ព្រឹត្តិការណ៍អូឡាំពិកត្រូវ “ដាក់​ទំនាយ” មិន​​ត្រឹម​តែ​កើត​ឡើង​ក្នុង​ឆ្នាំ ២០២០ ប៉ុណ្ណោះទេ

នៅឆ្នាំ ២០២០ ជប៉ុនបានខិតខំប្រឹងប្រែងធ្វើជាម្ចាស់ផ្ទះព្រឹត្តិការណ៍កីឡាអូឡាំពិកទីក្រុងតូក្យូ។ ក្រោមស្ថានភាព​វិបត្តិ​សេដ្ឋកិច្ច ជប៉ុន​បាន​រំពឹង​ថា ព្រឹត្តិ​ការណ៍​កីឡាអូឡាំពិកនឹងស្តារប្រទេសឡើងវិញ។ យ៉ាងណាមិញ ដោយ​សារ​ផល​ប៉ះ​ពាល់​ដែល​បណ្តាល​មក​ពី​ជំងឺ​រាត​ត្បាត​កូវីដ ១៩ ព្រឹត្តិការណ៍អូឡាំពិកទីក្រុងតូក្យូត្រូវផ្អាក។

ថ្វីត្បិតតែ ក្រោយមកត្រូវបានប្រារព្ធឡើងវិញ ប៉ុន្តែព្រឹត្តិការណ៍កីឡាអូឡាំពិកស្ថិតក្រោមការរឹតបន្តឹង និងគោល​បំណង​ស្តារ​សេដ្ឋកិច្ច​ឡើង​វិញ​ក៏​ពិបាក​ដែរ។ តើរឿងនេះអាចនឹងត្រូវដាក់ទំនាយ​ដែរទេ?

ទោះជាយ៉ាងណា ព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ២០២០ មិន​មែនជាករណីតែមួយគត់ដែលត្រូវដាក់ទំនាយនោះ​​​ទេ។ តើ​អ្នក​ដឹង​ទេ​ថា ធ្លាប់មានគម្រោងព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ១៩៤០ ត្រូវលុបចោល។

ជប៉ុនធ្វើជាម្ចាស់ផ្ទះព្រឹត្តិការណ៍កីឡាអូឡាំពិកដំបូង

កាលពីថ្ងៃទី ១ ខែសីហា ឆ្នាំ ១៩៣៦ ប្រជាជនជប៉ុនទូទាំងប្រទេសរំភើបយ៉ាងខ្លាំងពេលដឹងថា ប្រទេសជប៉ុនត្រូវបាន​​ជ្រើស​រើសឲ្យ​ធ្វើជាម្ចាស់ផ្ទះព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ១៩៤០ ។

ក្រោយពេលបញ្ចប់សម័យសាមូរ៉ៃក្នុងឆ្នាំ ១៨៦៨ ជប៉ុនបានអភិវឌ្ឍយ៉ាងខ្លាំង។ យ៉ាងណាមិញ នៅតែមានគម្លាតសេដ្ឋកិច្ច និង​យោធា​រវាង​ជប៉ុន និងប្រទេសលោកខាងលិច។ នៅពេលនោះ ការដែលក្លាយជាម្ចាស់ផ្ទះព្រឹត្តិការណ៍កីឡាអូឡាំពិកក្រោមស្ថានភាពលំបាកបាននាំមកនូវក្តីសង្ឃឹមដល់ប្រជាជនជប៉ុន។

នៅឆ្នាំ ១៩៤០ ជាពេលដែលទីក្រុងតូក្យូប្រារព្ធខួប ២៦០០ ឆ្នាំ ចាប់តាំងពីពេលដែលព្រះចៅអធិរាជដំបូងឡើងសោយរាជ្យ។ នោះជាព្រឹត្តិការណ៍ដ៏សំខាន់ និងបំណងរបស់អភិបាល (បច្ចុប្បន្នជាអភិបាលក្រុងតូក្យូ) ដើម្បីធ្វើឲ្យ​ទី​ក្រុង​​តូក្យូ​ក្លាយ​ជា​មជ្ឈ​មណ្ឌល​ដ៏​មមាញឹក និង​អ៊ូអរ។

អត្តពលិកនៅជុំវិញពិភពលោកមកកាន់ទីក្រុងតូក្យូ ហើយគ្រប់គ្នាអាចមើលឃើញកីឡាដែលគួរឲ្យ​ចាប់អារម្មណ៍​​ជា​​ច្រើន​​នៅ​​លើ​​ពិភព​​លោក។ នៅក្នុងទីក្រុង មានមនុស្សជាច្រើនទន្ទឹងរង់ចាំទស្សនាការប្រកួត និងអប​អរ​សាទរ ព្រោះ​ជប៉ុន​បាន​ក្លាយជាប្រទេសដែលស្មើនឹងពិភពលោក។

