ជប៉ុនគ្រោងបញ្ចប់ការរឹតបន្តឹងព្រំដែនចំពោះជំងឺកូវីដនៅថ្ងៃទី ២៩ ខែមេសា

ថ្ងៃសុក្រ 28/04/2023 | 14:08 ល្ងាច

រដ្ឋាភិបាលជប៉ុនគ្រោងបញ្ចប់វិធានការត្រួតពិនិត្យជំងឺរាតត្បាតនៅថ្ងៃសៅរ៍ទី ២៩ ខែមេសានេះហើយ។

រូបភាព៖ Kyodo

ដំបូងឡើយ រដ្ឋាភិបាលបានសម្រេចចិត្តដកការរឹតបន្តឹងនៅថ្ងៃទី ៨ ខែឧសភា នៅពេលដែលមន្ត្រីចាត់ថ្នាក់ប្រភេទជំងឺកូវីដចុះកម្រិតទាបបំផុតគឺក្រុមទី ៥ ដូចជាជំងឺផ្តាសាយតាមរដូវ។ ទោះជាយ៉ាងណា តាមប្រភពព័ត៌មានបានអោយដឹងថា រដ្ឋាភិបាលកំពុងរៀបចំការបញ្ចប់ការត្រួតពិនិត្យព្រំដែនលឿនជាងការគ្រោងទុក។

បច្ចុប្បន្ននេះ អ្នកដែលចូលប្រទេសជប៉ុនត្រូវបង្ហាញលិខិតបញ្ជាក់បានចាក់វ៉ាក់សាំងការពារជំងឺកូវីដចំនួន ៣ ដូស ក៏ដូចជាបំពេញតម្រូវការផ្សេងៗទៀត។ រដ្ឋាភិបាលក៏គ្រោងនឹងបញ្ចប់ការធ្វើតេស្តដោយចៃដន្យចំពោះអ្នកដំណើរមួយចំនួនដែលមកពីចិនដីគោកតាមជើងហោះហើរត្រង់។

នៅប្រទេសជប៉ុន ថ្ងៃឈប់សម្រាកនិទាឃរដូវ “សប្តាហ៍មាស” ចាប់ពីចុងសប្តាហ៍នេះរហូតដល់ថ្ងៃទី ៧ ខែឧសភា។ អំឡុងពេលនេះ តាមការរំពឹងទុកចំនួនភ្ញៀវទេសចរណ៍ទៅលេងក្រៅប្រទេសនឹងកើនឡើង។ អ្នកសង្កេតការណ៍បានអោយដឹងថា រដ្ឋាភិបាលចង់អោយប្រជាពលរដ្ឋដែលធ្វើដំណើរត្រឡប់មកវិញ អាចបំពេញបែបបទចូលមានភាពងាយស្រួល។

យ៉ាងណាមិញ ក្រុមមន្ត្រីបានអោយដឹងថា ពួកគេនឹងត្រួតពិនិត្យសុខភាព ដោយឈរលើមូលដ្ឋានស្ម័គ្រចិត្ត ចំពោះអ្នកដែលចូលប្រទេសមានរោគសញ្ញាដូចជាគ្រុនក្តៅ និងក្អក រួមទាំងក្រោយពេលដកការរឹតបន្តឹងចូលប្រទេស។ ក្រុមមន្ត្រីក៏បាននិយាយផងដែរថា នឹងធ្វើការវិភាគហ្សែនរបស់វីរុស។

ប្រភព៖ NHK