ហេតុផលដែលប្រជាជនជប៉ុនលែងចង់ដោះម៉ាស់

ថ្ងៃសុក្រ 30/06/2023 | 17:43 ល្ងាច

ចំពោះការពាក់ម៉ាស់បានក្លាយជាទម្លាប់សំខាន់នៅលើពិភពលោកដោយសារជំងឺរាតត្បាតកូវីដ ១៩ ។ សព្វថ្ងៃនេះ ប្រទេសភាគច្រើនលែងប្រើម៉ាស់ជាប្រចាំទៀតហើយ។

យ៉ាងណាមិញ ភាគច្រើនប្រជាជនជប៉ុននៅតែពាក់ម៉ាស់ជាប្រចាំ។ តើដោយសារពួកគេខ្លាចវីរុសកូរ៉ូណាឬ?

ទម្លាប់ពាក់ម៉ាស់

តាមពិតទៅ ជប៉ុនមានទម្លាប់ពាក់ម៉ាស់មុនកើតជំងឺកូវីដ ១៩ ទៅទៀត។ មូលហេតុព្រោះនោះជាវិធានការទប់ស្កាត់នឹងជំងឺជារៀងរាល់ឆ្នាំនៅក្នុងប្រទេសជប៉ុន។ ជាពិសេសជំងឺគ្រុនផ្តាសាយ ជាជំងឺដែលប៉ះពាល់ដល់មនុស្សជាច្រើននៅរដូវរងា។

ក្រៅពីនេះ នៅនិទាឃរដូវមានជំងឺមួយកើតឡើងនៅជប៉ុន ដែលគេហៅថាអាឡែស៊ីលំអងផ្កា។ នោះជារដូវដែលលំអងផ្ការីកសាយ មានដូចជាដើមតាត្រៅ ឬដើមស្រល់ជប៉ុន ប្រសិនបើស្រូបចូលច្រើនពេក ងាយនឹងអាឡែសុី កណ្តាស់ ឈឺបំពង់ក ឈឺក្បាល។ល។

គេនិយាយថា ក្នុងចំណោមមនុស្ស ២ នាក់ នោះនឹងមានម្នាក់អាឡែសុី ដូច្នេះវាបានក្លាយជាជំងឺប្រចាំរដូវ។ ដូច្នេះហើយ គ្រប់គ្នាមានទម្លាប់ពាក់ម៉ាស់ការពារអាឡែសុី គឺជារឿងធម្មតានៅជប៉ុន។

ពាក់ម៉ាសដើម្បីបិទបាំងមុខដែលមិនទាន់ផាត់ឬ?

ម៉ាស់អាចបិទបាំងមុខរបស់អ្នកមួយផ្នែកធំ មនុស្សជាច្រើននិយាយថា ពួកគេមិនចង់ដោះម៉ាស់ចេញនោះទេ ព្រោះពួកគេមិនចាំបាច់ផាត់មុខពេលចេញទៅក្រៅ។ ម្យ៉ាងវិញទៀត ម៉ាស់ក៏មានមុខងារធ្វើអោយយើងមានអារម្មណ៍ថាស្អាត នៅពេលដែលបាំងពាក់កណ្តាលផ្ទៃមុខ។

នៅប្រទេសជប៉ុនម៉ាស់មិនត្រឹមតែការពារជំងឺរាតត្បាតកូវីដ ១៩ ម៉ាស់ក៏បានក្លាយទៅជាម៉ូដពេញនិយមពេលចេញទៅក្រៅផងដែរ។

មិនដឹងថាដល់ពេលណាទើបយើងអាចមើលឃើញមុខមាត់របស់ប្រជាជនជប៉ុនពេលចេញទៅក្រៅឡើយ។

Abe Kengo