ចាប់ពីខែមិថុនាតទៅអគ្គិសនីនៅក្នុងប្រទេសជប៉ុននឹងឡើងថ្លៃ

ថ្ងៃព្រហស្បតិ៍ 18/05/2023 | 10:39 ព្រឹក

រដ្ឋាភិបាលជប៉ុនបានអនុម័តសំណើដំឡើងថ្លៃអគ្គិសនីរបស់ក្រុមហ៊ុនថាមពលធំៗ កាលពីថ្ងៃទី ១៦ ខែឧសភា ដូច្នេះមានន័យថា ចាប់ពីខែមិថុនាតទៅ ប្រជាជនដែលរស់នៅក្នុងប្រទេសជប៉ុនត្រូវបង់ថ្លៃអគ្គិសនីច្រើនជាងមុន។ ការដំឡើងថ្លៃអតិបរមាជិត ៤០% នៃតម្លៃអគ្គិសនីសព្វថ្ងៃ។

រដ្ឋមន្ត្រីក្រសួងឧស្សាហកម្មជប៉ុន លោក Nishimura Yasutoshi បាននិយាយថា “យើងបានគណនាតម្លៃអគ្គិសនីឡើងវិញ បន្ទាប់ពីបានពិចារណាយ៉ាងយកចិត្តទុកដាក់លើតម្លៃប្រេងឥន្ធនៈថ្មីៗនេះ និងកត្តាផ្សេងៗទៀត ដូចជាប្រាក់ខែរបស់កម្មករ” ។

រូបភាព៖ TEPCO

ចំពោះការដំឡើងថ្លៃសម្រាប់ការប្រើប្រាស់ប្រចាំថ្ងៃត្រូវទទួលបានការយល់ស្របពីរដ្ឋាភិបាល។ ក្រុមហ៊ុនអគ្គិសនីទាំង ៧ (រួមទាំងក្រុមហ៊ុនអគ្គិសនី Tokyo) បានស្នើសុំរដ្ឋាភិបាលអនុញ្ញាតឱ្យដំឡើងថ្លៃអគ្គិសនី។ ក្រុមហ៊ុនទាំងនេះនិយាយថា ពួកគេកំពុងទទួលរងផលប៉ះពាល់យ៉ាងខ្លាំង ដោយសារតម្លៃឧស្ម័នធម្មជាតិដែលប្រើសម្រាប់ផលិតថាមពលអគ្គិសនីឡើងថ្លៃ។ តម្លៃអគ្គិសនីកើនឡើងជាមធ្យមពី ១៥% ហើយប្រែប្រួលអាស្រ័យលើគោលការណ៍របស់ក្រុមហ៊ុនថាមពលនីមួយៗ។

ប្រភព៖ NHK