ពិតឬយ៉ាងណាអត្រាកំណើន GDP របស់ជប៉ុនកើនរហូតដល់ ៦,០%

យោងតាមព័ត៌មានដែលត្រូវបានប្រកាសដោយការិយាល័យខុទ្ទកាល័យជប៉ុនកាលពីថ្ងៃទី ១៥ ខែសីហា ជាក់ស្តែងល្បឿនកំណើន GDP ត្រីមាសទីពីរ (ពីខែមេសា ដល់ខែមិថុនា) ឆ្នាំ ២០២៣ គឺ ៦,០% ។ ចំណុចនេះបង្កឲ្យមានមតិ​ចម្រូង​ចម្រាស​​យ៉ាង​​ខ្លាំង​​លើ​បណ្តាញ​សង្គម។

អត្រាកំណើន GDP ក្នុងស្រុកគឺ ៦,០% ដែលជាតួលេខច្រើន ហើយជាធម្មតាមានតែប្រទេសដែលមានសេដ្ឋកិច្ច​រីក​ចម្រើន​​ប៉ុណ្ណោះ។ យ៉ាងណាមិញ មនុស្សភាគច្រើនមិនគិតថា សេដ្ឋកិច្ចជប៉ុនបែរជាអាចរីកចម្រើនយ៉ាង​លឿន​ដូច​នេះ។

បើប្រៀបនឹងឆ្នាំមុន អត្រាកំណើន GDP របស់ជប៉ុនមានត្រឹមតែ ១,៥% ប៉ុណ្ណោះ។ ប្រសិនបើអត្រាកំណើននេះបន្តអំឡុង​ពេល​មួយ​ឆ្នាំ ដូច្នេះ​យើង​អាចប៉ាន់ប្រមាណ GDP ក្នុងឆ្នាំនេះនឹងឈានដល់កម្រិត ៦,០% ។

ប៉ុន្តែប្រសិនបើក្រឡេកទៅមើលស្ថានភាពសេដ្ឋកិច្ចដែលរអាក់រអួលរបស់ជប៉ុនក្នុងឆ្នាំ ២០២២ ចំណុចនេះពិបាកនឹង​កើត​ឡើង​ណាស់។ ក្រៅពីនេះ ថ្វីត្បិតតែ បញ្ហាប្រាក់យ៉េនធ្លាក់ថ្លៃបានជម្រុញឲ្យការនាំចេញរថយន្តកើន និងផ្ទុយ​​ទៅ​​វិញ បានបណ្តាលឲ្យតម្លៃក្នុងប្រទេសជប៉ុនកើនឡើងផងដែរ។ មិនបំផ្លើសទេដែលនិយាយថា អត្រាកំណើន​ជាក់​​ស្តែង​​អាច​នឹង​អវិជ្ជមាន ប្រសិនបើបូកបញ្ចូលផលប៉ះពាល់ដែលបណ្តាលមកពីតម្លៃឡើងថ្លៃ។

ដូចជាការប្រើប្រាស់របស់អ្នកស្រុកអាចបញ្ជាក់ចំណុចនោះ បើ​ធៀប​នឹង​រយៈ​ពេល​ដូច​គ្នា​កាល​ពី​ឆ្នាំ​មុន ការ​ចំណាយ​​របស់​​ប្រជាជន​​បាន​​ធ្លាក់​ចុះ ០,៥% ។ ដូច្នេះ​បើ​តាម​ស្ថានភាព​សេដ្ឋកិច្ច​បច្ចុប្បន្ន គ្មានអ្វី​ចម្លែក​ទេ​ដែល​កំណើន GDP របស់​ជប៉ុនអាចនឹងធ្លាក់ដល់កម្រិតអវិជ្ជមាន​។ ចំណុចនេះប្រហែលជាស្របនឹងការគិតរបស់ប្រជាជន​ជប៉ុន។

ដូច្នេះហេតុអ្វីបានជារដ្ឋាភិបាលប្រកាសអត្រាកំណើន GDP ខ្ពស់បែបនេះ?

មនុស្សជាច្រើនគិតថា រដ្ឋាភិបាលកំពុងតែរម្ងាប់អារម្មណ៍​ប្រជាពលរដ្ឋ​ ដើម្បីឲ្យប្រជាជនគិតថា សេដ្ឋកិច្ចប្រទេសកំពុងអភិវឌ្ឍល្អ និងធ្វើឲ្យពួកគេមានអារម្មណ៍ទុកចិត្តពេលចំណាយ។ ព្រោះនៅពេលដែលប្រជាជនជប៉ុនមានអារម្មណ៍​ភ័យខ្លាច ពួកគេតែងតែកាត់បន្ថយការចំណាយ និងប្តូរទៅរកការសន្សំ ដែលបណ្តាលឲ្យសេដ្ឋកិច្ចមិនអាច​ងើប​ឡើង​វិញ​បាន។

ក្រៅពីនេះ ក៏​មាន​មតិ​ខ្លះ​ទៀត​ថា នេះជា​យុទ្ធសាស្ត្រ​ដំឡើង​ពន្ធ​របស់​រដ្ឋាភិបាល។ រឿងទាក់ទងនឹងការ​ដំឡើង​ពន្ធ​ពិត​ជា​បាន​កើត​ឡើង​មួយ​រយៈ​ពេលមុន។ ប៉ុន្តែបើសិនជាដំឡើងពន្ធអំឡុងពេលដែលសេដ្ឋកិច្ចមានវិបត្តិដូចសព្វ​ថ្ងៃ អាច​នឹង​បង្កឲ្យមាន​ប្រតិកម្ម​អវិជ្ជមាន​យ៉ាង​ខ្លាំង​ដល់​ប្រជាជនទូទាំងប្រទេស។

ជប៉ុនជាប្រទេសដែលធានាសេរីភាពសារព័ត៌មាន ប៉ុន្តែជាក់ស្តែងតើពិតដែរទេ? ដូច្នេះហើយ នៅពេលដែលអ្នកទទួល​បានដំណឹងអ្វីមួយ សូមកុំប្រញាប់ចែករំលែកទាំងមិនទាន់បានវិភាគដោយប្រុងប្រយ័ត្ន។ មានតែដូច្នេះទេ ទើប​យើង​អាច​រស់​ក្នុងយុគសម័យ ៤.០ សព្វ​ថ្ងៃ។

Abe Kengo