ហេតុ​អ្វី​បាន​ជា​ជន​ជាតិ​អាមេរិក​ជា​ច្រើន​គិត​ថា Kyoto គ្មាន​អ្វី​សប្បាយ?

នៅពេលដែលត្រូវបានគេសួរពីកន្លែងទេសចរណ៍ដែលពេញ​និយម​បំផុតក្នុងប្រទេសជប៉ុន ប្រហែលជាមនុស្សជាច្រើន​នឹង​ឆ្លើយ​ថា Kyoto ។

យ៉ាងណាមិញ ថ្មីៗនេះ ជនជាតិអាមេរិកម្នាក់បានទៅកាន់ Kyoto ហើយបង្ហោះវីដេអូរិះគន់របស់ខ្លួននៅលើ Twitter ។ វីដេអូ​​របស់​​នារី​​ម្នាក់​​នេះ​​បាន​​ទាក់​ទាញ​​អ្នក​ចូល​មើល​ជាង ១៥ លាននាក់។

ដូច្នេះតើ Kyoto ពិតជាគួរឲ្យធុញទ្រាន់ដែរទេ? ជាដំបូង ចូរយើងស្វែងយល់អំពី Kyoto គឺជាទីក្រុងដូចម្តេច។

ក្រឡេកមកមើលការសន្និដ្ឋានខាងលើរបស់នារីជនជាតិអាមេរិក ប្រហែលជាមានមនុស្សជាច្រើនយល់ស្របថា Kyoto ជា​កន្លែង​ដែល​មិន​គួរ​ឲ្យ​ចាប់​អារម្មណ៍។ ទោះជាយ៉ាងណា Kyoto មិនមែនជាសួនកម្សាន្តសម្រាប់យុវវ័យនោះទេ ទី​នោះ​គ្រាន់​តែ​ជា​ទីក្រុង​បុរាណ ជាកន្លែងដែលប្រជាជនរស់នៅ។

មិនមានសាមូរ៉ៃ ឬ geisha ដើរទៅវិញទៅមកក្នុងទីក្រុងដូចដែលអ្នករាល់គ្នាគិតទេ ហើយបើសិនជាមាន គ្រាន់តែជាភ្ញៀវទេសចរណ៍ជួលសម្លៀកបំពាក់ដើម្បីថតរូបប៉ុណ្ណោះ។ ដូច្នេះហើយ ប្រសិនជាអ្នកយល់ច្រឡំចំណុចនេះ អ្នក​ប្រហែល​​ជា​​ខក​​បំណង​ពេល​ទៅ​លេង​នៅ Kyoto ជា​មិន​ខាន។

ចំពោះអាកាសធាតុ នៅ Kyoto រដូវរងាត្រជាក់ខ្លាំង និងរដូវក្តៅស្អុះស្អាប់។ អាកាសធាតុមិនអំណោយផលនៅទីនេះបានធ្វើឲ្យស្រ្តីក្នុងវីដេអូអស់កម្លាំង។

ចំណុចមួយផ្សេងទៀត ដែលប្រហែលជាធ្វើឲ្យភ្ញៀវទេសចរណ៍ស្រីម្នាក់នេះមានអារម្មណ៍ថា Kyoto មិនល្អ ដោយសារទីក្រុង​នេះមានភ្ញៀវទេសចរណ៍មកទស្សនាច្រើន។ ដោយធ្វើឲ្យគ្រប់ទីកន្លែងដែលនាងទៅសុទ្ធតែមនុស្ស ហើយឆាប់មាន​អារម្មណ៍​ធុញ​ទ្រាន់​ពេល​ដើរ​ទស្សនា។

ចំណុចទាំងនេះជាមូលហេតុ​ធ្វើឲ្យ Kyoto ក្លាយជាកន្លែងគួរឲ្យធុញទ្រាន់ក្នុងចិត្តរបស់មនុស្សជាច្រើន។ ប៉ុន្តែបើសិនជាអ្នកយល់ខុសនឹងអ្វីដែលមាននៅក្នុងទីក្រុងនេះ ហើយរំពឹងខ្ពស់តាមការស្រមើលស្រមៃរបស់ខ្លួន អ្នកគ្រាន់តែកំពុង​ធ្វើ​ឲ្យ​ខ្លួន​ខក​បំណង​ប៉ុណ្ណោះ។

ដូច្នេះតើយើងអាច​រីករាយ​នឹង​ដំណើរ​កម្សាន្ត Kyoto ដោយវិធី​ណា​ខ្លះ?

ទីក្រុងបុរាណដែលមានប្រវត្តិជាង ១២០០ ឆ្នាំ

ត្រូវបានបង្កើតឡើងក្នុងឆ្នាំ ៧៩៤ ម្យ៉ាងវិញទៀត Kyoto ជាទីក្រុងមួយដែលមានប្រពៃណី និងវប្បធម៌មានអាយុកាលជាង ១២០០ មកហើយ។ នៅទីនេះធ្លាប់ឆ្លងកាត់​ព្រឹត្តិការណ៍​ជា​ច្រើន​ជាមួយ​នឹងជប៉ុន ហើយ​ក៏​មាន​អគារ​ជា​ច្រើន​​ក្លាយ​ជា​​ប្រវត្តិសាស្ត្រ​ផងដែរ។

អ្នកប្រាកដជាមិនអាចរកឃើញទីក្រុងណាមួយ ដែលបង្ហាញពីបរិបទប្រវត្តិសាស្ត្រ​ដូច​នៅ​ Kyoto នោះទេ។ ដូច្នេះហើយ នៅទីនេះត្រូវគេចាត់ទុកដូចជាកន្លែងទេសចរណ៍ដែលមានភាពទាក់ទាញសម្រាប់អ្នកចាប់អារម្មណ៍លើប្រវត្តិ​សាស្ត្រ​ជប៉ុន។

