​​ជា​អ្នក​ឧបត្ថម្ភ​ព្រឹត្តិ​ការណ៍​នេះ​ផង​ដែរ។

ឧបករណ៍អាចផ្លាស់ទី និងគ្រប់គ្រងដំណើរការ ដើម្បីជៀសវាងការប៉ះទង្គិចនឹងឧបករណ៍ផ្សេងទៀត មិនត្រឹម​តែប៉ុណ្ណឹង ឧបករណ៍​ថែម​ទាំង​អាច​សម្គាល់បន្ទាត់ពណ៌សនៅលើទីលាន និងចូលទៅជិតវា។

ទាំងនេះជាការបង្ហាញដ៏អស្ចារ្យនៃសមត្ថភាពពិសេសរបស់ឧបករណ៍ជូតសម្អាតផ្ទះ។ ទន្ទឹមនឹងនេះ ថែមទាំងមានក្បាច់​រាំ​ដ៏​គួរ​ឲ្យ​ទាក់​ទាញរបស់តារាចម្រៀង ដែលធ្វើឲ្យឆាកកាន់តែសប្បាយ និងរំភើបយ៉ាងខ្លាំង។

Nissan កំពុងត្រៀមរៀបចំប្រារព្ធខួបបង្កើតក្រុមហ៊ុនលើកទី ៩០ ឆ្នាំរបស់ខ្លួន។ អ្វី​ដែល Nissan តែង​តែ​ឲ្យ​តម្លៃតាំង​ពី​ដើម​មក​នោះ​គឺ​ស្មារតី “Let’s do it!” ពួក​គេតែងតែចង់ធ្វើអ្វីដែលអ្នកដទៃមិនធ្វើ។

ហើយក៏ជាការនិយាយដែលបង្កើតកម្លាំងជម្រុញនៅពីក្រោយការអភិវឌ្ឍន៍ដ៏លេចធ្លោរបស់ក្រុមហ៊ុន Nissan ផង​ដែរ ដោយមូល​ហេតុ​​នេះ​ជួយ​ឲ្យ​ពួក​គេ​បង្កើត​បាន​សមិទ្ធិផលដំបូងគេជាច្រើននៅលើពិភពលោក។

Abe Kengo