រូបថតម្តាយកូនពីរនាក់​ដែល​ល្បី​ពេញ​បណ្តាញ​សង្គម​ជប៉ុន ព្រោះ​តែ​មិន​ដឹង​ថា អ្នក​ណា​ម្តាយ អ្នក​ណា​កូន

សព្វថ្ងៃនេះ អ្នកស្រី Ayumi Kawabata អាយុ ៤២ ឆ្នាំជាស្រ្តីមេម៉ាយកូនមួយម្នាក់។ កាលគាត់នៅរៀនសាកលវិទ្យា​ល័យ​ក៏​ដឹង​ថា​ខ្លួន​មាន​ផ្ទៃ​ពោះ។ អ្នក​ស្រី Ayumi បានឈប់រៀនដើម្បីរៀបការ និងបំពេញកាតព្វកិច្ចជាម្តាយផងនោះ។ ប៉ុន្តែ​យ៉ាង​ណា​សុភមង្គល​​មិនបានយូរ ​ប្ដី​ប្រពន្ធ​គាត់លែងលះ​គ្នាកាលគាត់មានអាយុ ២៦ ឆ្នាំ។

យ៉ាងណាមិញ ការដែលមានកូនឆាប់ក៏ជាលក្ខខណ្ឌ​ដ៏​ល្អ​សម្រាប់គាត់ផងដែរ ព្រោះគាត់មានពេលវេលាសម្រាប់ខ្លួន​ឯង បន្ទាប់​ពី​កូន​ស្រី​ពេញក្រមុំ។ នេះជាមូលហេតុ​ដែលទោះបីជាមានវ័យជាង ៤០ ឆ្នាំមកហើយ ក៏អ្នកស្រី Ayumi នៅ​​តែ​អាច​រក្សា​បាន​សម្រស់​ក្មេង​ជាង​វ័យ ដែលធ្វើអោយមនុស្សជាច្រើន​ស្ងើច​សរសើរ និងភ្ញាក់ផ្អើល។

កាលពីពេលថ្មីៗនេះ រូបថត​មួយ​សន្លឹកកាលអ្នកស្រី Ayumi អាយុ ៤០ ឆ្នាំ និង​កូនស្រី​អាយុ ១៩ ឆ្នាំត្រូវបានចែក​រំលែក​ពេញ​បណ្តាញ​សង្គម​ជប៉ុន។ ព្រោះ​​ពេល​​មើលរូបថតមួយសន្លឹកនេះ មនុស្សជាច្រើនមិនអាចបែងចែកថានរណា​​ជា​​ម្តាយ រីឯ​នរណា​​ជា​​កូន​​នោះ​ទេ។ រូបភាពនេះត្រូវបានថតនៅឆ្នាំ ២០២១ ដែល​ឥឡូវ​នេះ អ្នកស្រី Ayumi អាយុ ៤២ ឆ្នាំ ចំណែក​កូន​ស្រី​អាយុ ២១ ឆ្នាំ។

អ្នកនៅខាងឆ្វេងគឺ Ayumi Kawabata និងខាងស្តាំជាកូនស្រីអាយុ ១៩ ឆ្នាំ។

ដោយដឹងថា អ្នក​ស្រីធ្លាប់ចូលរួមកម្មវិធីប្រកួតសម្រស់ទូទាំងប្រទេស ទទួលបានចំណាត់ថ្នាក់លេខ ២ ហើយ​ក្លាយ​ជា​បុគ្គល​​ដែល​ល្បី​នៅ​ពេល​នោះ។ អ្នកស្រី Ayumi បានចែករំលែកអាថ៌កំបាំងថែរក្សាសម្រស់របស់ខ្លួនថា គាត់តែង​តែ​យក​ចិត្ត​ទុក​ដាក់​លើ​ការ​ការពារកម្តៅថ្ងៃ និងផ្តល់សំណើម ហាលថ្ងៃពីរដងក្នុងមួយសប្តាហ៍ ដើម្បីជំរុញចលនាឈាមរត់ ហាត់យូហ្គា និងរក្សាទម្លាប់ហាត់ប្រាណជាប្រចាំ។

Duc Lam