គេថាខ្លាមិនសុីកូនខ្លួនឯង សាមូរ៉ៃលើកដៃកាត់ក្បាលកូនប្រុសបង្កើតដោយផ្ទាល់

ថ្ងៃសុក្រ 05/05/2023 | 12:11 ល្ងាច

ប្រសិនបើកូនរបស់អ្នកប្រព្រឹត្តិទោសធ្ងន់អ្វីមួយ តើអ្នកអាចទុកឱ្យតុលាការវិនិច្ឆ័យកូនរបស់អ្នកដោយយុត្តិធម៌បានទេ? ឬអ្នកមិនជឿលើរឿងនេះ ហើយការពារកូនរបស់ខ្លួនដោយមិនគិតពីអ្វីទាំងអស់?

ជាការពិតណាស់ មិនថាកូនរបស់អ្នកធ្វើអ្វីក៏ដោយ វានៅតែជាកូនរបស់អ្នក។ ដូច្នេះហើយ អ្នកចង់ការពារកូនក៏ជារឿងធម្មតាដែរ។ ប៉ុន្តែនៅប្រទេសជប៉ុនមានរឿងពិតមួយនិយាយពីសាមូរ៉ៃកាត់ក្បាលកូនរបស់ខ្លួនដោយផ្ទាល់។

បុរសជាកូនប្រុសរបស់សាមូរ៉ៃមានជម្លោះជាមួយសាមូរ៉ៃម្នាក់ទៀត ហើយចាក់សម្លាប់ម្នាក់នឹង។ គ្រប់គ្នាមានការភ្ញាក់ផ្អើលយ៉ាងខ្លាំងពេលបានឮឪពុកកូនទាំងពីរនិយាយគ្នា។

បុរសជាឪពុកនិយាយ៖ កូនសម្លាប់គេត្រឹមមួយដាវឬ?

បុរសជាកូនឆ្លើយ៖ បាទ កូនសម្លាប់ជននោះមួយដាវយកជីវិត។

បុរសជាឪពុក៖ កូនធ្វើបានល្អណាស់! ក្នុងសមរភូមិ បើអាចសម្លាប់ខ្មាំងបាន ទោះបីត្រូវលះបង់ខ្លួនឯងក៏គ្មានអ្វីគួរស្តាយដែរ។ ក្នុងនាមជាសាមូរ៉ៃមួយរូប ទោះបីជាកូនអាចរត់គេចខ្លួននៅពេលនោះ ក៏កូនមិនអាចរួចផុតពីការដាក់ពិន័យវះពោះខ្លួនឯងសម្រាប់អ្នកចាញ់នោះដែរ។ ដូច្នេះហើយ ពុកសុខចិត្តសម្លាប់កូនដោយផ្ទាល់ ប្រសើរជាងឃើញនរណាម្នាក់សម្លាប់កូន។

នៅពេលនោះបុរសជាឪពុកកាត់ក្បាលរបស់កូនដោយផ្ទាល់ដៃ។ ដោយសារច្បាប់សម័យនោះចែងថា បើភាគីទាំងពីរមានជម្លោះ នោះពួកគេទាំងពីរត្រូវទទួលទោសដូចគ្នា ដូច្នេះប្រសិនបើភាគីណាម្នាក់ស្លាប់មុន នោះសេចក្តីស្លាប់ក៏រង់ចាំអ្នកឈ្នះផងដែរ។

សាមូរ៉ៃជាមនុស្សដែលតែងតែយកអាវុធតាមខ្លួន។ ប្រសិនបើរាល់ពេលមានជម្លោះ គេចេះតែសម្លាប់នរណាម្នាក់ នោះប្រាកដជាគ្មានអ្នកដឹងដំណើររឿងឡើយ ហើយប្រទេសនឹងស្ថិតក្នុងភាពវឹកវរ។

ប៉ុន្តែចំពោះអ្នកដែលអោយតម្លៃខ្ពស់លើខ្លួនឯងដូចសាមូរ៉ៃ ក៏ពិបាកនឹងទទួលយករឿងខ្លួនត្រូវអ្នកដទៃយកឈ្នះផងដែរ។ ដូច្នេះហើយ ទើបគេនិយាយថា នៅសម័យនោះក្នុងនាមជាសាមូរ៉ៃមួយរូបមិនងាយឡើយ។

មនុស្សជាច្រើនចោទជាសំណួរ តើបុរសជាឪពុកមានអារម្មណ៍យ៉ាងណាពេលកាត់ក្បាលកូនប្រុសបង្កើតរបស់ខ្លួនដោយផ្ទាល់? ប៉ុន្តែពួកគេអាចមើលឃើញថា នោះមិនមែនជាទង្វើគ្មានមេត្តាទេ តាមរយៈការសន្ទនារវាងឪពុកកូន។

Abe Kengo