វប្បធម៌ និង​លក្ខណៈ​ពិសេស​នៃ “ចង្កឹះ” របស់​ប្រជាជន​ជប៉ុន

មិនត្រឹម​តែជប៉ុន បណ្តាប្រទេសជាច្រើនផ្សេងទៀតនៅអាសុីក៏ប្រើចង្កឹះដែរ។ ថ្វីត្បិតតែ គេចាត់ទុកថា ចង្កឹះមានប្រភព​មក​ពី​ប្រទេស​ចិន។ យ៉ាងណាមិញ នៅ​ប្រទេស​ជប៉ុន​បែរ​ជា​មាន​វប្បធម៌​ពិសេស​មួយ​ចំពោះ​ចង្កឹះ។

ប្រភពដើមនៃពាក្យ “ចង្កឹះ” ក្នុងភាសាជប៉ុន

បើសិនជាអ្នកកំពុងតែរៀនភាសាជប៉ុន អ្នកប្រហែលជាមិនយល់ ព្រោះតែរបៀបសរសេរអក្សរ hiragana របស់ពាក្យ “ចង្កឹះ” និង “ស្ពាន” សុទ្ធតែសរសេរថា “hashi” ។ ទោះបីជាការបញ្ចេញសំឡេងនៃពាក្យទាំងពីរនេះខុសគ្នា ប៉ុន្តែដោយ​សារមានប្រភពមកពីពាក្យ “hashi” ដូច្នេះវាមានអត្តន័យប្រហាក់ប្រហែលគ្នា។

ស្ពានតភ្ជាប់ត្រើយទាំង​សង​ខាង​គឺ “hashi” (橋) ។ ជណ្ដើរ​តភ្ជាប់ទីខ្ពស់ និងទាបគឺ “hashiko” ។ ដូច្នេះ “hashi” ដើមឡើយមាន​ន័យថា ភ្ជាប់កន្លែងណាមួយនឹងគ្នា។

ដូច្នេះហើយ ពាក្យ “hashi” (箸) របស់ចង្កឹះក៏ដូចគ្នាដែរ ក្បាលចង្កឹះជាផ្នែករបស់មនុស្ស ចំណែកចុងចង្កឹះជាផ្នែក​​របស់​អាទិទេព។ អាចនិយាយម្យ៉ាងទៀតថា ចង្កឹះមានតួនាទីសំខាន់ភ្ជាប់ទំនាក់ទំនងរវាងមនុស្ស និងអាទិទេព។

នៅក្នុងសាសនា Shinto បុរាណរបស់ជប៉ុន ចង្កឹះត្រូវគេចាត់ទុកជាកន្លែងគង់នៅរបស់អាទិទេព ដូច្នេះ​គ្រប់​គ្នា​ឲ្យតម្លៃ​ខ្លាំង​ណាស់។ នេះជាមូលហេតុ​ដែលជប៉ុនមាន​​ប្រភេទចង្កឹះពិសេសជាច្រើន បើ​ធៀប​នឹង​ចង្កឹះនៅប្រទេសដទៃទៀត។

ហេតុ​អ្វីក្បាលចង្កឹះជប៉ុនបែរជាស្រួច?

វប្បធម៌នៃការប្រើចង្កឹះពេញនិយមនៅអាសុី ប៉ុន្តែក្បាលចង្កឹះរបស់ជប៉ុនបែរជាមានលក្ខណៈស្រួច។ ចង្កឹះត្រូវបានរចនា​ឡើងបែបនេះ សម្រាប់ជួយឲ្យអ្នកទទួលទានអាចញែកសាច់ចេញពីឆ្អឹងត្រី។

ចង្កឹះដែលប្រើក្នុងការប្រារព្ធពិធីមានក្បាលដូចនេះ។

ចង្កឹះត្រូវបានរចនាឡើងជួយឲ្យអាទិទេពប្រើ​បានយ៉ាងងាយស្រួល។

ចង្កឹះ Meotobashi សម្រាប់គូស្វាមីភរិយា

ថ្វីត្បិតែ សព្វថ្ងៃនេះលែងនិយម យ៉ាងណាមិញ នៅជប៉ុនធ្លាប់មានវប្បធម៌ចង្កឹះប្ដី​ប្រពន្ធ។ ជាឈុតចង្កឹះសម្រាប់គូស្វាមី​ភរិយា ដែល​គេ​ប្រើ​យក​​ធ្វើ​​ជា​​អំណោយ​សម្រាប់​​គូ​ស្វាមី​ភរិយា​ថ្មីថ្មោង។

ហេតុ​អ្វីគេជ្រើសយកចង្កឹះ? ព្រោះវាបង្កប់អត្តន័យពិសេសមួយ។

យើងអាចប្រើចង្កឹះបាននៅពេលដែលវាមានមួយគូ អ្នកដែលជូនអំណោយចង្កឹះសង្ឃឹមថា គូស្វាមីភរិយាអាច​​នៅ​​ជា​​មួយ​​គ្នា និងប្រើចង្កឹះនេះចម្អិនម្ហូបអាហារឆ្ងាញ់ៗ។

ជាទូទៅចង្កឹះរបស់បុរសវែងជាងចង្កឹះរបស់ស្រ្តី អ្នកអាចប្រៀបធៀបប្រវែងដោយក្រឡេកមើលរូបភាពខាងក្រោមនេះ។

ថ្វីត្បិតតែការរចនាចង្កឹះរបស់គូស្វាមីភរិយាដូចគ្នា ប៉ុន្តែលក្ខណៈពិសេសត្រង់ថា ពណ៌ដែលគេលាបលើចង្កឹះ​​នោះ​​ខុស​គ្នា។

ចង្កឹះផលិតឡើងដោយប្រើបច្ចេកទេសខុសគ្នា ដូច​ជាប្រើមាស ឬលាបពណ៌បន្ទាប់ពីខាត់ និងជ្រលក់សំបក​​ខ្យង​អាច​ធ្វើ​ឲ្យវាមានតម្លៃកាន់តែថ្លៃ។ ជាធម្មតា មនុស្សជាច្រើនទិញចង្កឹះជប៉ុន យកធ្វើជាអំណោយវត្ថុអនុស្សាវរីយ៍។

ទោះបីជាប្រទេសជាច្រើនមានវប្បធម៌ប្រើចង្កឹះដូចគ្នា ប៉ុន្តែរូបរាងចង្កឹះនៅក្នុងប្រទេសនីមួយៗខុសគ្នា។ ចង្កឹះ​នៅប្រទេស​កូរ៉េ​ត្រូវ​បាន​គេ​ផលិត​ពី​វត្ថុធាតុ​ដូច​ជា​ដែក​អ៊ីណុកមិនច្រេះ ចំណែក​ចង្កឹះ​នៅ​ប្រទេស​ចិន និង​វៀតណាម ក្បាល​ចង្កឹះ​មិន​ស្រួច​នោះ​ទេ។

ថ្វីត្បិតតែ ចង្កឹះដែលយើងទម្លាប់ប្រើគឺល្អបំផុត ប៉ុន្តែតើអ្នកធ្លាប់គិតទេថា ចង្កឹះជប៉ុនមិនត្រឹម​តែស្រួលប្រើ ថែមទាំង​​ស្អាត​​ទៀត​​ផង ហើយក៏ឈានដល់កម្រិតសិល្បៈមួយផងដែរ។ អ្នកនឹងយល់ថា គួរឲ្យចាប់អារម្មណ៍ពេលដែលប្រៀប​ធៀប​ជា​មួយ​ចង្កឹះ​នៅ​ប្រទេស​របស់អ្នក។

Abe Kengo