តារា​ម៉ូដែល​ជប៉ុនដ៏​ស្រស់​ស្អាត Ruriko Kojima បាន​សម្រេច​ចិត្ត​រៀបការ

តារាម៉ូដែលជប៉ុន Ruriko Kojima បានផ្អាកសកម្មភាព​ខាង​វិស័យ​សិល្បៈ​កាលពីខែកុម្ភៈ កញ្ញាបានសម្រេចចិត្ត​រៀប​ការ ដោយ​ត្រៀម​ទៅ​ប្រទេស​ចិន​បន្ត​ការ​សិក្សា និង​ធ្វើការ។

នៅថ្ងៃទី ១៦ ខែឧសភានេះ Sanspo បានអោយដឹងថា តារាម៉ូដែល Ruriko Kojima បានចុះឈ្មោះរៀបអាពាហ៍​ពិពាហ៍​ដោយ​ស្ងាត់​ជា​មួយ​នឹង​មិត្តប្រុសដែលជាអ្នកជំនួញកាលពីខែមីនា។ ស្រីស្អាតបានរៀបការក្រោយពេលចាកចេញពីក្រុមហ៊ុនគ្រប់គ្រងបាន ១ ខែ ដោយមានបំណងផ្លាស់​ទៅ​ប្រទេស​ចិន​ដើម្បី​សិក្សា និងធ្វើការ។ តារាម៉ូដែល Ruriko Kojima បាន​ណែនាំស្វាមីជាមួយមិត្តភ័ក្តិ និងមិត្តរួមការងារ ប៉ុន្តែមិនទាន់ប្រកាសជាសាធារណៈឡើយ។

យោងតាម Bunshun ស្វាមីរបស់តារាម៉ូដែលឈ្មោះ Kota Kitamura ជាប្រធាន និងនាយកតំណាង​ក្រុមហ៊ុន​ជំនាញ​ខាង​​ផ្នែក​សូណា ដោយផ្តល់សេវាកម្មបច្ចេកទេសសម្រាប់កន្លែងជ្រោះទឹកក្តៅនៅប្រទេសជប៉ុន​ ចិន។ អ្នកជំនួញ Kota Kitamura មាន​អាយុ​តិច​ជាងតារាម៉ូដែល Ruriko Kojima ២ ឆ្នាំ។ 

តារាម៉ូដែល Ruriko Kojima បានរៀបការ។ រូបភាព៖ Yahoo Japan

Sanspo បានទាក់ទងទៅតារាម៉ូដែល Ruriko Kojima ប៉ុន្តែនាងបដិសេធមិនឆ្លើយរឿងរៀបអាពាហ៍ពិពាហ៍។ តារាម៉ូដែល​បាន​បន្ត​ទៀត​ថា “នេះ​ជា​រឿង​ឯកជន មិនគួរចែករំលែកទេ ខ្ញុំសុំទោស” ។

តារាម៉ូដែល Ruriko Kojima កើតនៅឆ្នាំ ១៩៩៣ ជាតារាម៉ូដែលដ៏ល្បីមួយរូបដែលមានសម្រស់ស្រស់ស្អាត និងទាក់​ទាញ។ នៅឆ្នាំ ២០២០ កញ្ញា Ruriko Kojima ត្រូវគេ​រិះគន់​យ៉ាង​ខ្លាំងព្រោះមាន​ទំនាក់ទំនង​ស្នេហា​ជាមួយ​វិចិត្រករ Yasuhisa Hara ។ បុរស​ម្នាក់​នេះ​មានអាយុច្រើនជាងកញ្ញា Ruriko Kojima ដល់ទៅ ១៩ ឆ្នាំ ដែល​មាន​ប្រពន្ធ និងកូន ៣ នាក់។

ក្រោយពេលរឿងអាស្រូវបែកធ្លាយ លោក Yasuhisa Hara បានលែងលះជាមួយភរិយា ដើម្បីទាក់ទងនឹងតារាម៉ូដែល​ជា​ផ្លូវ​ការ ប៉ុន្តែមួយឆ្នាំ​ក្រោយ​មក​ពួក​គេ​បែក​គ្នា មូល​ហេតុ​​ដោយ​សារ​នៅឆ្ងាយពីគ្នា មិនសូវបានជួបគ្នាញឹកញាប់។

ប្រភព៖ Zing News