ហេតុ​អ្វី​បាន​ជា​ជន​ជាតិ Kyrgyzstan ត្រូវ​គេ​ចាត់​ទុក​ថា​ស្រដៀង​នឹង​ជន​ជាតិ​ជប៉ុន​​ជាង​គេ?

ប្រហែលជាអ្នកទាំងអស់គ្នាគិតថា ពិបាកនឹងបែងចែកជនជាតិជប៉ុន កូរ៉េ និងចិន ប៉ុន្តែតាមពិតទៅ ជនជាតិ Kyrgyzstan ទើប​ត្រូវ​គេ​ចាត់​ទុក​ថា ស្រដៀង​នឹង​ជនជាតិជប៉ុនជាងគេលើពិភពលោក។

តោះចូរក្រឡេកមើលរូបភាពមួយចំនួនរបស់ជនជាតិ Kyrgyzstan ទាំងអស់់គ្នាណា!

ហើយក៏មានមនុស្សជាច្រើនមានអារម្មណ៍ថា ពួកគេមើលទៅខុសពីជនជាតិជប៉ុន។ ប៉ុន្តែខ្ញុំគិតថា មកពីសម្លៀកបំពាក់ និង​ការ​តុប​តែង​ខ្លួនខុសគ្នារវាងប្រទេសទាំងពីរប៉ុណ្ណោះ។

ចំណុចស្រដៀងគ្នាតាមរយៈរឿងទេវកថា

ប្រទេសនីមួយៗនៅលើពិភពលោកតែងតែមានរឿងទេវកថារបស់ខ្លួន ហើយក៏មានរឿងខ្លះខ្លឹមសារស្រដៀងគ្នាផងដែរ។ ជាពិសេស មានរឿងមួយនៅ Kyrgyzstan និយាយពីបងប្អូនពីរនាក់។ ក្នុងចំណោមបងប្អូនទាំងពីរ ម្នាក់ចូលចិត្តបរិភោគសាច់ និងបរបាញ់សត្វ ទើបសម្រេចចិត្តនៅ Kyrgyzstan ចំណែកម្នាក់ទៀតចូលចិត្តត្រី ដូច្នេះទើប​ឆ្លង​សមុទ្រ​ទៅ​កាន់​ទឹក​ដី​ថ្មី ហើយក្រោយមកបានក្លាយជាជនជាតិជប៉ុន។

ក្នុងទេវកថាជប៉ុន មានរឿងស្រដៀងគ្នាមួយនិយាយពី បុរសជាប្អូនប្រុសរស់នៅលើភ្នំដើម្បីបរបាញ់សត្វ និងម្នាក់ជា​បង​ទៅ​ចាប់​ត្រី​ក្នុង​សមុទ្រ។ តើចំណុចនេះគ្រាន់តែជារឿងចៃដន្យឬ?

Kyrgyzstan នៅទីណា?

សូមក្រឡេកមើលផែនទី យើងអាចឃើញថា Kyrgyzstan ជាប្រទេសអាស៊ីកណ្តាល ដែលមានទង់ជាតិពណ៌ក្រហម។

ប្រទេសនេះស្ថិតនៅឆ្ងាយពីប្រទេសជប៉ុន ហើយត្រូវបានហ៊ុំព័ទ្ធដោយប្រទេសជាច្រើនទៀត។ ដូច្នេះហេតុ​អ្វី​បាន​ជាគេនិយាយថាពួកគេមើលទៅស្រដៀងគ្នាទាំងនៅឆ្ងាយយ៉ាងនេះ?

តើហ្សែនដូចគ្នាឬ?

ថ្វីត្បិតតែ មិនមានព័ត៌មានបញ្ជាក់អំពីការសង្ស័យនេះ ប៉ុន្តែលក្ខណៈរួមរបស់ពួកគេសុទ្ធ​តែ​មាន​សក់​ខ្មៅ ភ្នែកខ្មៅ ស្បែកលឿង និងត្រូវបានគេចាត់ថ្នាក់ Mongoloid ដូចជនជាតិជប៉ុន។

ចំណុចស្រដៀងគ្នា

គេនិយាយថា មានចំណុចជាច្រើនដូចគ្នា ដូចជាចូលចិត្តសកម្មភាពក្រុម ចរិកលក្ខណៈម៉ឺងម៉ាត់ និងឧស្សាហ៍ព្យាយាម តែង​តែ​ផ្តោត​សំខាន់​លើ​ទំនាក់​ទំនង​ចុះសម្រុងគ្នារវាងមនុស្ស និងមនុស្ស។

ចំណុចខុសគ្នា

Kyrgyzstan ហាក់​ដូចជា​ប្រទេស​មួយ​ដែល​មិនប្រកាន់ភ្ជាប់ពេលវេលា។ រឿងដែលទៅយឺតពី ២ ទៅ ៣ ម៉ោងត្រូវគេចាត់ទុកជារឿងធម្មតាសម្រាប់ប្រជាជននៅទីនេះ។ ដោយរឿងនេះត្រូវគេចាត់ទុកជារឿងដែលមិននឹកស្មានដល់នៅ​ក្នុង​ប្រទេស​ជប៉ុន។

ហើយក៏មានមតិយល់ថា បុព្វបុរសរបស់ជនជាតិជប៉ុនគឺជនជាតិយូដា។ ខ្ញុំធ្លាប់និយាយពីភាពស្រដៀងគ្នារវាងជន​ជាតិ​យូដា និងជនជាតិជប៉ុននៅលើគេហទំព័រ JAPO®︎ ពីមុន ហើយជនជាតិយូដាត្រូវគេចាត់ទុកថា ធ្លាប់រស់នៅជិត​តំបន់ Kyrgyzstan ។

តើអ្នកគិតថាជប៉ុនស្រដៀងនឹងប្រជាជនប្រទេសណាជាងគេនៅលើពិភពលោក?

Abe Kengo