មនុស្សមួយចំនួនរងរបួសដោយសាររញ្ជួយដីវាយប្រហារតំបន់ Tokyo

ថ្ងៃសុក្រ 12/05/2023 | 13:10 ល្ងាច

កាលពីម្សិលមិញ ថ្ងៃទី ១១ ខែឧសភា នៅពេលដែលគ្រប់គ្នាកំពុងតែលង់លក់ រញ្ជួយដីខ្លាំងបានកើតឡើងនៅតំបន់ Tokyo ។ អាជ្ញាធរមូលដ្ឋានបានអោយដឹងថា យ៉ាងហោចណាស់មានមនុស្ស ៨ នាក់រងរបួស។

រញ្ជួយដីបានកើតឡើងនៅភាគខាងត្បូងខេត្ត Chiba និងភាគខាងកើត Tokyo វេលាម៉ោងប្រហែល ៤ៈ១៦ នាទីព្រឹកថ្ងៃព្រហស្បតិ៍។

ទីភ្នាក់ងារឧតុនិយមជប៉ុន

យោងទៅតាមទីភ្នាក់ងារឧតុនិយមជប៉ុន រញ្ជួយដីមានកម្រិត (M) ៥,២ រ៉ិចទ័រ និងស្ថិតនៅជម្រៅ ៤០ គីឡូម៉ែត្រ។

អាជ្ញាធរមូលដ្ឋានបានអោយដឹង មានមនុស្ស ៨ នាក់នៅខេត្ត Chiba និង Kanagawa រងរបួសស្រាល។ ម្យ៉ាងវិញទៀត អាជ្ញាធរក៏បានប្រកាសប្រាប់ប្រជាជននៅតំបន់ដែលទើបតែកើតមានរញ្ជួយដី ត្រូវប្រុងប្រយ័ត្នចំពោះសកម្មភាពរញ្ជួយដី។

អ្នកស្រី Kamaya Noriko បុគ្គលិកទីភ្នាក់ងារឧតុនិយមជប៉ុនបាននិយាយថា ហានិភ័យផ្ទាំងថ្មធ្លាក់ និងបាក់ស្រុតដីនៅតំបន់កើតមានរញ្ជួយដីខ្លាំង។ អ្នកស្រីបានរំលឹកថា នៅសប្តាហ៍ក្រោយអាចនឹងមានការរញ្ជួយដីកម្រិត ៥+ ក្នុងតំបន់ទើបតែកើតមានរញ្ជួយដី។

អ្នកជំនាញម្នាក់ទៀតក៏បានរំលឹកផងដែរថា នៅសប្តាហ៍ក្រោយអាចនឹងកើតមានរញ្ជួយដីក្នុងកម្រិតប្រហាក់ប្រហែលនឹងរញ្ជួយដីដែលបានវាយប្រហារខេត្ត Chiba កាលពីព្រឹកថ្ងៃព្រហស្បតិ៍។

ប្រភព៖ NHK