សៀវ​ភៅ​រឿង​គំនូរ​ជីវចល Trigun ត្រលប់​មក​វិញ​ជា​ផ្លូវ​ការ​ហើយ

នៅទីបំផុត ក្រុមហ៊ុនបោះពុម្ពផ្សាយ Dark Horse Comics បានបញ្ជាក់ជាផ្លូវការ ចំពោះការវិលត្រឡប់មកវិញរបស់ Trigun ដែល​ជា​ការ​បោះ​ពុម្ព​ដំបូង បន្ទាប់​ពី​បាត់​ខ្លួន​អស់​រយៈ​ពេល​ជា​ច្រើន​ឆ្នាំ។

Trigun នឹងវិលត្រលប់មកវិញក្នុងពេលឆាប់ៗនេះ។ រូបភាព៖ GameNews

ក្រោយពេលផ្អាកមិន​បាន​បោះ​ពុម្ព​ផ្សាយ​អស់​ជា​ច្រើនឆ្នាំ សៀវ​ភៅ​រឿង​គំនូរ​ជីវចល Trigun របស់អ្នកនិពន្ធ Yasuhiro Nightow ​អាច​​បោះ​​ពុម្ព​​ជា​​ថ្មី ដោយពឹង​លើ Dark Horse Comics ។

យោងតាម Screen Rant នៅជប៉ុន Trigun និង Trigun Maximum បោះពុម្ពផ្សាយជាង ១០ ឆ្នាំ​មកហើយ។ សៀវ​ភៅ​រឿង​គំនូរជីវចលត្រូវបានបកប្រែ និងបោះពុម្ពដោយ Dark Horse Comics ជាភាសាអង់គ្លេស។ ទោះជាយ៉ាង​ណា សៀវ​​ភៅ​​រឿង​​គំនូរ​​​ជីវចល​​ត្រូវ​បាន​អ្នក​​គាំទ្រប្រមូល​ទិញ​អស់។ 

ទន្ទឹមនឹងនេះ Trigun និង Trigun Maximum តែងតែមានជាទម្រង់ឌីជីថល (ដោយ Dark Horse Comics) អ្នកគាំទ្រ​ជា​ច្រើន​បាន​ស្នើ​សុំ​ឱ្យ​បោះ​ពុម្ព​ឡើង​វិញ។

នៅទីបំផុតការគាំទ្រក៏ទទួលបានតម្លៃតបស្នង នៅពេលដែលអ្នកប្រើបណ្តាញសង្គម Twitter ទទួលបានការឆ្លើយ​តប​ពី Dark Horse Comics ៖ “អ្នក​គាំ​ទ្រ Trigun គួរ​តែ​យក​ចិត្ត​ទុក​ដាក់​ចំពោះ​បញ្ហា​នេះ” ។

Manga Trigun បានត្រលប់មកវិញហើយ

ការបោះពុម្ពថ្មីទទួលបានការយកចិត្តទុកដាក់យ៉ាងខ្លាំង។ រូបភាព៖ ScreenRant

យោងតាមព័ត៌មានពី Anime News Network ការចេញផ្សាយថ្មីរបស់ Trigun និង Trigun Maximum មានឈ្មោះថា “Deluxe Edition” ជាមួយនឹងគម្របរឹង គុណភាពខ្ពស់។ ភាគដំបូងនៃសៀវភៅរឿងគំនូរជីវចល Trigun គ្រោងនឹងចេញផ្សាយនៅថ្ងៃទី ៥ ខែធ្នូតាមហាងលក់សៀវភៅ។

ចំណែកឯ Trigun Maximum ស្នាដៃរួមបញ្ចូលខ្លឹមសារដែលមិនទាន់កែសម្រួលទៅជា anime Trigun ក្នុងឆ្នាំ ១៩៩៨ ឬ Trigun Stampede នៅ​ឆ្នាំ ២០២៣ ដែល​នឹង​មានកាលបរិច្ឆេទចេញផ្សាយយូរជាងនេះ ខែមេសា ឆ្នាំ ២០២៤ ។

អ្នកដែលគាំទ្រ Trigun ប្រាកដជារីករាយនឹងដំណឹងនេះ។ ខណៈពេលដែលការបោះពុម្ពដើមនៅតែមានតម្លៃខ្ពស់ ការ​បោះ​ពុម្ព​ថ្មី​អាចជួយផ្សព្វផ្សាយសៀវភៅរឿងគំនូរជីវចល។

នៅពេលដែល Trigun ត្រូវបានបោះពុម្ពលើកចុងក្រោយ នៅលើទីផ្សារសៀវភៅរឿងគំនូរជីវចលមានការផ្លាស់ប្តូរជាច្រើន (ជាពិសេសនៅតំបន់អាមេរិកខាងជើង ដែល manga ចាប់ផ្តើមមានប្រជាប្រិយភាព)។ ដូច្នេះហើយ នៅ​ពេល​​ដែល​​មាន​គម្រោងវិលត្រលប់មកវិញជាផ្លូវការ ច្បាស់ណាស់ Trigun នឹង​មាន​ឱកាស​ចូល​កាន់​តែ​ជិត​អ្នក​អានចាស់ និង​ថ្មី​ផង​ដែរ។

គម្របសៀវភៅ Trigun Deluxe Edition ។ រូបភាព៖ Barnes & Noble

សៀវភៅរឿងគំនូរជីវចល Trigun ត្រូវបានបង្ហោះដំបូងនៅលើទស្សនាវដ្តី Weekly Shonen Captain របស់ Tokuma Shoten ចាប់ពីឆ្នាំ ១៩៩៥ ដល់ឆ្នាំ ១៩៩៧ ។ ស្នាដៃបានត្រឡប់មកវិញជាមួយ Tokuma Shoten នៅលើទស្សនាវដ្តី Young King Ours របស់ Shonengahosha ក្រោយមកក្នុងឆ្នាំ ១៩៩៧ និងបន្តរហូតដល់ឆ្នាំ ២០០៧ ។

Dark Horse Comics ជាអង្គភាពដែលបានបកប្រែ និងបោះពុម្ភសៀវភៅរឿងគំនូរជីវចលដើម Trigun និង Trigun Maximum ជា​ភាសា​អង់​គ្លេស។ ទន្ទឹមនឹងនេះ Trigun ទម្រង់ Anime ត្រូវបាន Madhouse ផលិត និងចាក់ផ្សាយនៅជប៉ុនឆ្នាំ ១៩៩៨ ។

រឿង Trigun ទទួលបានការគាំទ្រជាច្រើនពីប្រិយមិត្ត អ្នកគាំទ្របន្តបង្ហាញពីបំណងចង់អោយរឿងចេញផ្សាយ។ ហើយនៅពេលនេះ គោលបំណងរបស់អ្នកគាំទ្រត្រូវបានតបស្នង ដោយគម្រោងបោះពុម្ពផ្សាយរបស់ Dark House Comics ។

ប្រភព៖ Zing News