រន្ធត់​ចិត្ត​ក្រោយ​ករណី​ក្មេង​ស្រី​​ជំទង់​ម្នាក់​ស្លាប់​បន្ទាប់​ពី​ត្រូវ​មិត្ត​ប្រុស​វាយ​ធ្វើ​បាប

ប៉ូលិសខេត្ត Osaka បានចាប់ខ្លួនបុរសអាយុ ២២ ឆ្នាំម្នាក់ ដោយសង្ស័យថាបានសម្លាប់មិត្តស្រីរបស់ខ្លួន។

ប៉ូលិស​ចាប់ខ្លួន​បុរស​ម្នាក់នៅ Osaka ដោយ​សង្ស័យថា​បាន​សម្លាប់​មិត្តស្រី​របស់ខ្លួន​។ រូបភាព៖ FNN

នៅវេលាម៉ោង ១៨ៈ៤៥ នាទី ថ្ងៃទី ៩ ខែឧសភា បុរសឈ្មោះ Motoko Yamanaka ហៅរថយន្តសង្គ្រោះបន្ទាន់ ព្រោះតែឃើញមិត្តស្រីលែងដកដង្ហើម រីឯរាងកាយត្រជាក់។ នៅពេលដែលបុគ្គលិក​មន្ទីរ​ពេទ្យ​មក​ដល់ នារីនោះកំពុងដេកនៅលើគ្រែ នាង​ត្រូវ​បាន​បញ្ជាក់​ថា​បាន​ស្លាប់។

អាជ្ញាធរ​ជប៉ុន​មិន​បាន​បញ្ចេញ​អត្តសញ្ញាណ​ជនរងគ្រោះ​នោះទេ ប៉ុន្តែបានបង្ហើបថានាង​ជា​អនីតិជន។ Yamanaka និង​ជន​រង​គ្រោះ​រស់​នៅ​ជា​មួយ​គ្នា​ក្នុងអគារខុនដូនៅទីក្រុង Izumisano ខេត្ត Osaka ។

ក្រោយមកបុគ្គលិកមន្ទីរពេទ្យបាន​រាយ​ការណ៍​ប្រាប់​ប៉ូលិស។ បើតាមសមត្ថកិច្ច នៅលើមុខ ដៃ និង​ពោះ​របស់​ជន​រង​គ្រោះ​​មាន​​ស្នាម​​ជាំ។ អាជ្ញាធរបាន​និយាយ​ថា នឹង​ធ្វើកោសល្យវិច័យសពដើម្បីកំណត់ពីមូលហេតុស្លាប់។

ប៉ូលិសបានចាប់ខ្លួន Yamanaka ដែល​មាន​មុខរបរសេរី ដោយសង្ស័យថាបានសម្លាប់មិត្តស្រី​របស់​ខ្លួន។ Yamanaka បានសារភាពថា គាត់​ចេញ​ទៅ​ក្រៅ​តាំង​ពី​ព្រឹក​ព្រលឹម នៅពេលត្រឡប់​មក​ផ្ទះ​វិញ​ស្រាប់តែប្រទះ​ឃើញ​មិត្ត​ស្រី​សន្លប់​បាត់​ស្មារតី ទើប​ហៅ​​រថយន្ត​​សង្គ្រោះ។ Yamanaka ក៏​បាន​សារ​ភាព​ថា ខ្លួន​បាន​​វាយ​មិត្ត​ស្រី​ប្រហែល ១០ ទៅ ២០ ដងពេល​ឈ្លោះ​គ្នា​នាយប់មុន​នោះ។

បច្ចុប្បន្នប៉ូលិសកំពុងបន្តស៊ើបអង្កេត។

ប្រភព៖ Japan Today