ពេលរដូវក្តៅ​មក​ដល់ តើ​ប្រជាជន​ជប៉ុន​និយម​សកម្មភាព​អ្វី​ខ្លះ​ដើម្បី​កាត់​បន្ថយ​កម្តៅ?

នៅរដូវនេះ ជប៉ុនឈានចូលរដូវក្តៅហើយ រីឯអាកាសធាតុក៏ក្តៅណាស់ដែរ។ ថ្វីត្បិតតែប៉ុន្មានថ្ងៃទៀតអាកាសធាតុក្តៅ​ខ្លាំង យ៉ាង​ណា​មិញ ចូរ​យើង​ក្រឡេក​មើល​ប្រជាជន​ជប៉ុន​ធ្វើអ្វីខ្លះពេលរដូវក្តៅមកដល់។

អ្នកធ្លាប់ឆ្ងល់ដែរទេថា នៅពេលដែលមិនទាន់មានម៉ាសុីនត្រជាក់ តើគ្រប់គ្នាចំណាយពេលធ្វើអ្វីនៅរដូវក្តៅ?

ពុះឪឡឹក

ពេលរំលឹកដល់រដូវក្តៅ គ្រប់គ្នាតែងតែគិតដល់សមុទ្រ។ ដូច្នេះហើយ ​ពុះ​ឪឡឹក​ត្រូវ​គេចាត់ទុកជាសកម្មភាពដែលពេញ​និយម​នៅ​ឆ្នេរ​សមុទ្រ​ជប៉ុន។ ដាក់ផ្លែឪឡឹកនៅលើដី អ្នកដែលត្រូវបិទភ្នែកកាន់ដំបង និងផ្លាស់ទីទៅកាន់ផ្លែឪឡឹក​តាម​ការ​ណែ​នាំ​របស់​អ្នក​រាល់​គ្នា។ បន្ទាប់ពីវាយត្រូវផ្លែឪឡឹកយ៉ាងគួរឲ្យអស់សំណើច គ្រប់គ្នាហូបផ្លែឪឡឹកដើម្បី​កាត់​បន្ថយ​កម្តៅ។

មីអណ្តែតតាមបំពង់ឬស្សី

នេះជាមុខម្ហូបពិសេសរបស់ប្រជាជនជប៉ុន អ្នកត្រូវត្រៀមបំពង់​ឬ​ស្សីដែលស្អាត ដើម្បីធ្វើកន្លែងបង្ហូរសរសៃមី Somen ឲ្យត្រជាក់។ Somen ជាប្រភេទមីជប៉ុន ដែលមានសរសៃស្តើង និងរលោង ដូច្នេះងាយស្រួលទទួលទាន។ អ្នកអាច​រីក​រាយ​នឹងចរន្តទឹកហូរតាមរយៈបំពង់ឬស្សី និងទទួលទានមី Somen ស្រស់ដែលសម្បូរទៅដោយជីវជាតិ ដើម្បី​ជួយ​ឲ្យ​រាង​កាយ​ត្រជាក់។ ដូច្នេះហើយ នេះជាមុខម្ហូបដែលល្អបំផុតសម្រាប់អ្នកដែលបាត់បង់ចំណង់អាហារដោយ​សារ​រដូវ​ក្តៅ។

និទានរឿងខ្មោច

នៅពេលយប់នារដូវក្តៅ ប្រជាជនជប៉ុនតែងតែបិទភ្លើង ហើយនិទានរឿងខ្មោចលងក្រោមពន្លឺភ្លើងទៀន។ បរិយា​កាស​ដ៏​គួរ​ឲ្យ​ភ័យ​ខ្លាច​ជួយ​ឲ្យពួកគេបំភ្លេចអាកាសធាតុក្តៅនៅពេលយប់។ ប៉ុន្តែសម្រាប់អ្នកដែលខ្លាចខ្មោច រឿងនេះ​ហាក់​ដូច​ជា​គួរឲ្យខ្លាចជាជាងរដូវក្តៅទៅទៀត។

