អត្ថន័យដ៏គួរឲ្យខ្លាចនៃពិធីបុណ្យនៅក្នុងប្រទេសជប៉ុន

ថ្ងៃសុក្រ 14/07/2023 | 18:42 ល្ងាច

នៅប្រទេសជប៉ុនមានពិធីបុណ្យប្លែកៗជាច្រើនប្រារព្ធធ្វើឡើងនារដូវក្តៅ ក្នុងចំណោមពិធីបុណ្យដែលលេចធ្លោមានដូចជាពិធីបុណ្យបាញ់កាំជ្រួច និងពិធីបុណ្យដង្ហែ “Mikoshi” (ទីសក្ការៈចល័ត) ។ នៅក្នុងពិធីបុណ្យទាំងនោះ គ្រប់គ្នាអាចរីករាយជាមួយនឹងមុខម្ហូបប្លែកជាច្រើន ភ្លក់អាហារនៅកន្លែងតាំងពិពណ៌ ដើម្បីកាត់បន្ថយអារម្មណ៍ក្តៅ។

ពិធីបុណ្យចម្លែក

ទោះជាយ៉ាងណា ក្នុងចំណោមពិធីបុណ្យរបស់ជប៉ុនមានមួយប្រភេទហៅថា “Kokai” (រួមភេទ) ដូចជា៖ ពិធីបុណ្យដេក ពិធីបុណ្យអាក្រាត ឬពិធីបុណ្យងងឹត។ គ្រាន់តែឮឈ្មោះទាំងនេះ អ្នកប្រាកដជាយល់ថាអាក្រក់ទៅហើយ។ ជាការពិតណាស់ នោះគឺជាពិធីបុណ្យដែលទាក់ទងនឹង “ការរួមភេទ” ។

ហេតុអ្វីបានជាពិធីបុណ្យបែរជាទាក់ទងនឹងការរួមភេទ?

តាំងពីបុរាណកាលមក ជប៉ុនត្រូវគេចាត់ទុកជាប្រទេសដែលផ្សារភ្ជាប់បញ្ហាផ្លូវភេទ និងការប្រមូលផល។ ក្រៅពីនេះ នៅពេលដែលមនុស្សឈានដល់កម្រិតកំពូលអំឡុងពេលរួមភេទ ក៏ត្រូវគេចាត់ទុកថា ជាពេលវេលាតែមួយគត់ដែលពួកគេចូលទៅកាន់នគររបស់អាទិទេព។ ដូច្នេះហើយ ការរួមភេទបានក្លាយជាផ្នែកមួយនៃពិធីបុណ្យនៅជប៉ុន ព្រោះពិធីបុណ្យជាព្រឹត្តិការណ៍សម្រាប់មនុស្សលោកអរគុណអាទិទេព។

ទំនៀមទម្លាប់នៃការរួមភេទរបស់ជប៉ុនត្រូវគ្រប់គ្នាចាត់ទុកជារឿងចម្លែក

នៅប្រទេសជប៉ុន មានទំនៀមទម្លាប់មួយគេហៅថា “Yobai” (ទៅលេងពេលយប់) ។ មានន័យថា បុរសលួចចូលផ្ទះខាងស្រីដែលមិនទាន់មានគ្រួសារទាំងយប់ដើម្បីរួមភេទ។ ទោះជាយ៉ាងនេះក្តី វាមិនដូចដែលស្រ្តីសម័យនេះត្រូវចាប់រំលោភឡើយ ព្រោះពួកគេមានសិទ្ធិយល់ព្រម ឬអត់។

ទំនៀមទម្លាប់នេះស្រដៀងនឹង “ការរួមរស់” មុនពេលរៀបការដែរ។ ប្រសិនបើអ្នកទាំងពីរយល់ថាចុះសម្រុងគ្នា ពួកគេនឹងគិតដល់រឿងរៀបការ។ ម្យ៉ាងវិញទៀត អ្វីដែលគួរឲ្យភ្ញាក់ផ្អើលគឺថា គ្រួសារខាងស្រីដឹងច្បាស់ពីអត្តសញ្ញាណរបស់បុរសរូបនោះ ហើយដឹងដែរថាពេលណាបុរសនោះមក។ ពួកគេថែមទាំងរៀបចំពេលវេលាណាត់ជួប ដើម្បីកុំឲ្យបុរសផ្សេងទៀតជាន់ម៉ោងគ្នា។

ថ្វីបើតាមទំនៀមទម្លាប់នេះ ជាទូទៅបុរសចូលផ្ទះខាងស្រី ផ្ទុយទៅវិញ ស្រ្តីក៏ត្រូវគេរៀបចំឲ្យចូលផ្ទះខាងបុរសដោយស្ងាត់ៗនៅពេលយប់ផងដែរ។

ទំនៀមទម្លាប់អាក្រក់ជាងការរួមភេទជាក្រុមទៅទៀត

ក្នុងភាសាជប៉ុនមានពាក្យមួយហៅថា Zakone (ដេកជាមួយមនុស្សច្រើននាក់)។

នៅសម័យនេះ គ្រាន់តែមានន័យថា មនុស្សដេកជាមួយគ្នានៅក្នុងបន្ទប់ធំមួយ។ យ៉ាងណាមិញ កាលពីបុរាណ ពាក្យនេះថែមទាំងមានន័យថា គ្រប់គ្នារួមភេទ។ ជារឿងដែលពិបាកទទួលយកក្នុងចំណោមទំនៀមទម្លាប់របស់ជប៉ុន។

តើអ្នកយល់យ៉ាងណា? នៅពេលដែលទំនៀមទម្លាប់បញ្ហាផ្លូវភេទទាក់ទងនឹងពិធីបុណ្យនៅជប៉ុនបែបនេះ?

ក្នុងនាមជាប្រជាជនជប៉ុន ខ្ញុំក៏ស្រឡាំងកាំងដែលពេលឮគេនិយាយថា៖ “ភាពយន្ត JAV អាចល្បីលើពិភពលោក ព្រោះវាត្រូវបានផលិតឡើងដោយប្រទេសមានចំណង់ផ្លូវភេទបែបនេះ” ។

Abe Kengo