ក្រៅពីនេះ Kyoto ក៏ត្រូវបានអ្នកថតរូបជាច្រើនជ្រើសរើសជាកន្លែងដែលថតរូបជប៉ុនស្អាតបំផុតផងដែរ។ កន្លែងមួយ​ចំនួន​ដូច​ជា៖

វិមាន Kyoto

នេះជាកន្លែងគង់នៅរបស់​អធិរាជក្នុងសម័យសាមូរ៉ៃ វិមាន Kyoto គឺជាស្នាដៃគំរូស្ថាបត្យកម្មនៃសម័យកាលនោះ។ ប្រសិន​បើ​អ្នកជាមនុស្សស្រលាញ់ចូលចិត្តសិល្បៈជប៉ុន សូម​កុំ​រំលង​កន្លែង​នេះ​ពេល​ទៅ​លេង Kyoto ឲ្យ​សោះ។

ប្រាសាទមាស – Kinkakuji

ទីនេះត្រូវបានគេចាត់ទុកដូចជារូបតំណាងនៅ Kyoto ជាប្រាសាទមាសដែលគ្រប់គ្នាតែងតែឮ។ ដើមឡើយ ទីនេះត្រូវគេយកធ្វើជាវិមានរបស់ Ashikaga Yoshimitsu ដែលជាសាមូរ៉ៃលេខ ១ នៅជប៉ុនសម័យនោះ។ ក្រោយមក គេប្តូរទៅជាប្រាសាទទី​សក្ការៈ​បូជា។

កម្រឃើញស្ថាបត្យកម្មដែលប្រើមាសច្រើនដូចនេះណាស់ គ្រាន់​តែ​មើល​ពី​ខាង​ក្រៅ គ្រប់គ្នាអាចស្រមៃមើលពីអំណាច​របស់ Ashikaga Yoshimitsu នៅសម័យនោះ​អស្ចារ្យ​ប៉ុណ្ណា។

នៅពេលដែលមានពន្លឺព្រះអាទិត្យ ភាពផ្ទុយគ្នារវាងផ្ទៃមេឃពណ៌ខៀវ និងពណ៌មាសភ្លឺចាំងរបស់ Kinkakuji បង្កើតបានជាស្នាដៃដ៏អស្ចារ្យដែលនឹងទាក់ទាញចិត្តមនុស្ស។

ច្រកទ្វារ Torii

ទីកន្លែងដែលល្បីឈ្មោះនេះនៅខាងក្នុងទីសក្ការបូជាដែលមានឈ្មោះថា Fushimi Inari-taisha ។ មនុស្សជាច្រើនប្រហែលជាធ្លាប់ឃើញរូបភាពច្រកទ្វារទាំងនេះតាមរយៈបណ្តាញសង្គម។ ព្រោះជាក់ស្តែងប្រាសាទមានក្លោងទ្វារ torii ជាង ១០០០ ច្រក ដូច្នេះទីនេះបានក្លាយទៅជាកន្លែង check in ដែលស្អាតបំផុតសម្រាប់ភ្ញៀវមកទស្សនាប្រាសាទ។

អ្វីដែលគួរឲ្យចាប់អារម្មណ៍ នៅទីនេះច្រកទ្វារ torii នីមួយៗមានការបួងសួងមួយភ្ជាប់នៅលើ។ ដូច្នេះហើយ កន្លែងនេះក៏ត្រូវគេចាត់ទុកដូចជាកន្លែងដែលមានកម្លាំងជំនឿជាងគេនៅជប៉ុនផងដែរ។

ជា​ចុង​ក្រោយ ចូរយើងស្វែងយល់អំពីវប្បធម៌ម្ហូបអាហាររបស់ Kyoto ។

មុខម្ហូប Kyoto មិនមែនតែងតែប្រើគ្រឿងផ្សំប្រណិតនោះទេ ទោះជាយ៉ាងណា លក្ខណៈពិសេសនៃមុខម្ហូបនៅទីនេះគឺថា អ្នកអាចដឹងពីរដូវតាមរយៈរសជាតិមុខម្ហូប។

ដូចជាទំពាំងធ្វើឲ្យគ្រប់គ្នាដឹងថា រដូវរងា​បាន​កន្លង​ផុត​ទៅ ចំណែកឯបរិយាកានៃនិទាឃរដូវក៏កាន់តែកក់ក្តៅ​ផង​ដែរ។ ក្រៅពីនេះ យើងក៏អាចមើលឃើញពីអាកាសធាតុនិទាឃរដូវតាមរយៈបន្លែព្រៃក្នុងអាហារនីមួយៗ។ នៅរដូវក្តៅ ប្រជាជន Kyoto ច្រើនតែចម្អិនត្រី hamo ឬ ayu ។

មុខម្ហូប Kyoto ត្រូវបានចម្អិនយ៉ាងប៉ិនប្រសប់ ដោយរួមបញ្ចូលការប្រើគ្រឿងផ្សំដែលប្រែប្រួលទៅតាមរដូវកាល ដែលមិនងាយច្រឡំនឹងកន្លែងផ្សេងឡើយ។

ដូច្នេះតើអ្នកចង់មកលេង Kyoto ដ៏ពិសេសនេះដែរទេ? Kyoto ប្រហែលជាមិនមែនសម្រាប់មនុស្សគ្រប់គ្នានោះ​ទេ ប៉ុន្តែ​វា​សម្រាប់​តែ​មនុស្ស “ចាស់​ទុំ” យល់​អំ​ពី​ភាព​ស្រស់​ស្អាត​នៃ​វប្បធម៌​ជប៉ុន។

Abe Kengo