ហូបទឹកកកឈូស

នេះគឺជាបង្អែមដែលប្រជាជនជប៉ុននិយមចូលចិត្តនារដូវក្តៅ។ គេឈូសទឹកកករួចចាក់ទឹកឃ្មុំផ្អែមពីលើ បន្ទាប់​មក​បន្ថែម​ពណ៌​ដែល​ទាក់​ទាញ​ភ្នែកដោយទឹកស៊ីរ៉ូដូចជា រស់ជាតិផ្លែស្ត្របឺរីក្រហម ឪឡឹកពណ៌បៃតង និង​ពណ៌​ទឹក​សមុទ្រ Hawaii ដែល​ជួយ​ឲ្យ​អ្នកមានអារម្មណ៍ចង់ភ្លក់គ្រប់រសជាតិទាំងអស់។

បាយអន្ទង់ Unaju

Unaju គឺជាបាយអន្ទង់ដែលឈ្ងុយឆ្ងាញ់ សាច់អន្ទង់ត្រូវបានគេអាំង បន្ទាប់មកលាបទឹកជ្រលក់ពីលើ។ នេះជាមុខម្ហូប​ដែលមានសារធាតុចិញ្ចឹមសំខាន់ៗជាច្រើនសម្រាប់រាងកាយ ដោយជួយបន្ថែមថាមពលដែលអ្នកបានបាត់បង់នៅ​រដូវ​ក្តៅ។ ទោះជាយ៉ាងណា តម្លៃអន្ទង់នៅជប៉ុនកាន់តែឡើងថ្លៃ ដែលធ្វើឲ្យមនុស្សជាច្រើនមិនហ៊ានទទួលទាន។

សកម្មភាពពិធីបុណ្យ

នៅជប៉ុនរដូវក្តៅត្រូវគេចាត់ជារដូវកាលនៃពិធីបុណ្យ ដោយសារតែនៅរដូវក្តៅ ថ្វីត្បិតតែសីតុណ្ហភាពពេលយប់ធ្លាក់ចុះ ប៉ុន្តែអាកាសធាតុក្នុងផ្ទះនៅតែក្តៅស្អុះ។ ដូច្នេះហើយ ពិធីបុណ្យជាច្រើនត្រូវបានប្រារព្ធឡើងនៅខាងក្រៅ ជាឱកាស​សម្រាប់​អ្នក​រាល់​គ្នាចេញទៅក្រៅលំហែកាយជាមួយក្រុមគ្រួសារ និងមិត្តភក្តិ។ ពួកគេតែងតែស្លៀក yukata ដែល​ជា​សម្លៀក​បំពាក់​ប្រពៃណី​នា​រដូវក្តៅរបស់ជប៉ុន ​ងាយ​ស្រួល​ធ្វើ​ដំណើរ​ទៅ​ចូល​រួម​ពិធីបុណ្យ​ផ្សេងៗ។

ព្យួរកណ្ដឹងខ្យល់ Furin

ភាគច្រើនកណ្ដឹងខ្យល់ទាំងនេះធ្វើពីកញ្ចក់ ប្រសិនបើអ្នកព្យួរកណ្ដឹងខ្យល់លើបង្អួច វានឹងបក់មកតាមខ្យល់ និងបង្កើត​ជា​សំឡេង​ពីរោះ។ នៅពេលដែលស្តាប់ឮសំឡេងទាំងនោះ អ្នកក៏នឹងមានអារម្មណ៍ត្រជាក់ដោយសារខ្យល់បក់ចូល​ក្នុង​បន្ទប់។

ផឹកស្រាបៀរ

នេះ​ជា​សកម្មភាព​សម្រាប់​តែ​មនុស្ស​ពេញវ័យប៉ុណ្ណោះ ព្រោះ​ច្បាប់​នៅ​ជប៉ុនហាម​ប្រាម​ការ​​ពិសា​​គ្រឿង​​ស្រវឹង​​ចំពោះ​អ្នក​អាយុ​ក្រោម ២០ ឆ្នាំ។

ម្យ៉ាងវិញទៀត សួនស្រាបៀរបើកដំណើរការតែក្នុងរដូវក្តៅនៅជាន់ខាងលើផ្សារទំនើប។ គ្រប់គ្នាអាចស្រូបយក​បរិយា​​កាស​​ផង ផឹក​​ស្រា​បៀ និង​​ជជែក​​កម្សាន្ត​​ជា​​មួយ​​គ្នា ដើម្បី​បំភ្លេច​ភាពនឿយហាត់ពេលចេញពីធ្វើការ។

តើអ្នកនឹងជ្រើសយកសកម្មភាពមួយណាសម្រាប់រដូវក្តៅនៅប្រទេសជប៉ុន? បើមិនពឹងលើម៉ាសុីនត្រជាក់។ 

Abe Kengo