តារាសម្តែង Ichikawa Ennosuke សន្លប់ក្នុងទូសម្លៀកបំពាក់ ចំណែឯឪពុកម្តាយស្លាប់បាត់បង់ជីវិត

ថ្ងៃសុក្រ 19/05/2023 | 10:42 ព្រឹក

ហេតុការណ៍នេះកើតឡើងបន្ទាប់ពីប្រព័ន្ធផ្សព្វផ្សាយជប៉ុនបានផ្សាយព័ត៌មាន លោក Ichikawa Ennosuke ត្រូវចោទប្រកាន់ពីបទរំលោភអំណាច និងបៀតបៀនផ្លូវភេទបុគ្គលិកជាច្រើននាក់។

តារាសម្តែង Ichikawa Ennosuke ។ រូបភាព៖ Nikkei

តារាសម្តែង លោក Ichikawa Ennosuke ត្រូវបញ្ជូនចូលមន្ទីរពេទ្យកាលពីថ្ងៃទី ១៨ ខែឧសភា បន្ទាប់ពីអ្នកគ្រប់គ្រងឃើញគាត់ដួលសន្លប់ក្នុងទូសម្លៀកបំពាក់នៅផ្ទះក្នុងទីក្រុងតូក្យូ យោងតាមសារព័ត៌មាន Japan Times ។ ប៉ូលិសជប៉ុនសង្ស័យថាតារាសម្ដែងរូបនេះព្យាយាមធ្វើអត្តឃាត។

លោក Ichikawa Ennosuke ត្រូវបានរកឃើញក្នុងទូដាក់សម្លៀកបំពាក់នៅផ្ទះរបស់គាត់។ នៅកន្លែងកើតហេតុ សមត្ថកិច្ចបានរកឃើញសំបុត្របណ្តាំដែលមានឈ្មោះរបស់តារាសម្តែងប្រុស។ តាមប្រភពព័ត៌មានបានអោយដឹង លោក Ennosuke ស្ថិតក្នុងស្ថានភាពសន្លប់ពេលត្រូវគេប្រទះឃើញ។

សាកសពឪពុកម្តាយរបស់លោក Ennosuke មិនមានរបួសខាងក្រៅរាងកាយនោះទេ ពួកគាត់ត្រូវបានគេរកឃើញនៅជាន់ទីពីរ។

ករណីនេះកើតឡើងបន្ទាប់ពីប្រព័ន្ធផ្សព្វផ្សាយជប៉ុនបានផ្សាយព័ត៌មាន លោក Ennosuke ត្រូវចោទប្រកាន់ជាប់ពាក់ព័ន្ធនឹងករណីរំលោភអំណាច និងបៀតបៀនផ្លូវភេទ រួមមានតារាសម្តែង និងបុគ្គលិករោងមហោស្រព Meijiza ជាកន្លែងដែលតារាសម្តែងធ្វើការ។

រោងមហោស្រព Meijiza បានលុបចោលកម្មវិធីសម្តែងនៅរសៀលថ្ងៃទី ១៨ ខែឧសភា ដែលលោក Ennosuke សម្តែងតួឯក។ បុគ្គលិកដែលទទួលបន្ទុកការសម្តែងបាននិយាយថា តំណាងរបស់លោក Ennosuke មុននោះបានប្រាប់ថា តារាសម្តែងមិនស្រួលខ្លួន និងមិនអាចសម្តែងបាន។

លោក Ennosuke ជាតារាសម្ដែងដ៏ល្បីមួយរូបខាងផ្នែកសិល្បៈប្រពៃណីជប៉ុន Kabuki ។ តារាសម្ដែងរូបនេះក៏ត្រូវបានគេស្គាល់ច្រើនតាមរយៈកម្មវិធីទូរទស្សន៍ផងដែរ។

ប្រភព៖ Zing News