ប្រភេទអាវុធដែលគ្រោះថ្នាក់បំផុតប៉ុន្តែអាចរកទិញបាននៅជប៉ុន

នៅជប៉ុនយើងអាចទិញកាំភ្លើងបរបាញ់សត្វ ប៉ុន្តែត្រូវមានក្រដាសអនុញ្ញាតពិសេស ដូច្នេះមនុស្សធម្មតាពិបាកនឹង​ប្រើ​កាំភ្លើង​ណាស់។

ប្រភេទដាវជប៉ុនដែលសាមូរ៉ៃប្រើកាលពីមុនក៏ត្រូវចុះ​បញ្ជី និងមានការអនុញ្ញាតពី​រដ្ឋាភិបាលផងដែរ។ ចំណែកកាំបិត​ធ្វើ​ម្ហូប ថ្វីត្បិតតែមានគ្រោះថ្នាក់តែខ្លី ដូច្នេះមិនចាត់ទុកជាប្រភេទអាវុធគ្រោះថ្នាក់បំផុតនោះទេ។

ដូច្នេះហើយ អាវុធគ្រោះថ្នាក់បំផុតដែលមិនចាំបាច់សុំការអនុញ្ញាត ហើយនៅតែអាចប្រើបានធម្មតាគឺកាំបិតកាត់សាច់​ត្រីធូណា។

វាមានប្រវែង និងកម្លាំងប្រហាក់ប្រហែលដាវជប៉ុន ប៉ុន្តែដោយសារវាជាប្រភេទសម្ភារធ្វើម្ហូប ដូច្នេះមិនចាំបាច់សុំការ​អនុញ្ញាត ហើយ​អាច​ទិញ​បាន​​យ៉ាង​​ងាយ​​នៅ​ក្នុង​ប្រទេសជប៉ុន។

ជួនកាលកាំបិតកាត់ត្រីធូណាវែងជាងដាវជប៉ុនទៅទៀត ប្រសិនបើឧក្រិដ្ឋជន​ប្រើវា​វាយប្រហារ​មនុស្ស ពិតជា​គ្រោះថ្នាក់​ណាស់​មែន​ទេ?

ក្រៅពីនេះ ក៏មានប្រភេទកាំបិតផ្សេងទៀត ដែលមានគ្រោះថ្នាក់ដូចគ្នា។

នោះគឺកាំបិតទុកសម្រាប់វះត្រីបាឡែន ប៉ុន្តែវាមើលទៅដូចជាដាវជាង និងមិនសូវនិយមនៅលើទីផ្សារនោះទេ។ ដូច្នេះ​ហើយ ប្រជាជនជប៉ុនតែងតែនិយាយលេងថា បើសិនជា Zombie វាយលុកផ្សារត្រីរបស់ជប៉ុន ពួកវាប្រហែលជា​ខុស​ធ្ងន់​ណាស់។

Abe Kengo