ក្រុម​ហ៊៊ុន​ភេសជ្ជៈ Asahi សាក​​ល្បង​​ម៉ាស៊ីន​លក់​ភេសជ្ជៈ​ដែល​អាច​ស្រូប​យក​ឧស្ម័ន CO2

ក្រុមហ៊ុនផលិតភេសជ្ជៈជប៉ុនគ្រោងដាក់ដំណើរការម៉ាសុីនលក់ទឹកដោយស្វ័យប្រវត្តិ ដែលសង្ឃឹមថាអាចជួយកាត់បន្ថយការបញ្ចេញបរិមាណកាបូន។ ក្រុមហ៊ុនភេសជ្ជៈ Asahi បានអោយដឹង ម៉ាស៊ីនអាចស្រូបយកឧស្ម័ន CO2 “Carbon dioxide (កាបូន​ឌីអ៊ុកស៊ីត)” ក្នុងខ្យល់។

ម៉ាស៊ីន​លក់​ភេសជ្ជៈ​ប្រើ​សារធាតុ​ដែលផ្ទុកកាល់ស្យូម ហើយអាចស្រូបយកឧស្ម័ន CO2 ក្នុងរង្វង់រហូតដល់ ១ ម៉ែត្រ។ Asahi បានអោយដឹង ម៉ាស៊ីន​មួយ​ក្នុង​មួយ​ឆ្នាំ​អាច​ស្រូប​យកបរិមាណ CO2 ដែលស្មើនឹងដើមតាត្រៅចំនួន ២០ ដើម។

ក្រុមហ៊ុនបាននិយាយថា វាជាប្រភេទម៉ាសុីនដំបូងដែលមានមុខងារនេះនៅ​ក្នុងប្រទេសជប៉ុន។

ក្រុមហ៊ុនភេសជ្ជៈ Asahi កំពុងស្រាវជ្រាវរកមធ្យោបាយប្រើប្រាស់ឧស្ម័ន CO2 ដែលប្រមូលបាន ដូចជាការបង្កើតបេតុង ឬ​ជី​សម្រាប់​ក្រុម​ហ៊ុន និង​អាជ្ញាធរ​មូល​ដ្ឋាន។

ក្រុមហ៊ុន​គ្រោង​នឹង​ដាក់​ឱ្យ​ប្រើ​សាកល្បងឧបករណ៍​នេះចាប់​ពី​ខែ​មិថុនា។

ប្រភព៖ NHK