សូមប្រយ័ត្ន អ្នក​អាច​នឹង​ត្រូវ​ចាប់​ខ្លួន​ព្រោះ​តែ​ស្លៀក​សម្លៀក​បំពាក់​ជប៉ុន​នៅ​ចិន

នៅលើពិភពលោកមានប្រទេសមួយចំនួនមិនចូលចិត្តជប៉ុន ឧទាហរណ៍ដូចជាប្រទេសចិន។

ជាមួយនឹងជម្លោះរវាងអាមេរិក និងចិន ទាក់ទងនឹងបញ្ហាបង្ហូរ​ទឹក​សំណល់​ដែល​កែច្នៃរួចពី​រោងចក្រ​ថាមពល​នុយក្លេអ៊ែរ Fukushima ចូល​សមុទ្រ។ ទន្ទឹមនឹងនោះ ការមិនពេញចិត្តដោយសារផលប៉ះពាល់នៃវិបត្តិសេដ្ឋកិច្ចបាន​ធ្វើ​ឲ្យ​ទំនាក់​ទំនង​រវាង​ចិន និង​ជប៉ុន​កាន់​តែ​អាក្រក់​ទៅៗ។

វីដេអូដែលថតបាននៅឧទ្យានមួយក្នុងប្រទេសចិន នារីម្នាក់ស្លៀកសម្លៀកបំពាក់ស្រដៀងនឹង Kimono ត្រូវបានបង្ហោះនៅលើបណ្តាញសង្គម ហើយផ្ទុះកំហឹងយ៉ាងខ្លាំងក្នុងប្រទេសនេះ។

បុគ្គលិកក្នុងឧទ្យានបានរំលឹកស្រ្តីក្នុងវីដេអូថា៖ “អ្នកមិនអាចស្លៀកសម្លៀកបំពាក់របស់ជប៉ុនបានទេ” ។

ស្រ្តីរូបនោះបានតបវិញថា៖ “នេះ​មិន​មែន​ជា​សម្លៀក​បំពាក់​ជប៉ុននោះទេ នេះ​ជា​សម្លៀក​បំពាក់​ប្រពៃណី​ចិន” ។

ចុងក្រោយ ស្ត្រី​ម្នាក់​នេះ​ត្រូវបណ្តេញ​ចេញ​ពីឧទ្យាន។ ថ្វីត្បិតតែ នាងស្លៀកសម្លៀកបំពាក់ប្រពៃណីចិនស្រដៀងនឹង Kimono ជប៉ុនក៏ដោយ ប៉ុន្តែការដែលបុគ្គលិកឧទ្យានមានអាកប្បកិរិយារើសអើងចំពោះសម្លៀកបំពាក់ ពិត​ជា​ហួសហេតុ​​ណាស់។

ហេតុ​ការណ៍មួយផ្សេងទៀត ពាក់ព័ន្ធនឹងស្ត្រីម្នាក់ត្រូវប៉ូលីសចិនឃាត់ខ្លួន ព្រោះតែស្លៀក Yukata ពណ៌ផ្កាឈូកស្អាត​នៅ​​តាម​​ផ្លូវ។

នាងគ្រាន់តែចង់ថតរូបពេលស្លៀកឈុត Yukata ដែលខ្លួនចូលចិត្ត។ ប៉ុន្តែប៉ូលីសបែរជានិយាយថា៖

“បើសិនជានាងស្លៀកសម្លៀកបំពាក់ចិន ខ្ញុំមិននិយាយអ្វីឡើយ។ ប៉ុន្តែ​អ្វី​ដែល​នាងកំពុងស្លៀកគឺ Yukata របស់ជប៉ុន។

ក្នុងនាមជាជនជាតិចិន តើនាងគួរតែធ្វើយ៉ាងណា? ចូរចងចាំថា នាងជាជនជាតិចិន” ។ បន្ទាប់ពីស្តីឲ្យនារីនោះ ប៉ូលីសបាននាំនាងទៅកាន់​ប៉ុស្តិ៍​ប៉ូលីស។

បច្ចុប្បន្នរដ្ឋាភិបាលចិនក៏កំពុងពិចារណាដាក់ចេញច្បាប់ដែលមានខ្លឹមសារដូចខាងក្រោម៖

“​ប្រសិន​បើ​អ្នក​ណា​ស្លៀក​សម្លៀក​បំពាក់​ដែល​ប៉ះពាល់​ដល់​ស្មារតី​ជាតិ​ចិន ត្រូវចាត់ទុកថាខុសច្បាប់។ ទង្វើ​នេះ​អាច​ត្រូវ​​ផ្ដន្ទា​ទោស​​ដាក់​​ពន្ធនា​គារ​​រហូត​​​ដល់ ១៥​ ថ្ងៃ និង​ពិន័យ​រដ្ឋបាល​រហូត​ដល់ ៨០០ ដុល្លារ” ។

Abe Kengo

មើលបន្ថែម: