ពិព័រណ៍​ផ្កា Tulip លើក​ទី ៧២ ប្រារព្ធ​ធ្វើ​ឡើង​នៅ​ខេត្ត Toyama ប្រទេស​ជប៉ុន

ផ្កា Tulip (ទូលីប​) ប្រមាណ ៣ លានដើម ដែលមាន ៣០០ ពូជផ្កាខុសៗគ្នាកំពុងរីកស្គុសស្គាយនៅពិព័រណ៍ផ្កា Tulip ក្នុង​ខេត្ត Toyama ភាគ​កណ្តាល​ប្រទេស​ជប៉ុន។

ពិព័រណ៍លើកទី ៧២ បើកសម្ភោធនៅថ្ងៃសៅរ៍ក្នុងទីក្រុង Tonami ប្រទេស​ជប៉ុន។ ម្យ៉ាង​វិញ​ទៀត ប្រធានបទនៅឆ្នាំនេះគឺ “វង់តន្រ្តី​ចម្រុះ​ពណ៌​នៃ​ផ្កា Tulip” ។

ផ្កា Tulip ចំនួន ២១០.០០០ ដើមត្រូវបានតំរៀបជារូបណោតភ្លេង G (Sol) និងណោតភ្លេងផ្សេងទៀតនៅកន្លែងធំទូលាយ​ក្នុង​ឧទ្យាន​ផ្កា Tulip Tonami ។

អាកាសធាតុក្តៅនៅឆ្នាំនេះបានធ្វើឱ្យផ្កាឆាប់រីក កាលពីថ្ងៃសៅរ៍ ផ្កា Tulip បានរីកមុនមួយសប្តាហ៍។

គណៈកម្មាធិការរៀបចំពិព័រណ៍នេះបានអោយដឹង នេះជាលើកទី ១ ហើយ​ក្នុង​ប្រវត្តិសាស្ត្រដែលផ្ការីកនៅថ្ងៃ​បើក​សម្ភោធ។

ពិព័រណ៍​នេះ​បើក​រហូត​ដល់​ថ្ងៃ​ទី​ ៥ ខែឧសភា ហើយត្រូវបានគេរំពឹងថា​នឹង​ទាក់ទាញភ្ញៀវមកទស្សនាប្រមាណ ៣០ ម៉ឺន​នាក់។​

ប្រភព៖ NHK