កុំច្រឡំតារាម៉ូដែល អ្នកប្រដាល់ស្រី Rina Okamoto ផ្តួលស្ទើរតែគ្រប់គូប្រកួត

ថ្ងៃអង្គារ 23/05/2023 | 19:00 ល្ងាច

កញ្ញា Rina Okamoto អាយុ ២៩ ឆ្នាំ កម្ពស់ ១ ម៉ែត្រ ៦៥ ទម្រង់មុខ និងរូបរាងរបស់នាងមើលទៅដូចតារាម៉ូដែល ប៉ុន្តែតាមពិតទៅកញ្ញាជាអ្នកប្រដាល់ស្រីមួយរូប។ កញ្ញា Rina ជាកីឡាការិនីម៉ារ៉ាតុងកាលនៅរៀន ប៉ុន្តែនាងត្រូវឈប់លេងបន្ទាប់ពីរងរបួសធ្ងន់។

កញ្ញា Rina Okamoto ស្លៀកពាក់តាមបែបទាន់សម័យទាំងនៅលើឆាក និងក្រោមឆាក។

រហូតដល់អាយុ ២១ ឆ្នាំ ទើបកញ្ញា Rina បានស្គាល់ និងតាមអាជីពប្រដាល់សេរី។ ចាប់តាំងពីពេលនោះបានក្លាយជាកំពូលអ្នកប្រដាល់ស្រីជនជាតិជប៉ុន។

ចាប់ពីឆ្នាំ ២០១៩ ដល់ឆ្នាំ ២០២២ កីឡាការិនីជប៉ុនបានប្រកួតប្រដាល់សេរី ដោយទទួលបានជោគជ័យយ៉ាងត្រចះត្រចង់ និងឆ្លងកាត់ការប្រកួតអាជីពចំនួន ១៣ ដង កញ្ញាទទួលបានជ័យជម្នះទាំងស្រុង។

អាជីពរបស់កញ្ញា Rina ត្រូវផ្អាក ដោយសារតែបញ្ហាទាក់ទងនឹងជីវិតឯកជនរបស់នាង ប៉ុន្តែនៅថ្ងៃទី ២២ ខែមេសាកន្លងទៅនេះ នៅទីក្រុងតូក្យូ ប្រទេសជប៉ុន កញ្ញាបានបង្ហាញខ្លួនឡើងវិញ និងបានយកឈ្នះលើកីឡាការិនី Wang Chin Long (តៃវ៉ាន់ ប្រទេសចិន) ដោយគិតពិន្ទុ។

ការប្រកួតនេះជួយអោយកញ្ញា Rina មានសង្ឃឹមយកឈ្នះការព្រឹត្តិការណ៍ប្រដាល់សេរីដូចជា Rizin, Rebels នាពេលខាងមុខ។ ការបង្ហាញខ្លួនឡើងវិញ មានភាពរឹងមាំ និងស្រស់ស្អាត កីឡាការិនីបានទាក់ទាញអ្នកគាំទ្របណ្តាញសង្គមកាន់តែច្រើន។ សមិទ្ធិផល “ឈ្នះគ្រប់ការប្រកួត” របស់កញ្ញា Rina ធ្វើឱ្យកីឡាការិនីដែលកាន់ខ្សែក្រវាត់ជើងឯក ត្រូវញញើតជាមិនខាន។