វិស័យកីឡាហាក់ដូចជាឆ្លើយតបយឺតបើប្រៀបនឹងការរំពឹងទុក

យ៉ាងណាមិញ នៅពេលនោះវិស័យកីឡារបស់ជប៉ុនមានចំណុចមិនល្អត្រង់ថា ចំនួនអ្នកចេះភាសាបរទេសតិចបំផុត ដែល​ធ្វើ​ឲ្យ​មាន​ការលំបាកក្នុងការរៀបចំព្រឹត្តិការណ៍កីឡាអូឡាំពិក។ ក្រៅពីនេះ នៅមានបញ្ហាជាច្រើនទៀតដូចជាការចំណាយ គុណភាពកីឡដ្ឋាន ដែលបង្កើតបានជាខ្សែសង្វាក់ឧបសគ្គសម្រាប់រដ្ឋាភិបាលជប៉ុន។ យូរៗទៅលេចឡើងនូវមតិជាច្រើនថា “ជប៉ុនមិនទាន់មានលក្ខណៈសម្បត្តិគ្រប់គ្រាន់អាច​ក្លាយ​ជា​ម្ចាស់​ផ្ទះ​ព្រឹត្តិការណ៍​កីឡា​អូឡាំ​ពិក​​​នោះ​​​ទេ” ។

អូឡាំពិកគឺជានយោបាយអន្តរជាតិ

Olympic គឺជាព្រឹត្តិការណ៍កីឡាដ៏ធំ ប៉ុន្តែអ្នកនយោបាយបែរជាមានទស្សនៈផ្ទុយទៅវិញ។ Olympic ជាឆាកនយោ​បាយ​អន្តរ​ជាតិ ដូច្នេះ នេះជាលើកទីមួយហើយដែល​ជប៉ុនអាចចូលរួមក្នុងតំបន់អាសុី។

នៅពេលដែលពិចារណាចំពោះគោលដៅរបស់ព្រឹត្តិការណ៍អូឡាំពិក ២០២០ យើងអាចមើលឃើញថា វាដូចជាគោល​ដៅ​ស្តារ​សេដ្ឋកិច្ច​ជា​ជាង​ព្រឹត្តិការណ៍កីឡា។ ទស្សនៈនេះបានបណ្តាលឲ្យ​មានភាពខុសគ្នារវាងអ្នកនយោបាយ និង​គណៈ​កម្មាធិការ​រៀបចំអូឡាំពិក ដែលនាំឲ្យ​មានការជជែកគ្នាយ៉ាងក្តៅគគុក។

ពិធីដង្ហែ​ភ្លើងគប់​តាម​ប្រវត្តិសាស្ត្រ​ជប៉ុន

ដើម្បីរៀបចំសម្រាប់ថ្ងៃប្រារព្ធព្រឹត្តិការណ៍អូឡាំពិក នឹងប្រារព្ធព្រឹត្តិការណ៍ដ៏សំខាន់មួយហៅថា “ពិធីដង្ហែភ្លើងគប់” ដោយ​ភ្លើងគប់ត្រូវបានបញ្ជូនដោយដៃពីចំណុចចាប់ផ្តើមរហូតដល់ទីបញ្ចប់ឆាក។

ព្រឹត្តិការណ៍នេះក៏ត្រូវបានធ្វើ​ឡើង​ក្នុង​គោល​បំណង​នយោបាយ​ផង​ដែរ។ មនុស្សដំបូងដែលបង្ហាញខ្លួនក្នុងប្រវត្តិ​សាស្ត្រ​ជប៉ុនកាលពី ២៦០០ ឆ្នាំមុន គឺអធិរាជដំបូងដែលប្រសូត្រនៅ Miyazaki, Kyushu ។ ទ្រង់យាងទៅដល់ភាគបូព៌ា ដោយដណ្តើមយក និងបង្រួបបង្រួមជប៉ុន។

ពិធីដង្ហែភ្លើងគប់ក៏ចេញដំណើរពី Miyazaki និងឆ្ពោះទៅទិសខាងកើតទីក្រុងតូក្យូ។ សរុបចម្ងាយប្រហែល ១៥០០ គីឡូម៉ែត្រ សមាជិកយោធាក៏បានចូលរួម និងជួយដល់ព្រឹត្តិការណ៍ផងដែរ។

សម្ពាធដើមទុនច្រើន

សរុបប្រាក់ចំនួន ២៣០០ លានយ៉េនត្រូវបានចំណាយលើការសាងសង់ផ្លូវថ្នល់ មជ្ឈមណ្ឌលកីឡា និងកន្លែងស្នាក់នៅសម្រាប់អត្តពលិក។ ប្រសិនបើគិតតាមការចំណាយបច្ចុប្បន្ន ចំនួននេះឡើងដល់ ៤៥៨ ពាន់លាន ៣០០ លានយ៉េន។ ថវិកាដំបូងគិតត្រឹម​ ២/៣ បើប្រៀបនឹងចំនួនទឹកប្រាក់ជ្រើសរើសព្រឹត្តិការណ៍អូឡាំពិក ប៉ុន្តែក្រោយ​មក​វា​កើន​ឡើង​គួរឲ្យ​កត់សម្គាល់ដូចនៅឆ្នាំ ២០២០ ។

