តារាកំប្លែងជប៉ុនលោក Pikotaro ចូលរួមលើកកម្ពស់សុវត្ថិភាពចរាចរណ៍

ថ្ងៃព្រហស្បតិ៍ 11/05/2023 | 14:42 ល្ងាច

ក្រោយរយៈពេល ៦ ឆ្នាំបន្ទាប់ពីបទចម្រៀង PPAP (Pen-Pineapple-Apple-Pen) ល្បីខ្លាំង តារាកំប្លែងលោក Pikotaro នៅតែទទួលបានការស្រលាញ់ និងកំពុងបំពេញតួនាទីពិសេសនៅក្នុងប្រទេសជប៉ុន។

លោក Pikotaro ផ្សព្វផ្សាយពីសុវត្ថិភាពចរាចរណ៍សម្រាប់កុមារនៅ Tokyo ។

យោងតាមសារព័ត៌មាន Mainichi តារាកំប្លែង និងតារាចម្រៀងជប៉ុន លោក Pikotaro ត្រូវបានអ្នកគាំទ្រស្គាល់តាមរយៈបទចម្រៀង PPAP បានក្លាយជាអ្នកផ្សព្វផ្សាយពីសុវត្ថិភាពចរាចរណ៍សម្រាប់កុមារនៅសង្កាត់ Minato ទីក្រុង Tokyo ។

ក្នុងព្រឹត្តិការណ៍កាលពីថ្ងៃទី ៥ ខែឧសភា លោក Pikotaro បានស្លៀកឈុតខ្លារខិនដ៏ពេញនិយមរបស់ខ្លួន ដោយអង្គុយនៅលើរថយន្ត ខណៈដែលហែតាមការប្រគុំតន្ត្រីរបស់ក្រុមអនុវិទ្យាល័យ និងវិទ្យាល័យ Hiroo Gakuen ។

លោកបក់ទៅកាន់ប្រជាពលរដ្ឋដែលប្រមូលផ្តុំគ្នាតាមដងផ្លូវ និងផ្សព្វផ្សាយច្បាប់សុវត្ថិភាពចរាចរណ៍។ កុមារក្នុងស្រុកជាច្រើននាក់ក៏បានចូលរួមក្នុងព្រឹត្តិការណ៍នេះផងដែរ។

លោក Pikotaro បាននិយាយថា “មិនថាអ្នកមើលក្មេងប្រុងប្រយ័ត្នយ៉ាងណា ២៣ ម៉ោង ៥៩ នាទី ជាពិសេសក្មេងអាយុ ២ ទៅ ៣ ឆ្នាំ នៅតែអាចជួបនឹងគ្រោះថ្នាក់ត្រឹម ១ នាទីធ្វេសប្រហែស” ។

តារាកំប្លែងរូបនេះបានរំលឹកគ្រប់គ្នាអោយមានការប្រុងប្រយ័ត្នពេលចេញទៅក្រៅជាមួយក្មេង។

ជប៉ុនបានកត់សម្គាល់ករណីស្លាប់ដោយសារគ្រោះថ្នាក់ចរាចរណ៍ចំនួន ២.៦១០ នាក់នៅឆ្នាំ ២០២២ ដែលជាកំណត់ត្រាទាបក្នុងរយៈពេល ៦ ឆ្នាំជាប់ៗគ្នា នេះបើតាមទិន្នន័យពីទីភ្នាក់ងារប៉ូលិសក្នុងប្រទេស។ ទោះជាយ៉ាងណា ចំនួនគ្រោះថ្នាក់ដែលពាក់ព័ន្ធនឹងអ្នកថ្មើរជើង ក្នុងនោះមានកុមារ សិស្ស ស្ថិតក្នុងកម្រិតគួរអោយយកចិត្តទុកដាក់។

លោក Pikotaro ធ្លាប់សហការនឹងក្រសួងការបរទេសជប៉ុនក្នុងទំនាក់ទំនងសាធារណៈលើគោលដៅអភិវឌ្ឍយូរអង្វែងនៃអង្គការសហប្រជាជាតិ។

បទចម្រៀង PPAP ចេញផ្សាយនៅឆ្នាំ ២០១៦ ហើយល្បីនៅពេលដែលទទួលបានអ្នកមើលច្រើនលើបណ្តាញសង្គម។

ក្រោយរយៈពេលជាងមួយសប្តាហ៍ ចំនួនអ្នកមើលបទចម្រៀងរបស់លោក Pikotaro នៅលើ YouTube ជាង ៤ លាននាក់ ខណៈដែលអ្នកមើលតាម Facebook មាន ៤៤ លាននាក់។

យុវជន និងតារាអាស៊ីជាច្រើននាំគ្នា cover បទចម្រៀង PPAP តាមបែបកំប្លែងគួរឱ្យស្រលាញ់។

មូលហេតុដែលធ្វើអោយបទចម្រៀង PPAP ពេញនិយមព្រោះថា បទភ្លេងគួរអោយចង់ស្តាប់ ទំនុកចម្រៀងខ្លី និងក្បាច់រាំគួរអោយអស់សំណើចរបស់លោក Pikotaro ។

បទចម្រៀងនេះក៏បានធ្វើអោយលោក Pikotaro ក្លាយជាតារាល្បីលើបណ្តាញសង្គម ហើយជាតួអង្គដែលកុមារជប៉ុនចូលចិត្តយ៉ាងខ្លាំង។

នៅឆ្នាំ ២០១៧ លោក Pikotaro បានសហការជាមួយក្រសួងការបរទេសជប៉ុនក្នុងទំនាក់ទំនងសាធារណៈលើគោលដៅអភិវឌ្ឍយូរអង្វែងនៃអង្គការសហប្រជាជាតិ។

នាខែកុម្ភៈ ឆ្នាំ ២០២០ លោកបានសម្ដែងផ្ទាល់ក្នុងកម្មវិធីប្រគំតន្ត្រីសប្បុរសធម៌ជួយកុមារដែលមានជំងឺមហារីក។ ព្រោះតែលោក Pikotaro មានប្រជាប្រិយភាពខ្លាំងចំពោះមារ ដូច្នេះកុមារជប៉ុនដែលមានជំងឺមហារីក (JCCG) រួមទាំងគ្រូពេទ្យឯកទេសខាងជំងឺមហារីកកុមារ បានស្នើឱ្យគាត់បញ្ចេញវីដេអូឃ្លីបមួយ ដើម្បីលើកទឹកចិត្តដល់ក្មេងៗដែលមានជំងឺ។

នៅឆ្នាំដដែលនោះ លោក Pikotaro ចេញផ្សាយបទ PPAP ក្រោមទម្រង់លាងដៃរដូវកាលជំងឺរាតត្បាត ហើយក៏ទទួលបានការគាំទ្រយ៉ាងខ្លាំងផងដែរ។

ប្រភព៖ Zing News