មិនធម្មតា ការ៉េម​ថ្លៃ​ជាង​គេ​លើ​ពិភព​លោក​ ជាង ៦០០០ ដុល្លារ​​​ជាប់​​​កំណត់​​ត្រា Guinness

តើអ្នកចូលចិត្តការ៉េមដែរទេ? ថ្ងៃនេះ Japo នឹងណែនាំការ៉េមដែលមានតម្លៃថ្លៃជាងគេនៅជប៉ុន ជាង ៦០០០ ដុល្លារ។ បើតាមសារព័ត៌មាន The Straits Times ចេញផ្សាយនៅថ្ងៃទី ២២ ខែឧសភាព ការ៉េមខាងលើនេះត្រូវបានផលិត​ដោយ​ក្រុម​ហ៊ុន​ការ៉េម​ជប៉ុន Cellato ។

ការ៉េមមួយមុខនេះគេហៅថា Byakuya (“រាត្រីពណ៌ស” ជាភាសាជប៉ុន) ត្រូវបានកំណត់ត្រា Guinness ទទួលស្គាល់ជា “ការ៉េមថ្លៃជាងគេលើ​ពិភព​លោក” កាលពីថ្ងៃទី ១៨ ខែមីនា ឆ្នាំ ២០២៣ ។

ការ៉េម Byakuya មួយឈុតមានតម្លៃ ៨៨០.០០០ យ៉េន (៦.៦៩៦ ដុល្លារ) ។ មូលហេតុ​ដែលការ៉េមនេះមានតម្លៃ​ថ្លៃព្រោះ​​ថា មាន​ស្លឹក​មាស​ដែល​អាច​បរិភោគ​បាន ឈីស Parmigiano Reggiano និងសំណល់ស្រា Sake ។

ជាពិសេស ក្នុងគ្រឿងផ្សំមានផ្សិតស Alba ជាប្រភេទផ្សិតថ្លៃជាងគេលើពិភពលោក ហើយដែលគេចាត់ទុកជាគ្រឿង​​ផ្សំ​​ថ្លៃ។

ការ៉េមដែលថ្លៃជាងគេលើពិភពលោក។ រូបភាព៖ Cellato

អ្នកនាំពាក្យរបស់ Cellato បានប្រាប់ Guinness ថា “យើងចំណាយពេលជាង ១ ឆ្នាំកន្លះដើម្បីសាកល្បង និងមានកំហុសជាច្រើន ទើបបង្កើតបានរសជាតិដែលល្អ” ។ ដោយបន្ថែមថា ក្រុមហ៊ុនផលិតការ៉េមកំពុងត្រៀមគម្រោង​ដាក់​លក់​ប្រភេទ​ការ៉េម​ដែល​មាន​រស​ជាតិ​ផ្សេង​ទៀត រួមទាំងគ្រឿងផ្សំដូចជាស្រាសំប៉ាញ និងពងត្រី Caviar ។

https://twitter.com/GWR/status/1659137501607645186?ref_src=twsrc%5Etfw%7Ctwcamp%5Etweetembed%7Ctwterm%5E1659137501607645186%7Ctwgr%5Ec68ed0cbb1af9ff31fd1c66955d35a6fac18e0c5%7Ctwcon%5Es1_&ref_url=https%3A%2F%2Fwww.straitstimes.com%2Fasia%2Feast-asia%2Flavish-scoop-world-s-most-expensive-ice-cream-in-japan-costs-more-than-8500

ក្រុមហ៊ុន Cellato បានពឹងលោក Tadayoshi Yamada ជាប្រធានចុងភៅរបស់ RiVi ដែលជាភោជនីយដ្ឋានល្បីខាង​ផ្នែក​រួម​បញ្ចូល​គ្រឿងផ្សំអឺរ៉ុប និងជប៉ុននៅ Osaka ដើម្បីផលិតចេញជាការ៉េម Byakuya ។

ប្រសិនបើទទួលការកម្ម៉ង់នៅឆ្ងាយ ក្នុងប្រទេសជប៉ុន ក្រុមហ៊ុន Cellato នឹងដឹកជញ្ជូនការ៉េមតាមអាកាស ដោយក្លាសេដើម្បីរក្សារសជាតិ។

ម្យ៉ាងវិញទៀត Cellato ក៏មានលក់ការ៉េមដែលមានតម្លៃថោកជាងគឺ Starry Night ដែលផលិតចេញពីផ្សិតខ្មៅ និង​សូកូឡា​ក្នុង​តម្លៃ ១ ម៉ឺនយ៉េន (៧៣ ដុល្លារ) ។

ប្រភព៖ The Straits Times