ជប៉ុនមិនមានធនធានហិរញ្ញវត្ថុគ្រប់គ្រាន់សម្រាប់បំពេញថវិកានោះឡើយ និងកំពុងប្រឈមនឹងហានិភ័យត្រូវដកសិទ្ធិធ្វើម្ចាស់ផ្ទះកីឡាអូឡាំពិក។ ក្រោយ​មក កើត​មាន​ព្រឹត្តិការណ៍សង្គ្រាម​រវាង​ជប៉ុន និងចិន។

រៀបចំកីឡាអូឡាំពិក ឬផលិតនាវាចម្បាំង?

ក្នុងបរិបទកម្រិតតានតឹងនឹងចិនកើនឡើង ការជជែកដេញដោលគ្នាក្នុងយោធាបានកើតឡើង ប្រសិនបើមានថវិកាគ្រប់គ្រាន់សម្រាប់ប្រារព្ធព្រឹត្តិការណ៍អូឡាំពិក ហេតុ​អ្វីបានជាយើងមិន​យក​​ប្រាក់​​នោះ​ទៅ​ផលិត​នាវា​ចម្បាំង?

នៅទីបំផុត សិទ្ធិរៀបចំ​ត្រូវ​បាន​ដក​ហូត និងបន្ទាប់មកទៀតគឺការចាប់ខ្លួន

ចុងក្រោយ សិទ្ធិរៀបចំត្រូវបានដកហូត មានន័យថាសម្រេចចិត្តលុបចោល។ ថ្វីត្បិតតែរំភើបយ៉ាងខ្លាំង យ៉ាងណាជប៉ុនមិនអាចប្រារព្ធព្រឹត្តិការណ៍អូឡាំពិកបាន។ ទន្ទឹមនឹងនោះ សង្គ្រាមរវាងជប៉ុន និងចិនក៏កាន់តែខ្លាំងឡើងៗ ស្រប​ពេល​ជា​មួយ​គ្នា​នេះ​ ជប៉ុន​ក៏បានបង្កជម្លោះនឹងប្រទេសជាច្រើនទៀត ហើយបរាជ័យ។

មនុស្សមួយចំនួនដែលបានខិតខំប្រឹងប្រែងដើម្បីព្រឹត្តិការណ៍អូឡាំពិក បានក្លាយជាអ្នកទោសសង្គ្រាម និងត្រូវចាប់​ខ្លួន។ នៅ​ឆ្នាំ ២០២០ ក៏​ក្លាយ​ជា​ព្រឹត្តិ​ការណ៍​អូឡាំពិក​​ដែល​ពោរ​ពេញ​ដោយ​អំពើ​ពុក​រលួយ ហើយ​មនុស្ស​ជា​ច្រើនត្រូវ​ចាប់​ខ្លួន។

នៅឆ្នាំ ១៩៦៤ ព្រឹត្តិការណ៍អូឡាំពិកទីក្រុងតូក្យូត្រូវបានប្រារព្ធឡើងដោយជោគជ័យ ដែលបានក្លាយជាព្រឹត្តិការណ៍ដំបូង​របស់​អាសុី និងជាព្រឹត្តិការណ៍ដំបូងដែលរៀបចំដោយ “ប្រទេសជនជាតិស្បែកខ្មៅ” ។ ជាមួយនឹងការរៀបចំយ៉ាង​ល្អ​ឥត​ខ្ចោះ ព្រឹត្តិការណ៍ទីពីរបានប្រព្រឹត្តទៅយ៉ាងរលូន និងទទួលបានលទ្ធផលគួរឲ្យ​កត់សម្គាល់។ សរុបចំនួនមេដាយ​ដែល​ជប៉ុន​សម្រេចបានជាប់ចំណាត់ថ្នាក់លេខ ៣ បន្ទាប់ពីសហរដ្ឋអាមេរិក និងសហភាពសូវៀត។

លើកទី ១ បរាជ័យ លើកទី ២ ជោគជ័យ និងនៅឆ្នាំ ២០២០ បរាជ័យម្តងទៀត។ ដូច្នេះ យើងសង្ឃឹមថា លើក​ក្រោយ​នឹង​​ក្លាយ​​ជា​​ព្រឹត្តិ​ការណ៍​​អូឡាំពិក​ដែល​ជោគជ័យសម្រាប់ជប៉ុនមែនទេ?

Abe Kengo