ល្បែងលេង​មួយ​ចំនួន​ដែលជប៉ុន​ផលិតសូម្បី​តែ​មនុស្ស​ធំ​ក៏​ចូល​ចិត្ត​

ប្រជាជនជប៉ុនមានភាពតឹងរ៉ឹងចំពោះវត្ថុដែលពួកគេបង្កើត ដូច្នេះហើយ ផលិតផលក្មេងលេងដែលពួកគេផលិតសូម្បី​តែ​មនុស្ស​ពេញ​វ័យ​ក៏​ចូល​ចិត្ត​ដែរ។

បើសិនជាអ្នកមានឳកាសទៅលេងជប៉ុន តើអ្នកចង់ទិញវត្ថុអនុស្សាវរីយ៍ដូចខាងក្រោមនេះដែរទេ?

នរកងងឹតសូន្យ និងនរកភ្លើងឆេះ

បើសិនជាស្រាប់តែឮឈ្មោះបែបនេះ អ្នកប្រហែលជាឆ្ងល់ ប៉ុន្តែតាមពិតទៅ វាគ្រាន់តែជាឈ្មោះនៃល្បែងផ្គុំរូបប៉ុណ្ណោះ។ ល្បែង​ផ្គុំ​រូប​ពណ៌​ខ្មៅគេហៅថា នរកងងឹតសូន្យ ចំណែកឯពណ៌ក្រហមគេហៅថា នរកភ្លើងឆេះ ។

នៅពេលដែលក្រឡេកមើលផ្ទាំងគំនូរទាំងនេះ អ្នកអាចនឹងឆ្ងល់មិនដឹងថាមួយណាជាបំណែកជុំវិញ។ បន្ទាប់ពីព្យាយាម​រៀបបំណែក​ផ្គុំ​ចូល​គ្នា​តាម​អារម្មណ៍របស់ខ្លួន អ្នកប្រហែលជាមិនអាចកំណត់ទីតាំងបំណែករូបនោះទេ ព្រោះ​​វា​​មាន​ពណ៌​ដូច​គ្នា។

នៅ​ប្រទេស​ជប៉ុនបេក្ខជន​ដែល​ចង់​ក្លាយ​ជា​អវកាសយានិកត្រូវគេចាត់ទុកថា ឆ្លើយសំណួរដោយ​ប្រើ​ល្បែង​ផ្គុំ​រូប​ពណ៌​​​ស​​អំឡុង​ពេលទទួលការជ្រើសរើស។ គោលបំណងចង់ដឹងថា តើបេក្ខជនទាំងនេះមានភាពអត់ធ្មត់ដោះស្រាយពេល​​ប្រឈម​​នឹង​បញ្ហា​ដែរ​ទេ?

ឈុតឧបករណ៍លេងសួនង្វេង 3D

ល្បែងនេះអ្នកត្រូវធ្វើយ៉ាងណាឲ្យបាល់រមៀលឆ្លងកាត់សួនវង្វេង 3D ហើយរមៀលទៅកាន់គោលដៅ។ សួនវង្វេង 3D មានឧបករណ៍ស្មុគស្មាញជាច្រើនសម្រាប់រាំងផ្លូវបាល់។ Lexus នេះពិបាកជាងគេក្នុងចំណោម Perplexus ដូច្នេះ​ចូរ​សាក​ល្បង​យក​ឈ្នះ​ល្បែង​នេះ​មើល។

One Piece Hanafuda

សម្រាប់អ្នកដែលទ្រាំមិនបាននឹងសម្ពាធ ល្បែងនេះអាចជួយកាត់បន្ថយភាព​តានតឹង។ ទាំងនេះជាសន្លឹកបៀ Hanafuda ដែលមានគំនូរនៃស៊េរីរឿងគំនូរជីវចលល្បី One Piece ។

Hanafuda ជាល្បែងបៀរបុរាណរបស់ជប៉ុន ក្នុងនោះអ្នកអាចរួមបញ្ចូលប្រភេទផ្កា ឲ្យដឹងពីរដូវកាលនៅជប៉ុន។ ការរួមបញ្ចូលសន្លឹកបៀ Hanafuda ជាមួយនឹងរូបភាពនៃតួអង្គ One Piece អាចជា​វត្ថុ​អនុស្សាវរីយ៍​ដ៏​ល្អ​បំផុត​សម្រាប់អ្នក​​ដែល​​គាំទ្រ​​រឿង​នេះ។

ឆ្កែ Dacky ចេះនិយាយ

នេះជាមនុស្សយន្តដែលអាចទំនាក់ទំនងបាន ដោយដំឡើងវាក្យសព្ទជាង ២០០ ពាក្យ ហើយអាចនិយាយបាន ៣.៧០០ របៀប​និយាយ​ខុសៗ​គ្នា។ ដូច្នេះហើយ ស័ក្តិសម​បំផុត​សម្រាប់​អ្នក​ដែល​កំពុង​រៀន​ភាសា​ជប៉ុន។

នៅប្រទេសជប៉ុន ឧបករណ៍លេងបែបនេះពេញនិយមណាស់សម្រាប់មនុស្សចាស់ដែលរស់នៅម្នាក់ឯង។ ប៉ុន្តែបើត្រូវនរណា​ម្នាក់​ប្រទះ​ឃើញ​កំពុង​និយាយជាមួយ Ducky ប្រហែលជាអៀនបន្តិច ដូច្នេះចូរ​ប្រយ័ត្ន។

សៀគ្វីអេឡិចត្រូនិច

នេះជាល្បែងលេងដែលគួរឲ្យចាប់អារម្មណ៍សម្រាប់​បុរស ដោយភ្ជាប់ផ្នែកនីមួយជាមួយគ្នាដើម្បីបង្កើតសៀគ្វីអេឡិច​ត្រូនិច អ្នក​អាច​បង្កើត​រូប​រាង​ខុសៗ​ជា​ច្រើនដូចជាស្លាបកង្ហារវិល ម៉ាស៊ីនចាក់ចម្រៀង ឬភ្លើងបញ្ចេញពន្លឺ។ ជា​ការ​​​ខ្ជះ​ខ្ជាយ​ណាស់ដែល​មិន​បាន​ទិញ​របស់​លេង​ទាំងនេះ​ជា​កាដូ​សម្រាប់​ក្មេងៗ មែនទេ?

ទាំងនេះអាចជាវត្ថុអនុស្សាវរីយ៍ដ៏ល្អសម្រាប់សាច់ញាតិ មិត្តភក្តិ និងខ្លួនអ្នកផ្ទាល់។

តើអ្នកគិតយ៉ាងណាចំពោះផលិតផលដែលមកពីប្រទេសជប៉ុន?

Abe Kengo