មកក្រឡេកមើលថា តើនៅថ្ងៃ April Fool’s Day ក្រុមហ៊ុនជប៉ុនប្រើល្បិចអ្វីខ្លះបោកអតិថិជន?

ថ្ងៃសុក្រ 14/04/2023 | 8:00 ព្រឹក

ជារៀងរាល់ឆ្នាំ នៅថ្ងៃទី ១ ខែមេសា ឬគេហៅថាទិវា “April Fool’s Day” ។ ក្នុងថ្ងៃនេះ ក្រុមហ៊ុនជប៉ុនតែងតែព្យាយាមផ្សាយព័ត៌មានក្លែងបន្លំដើម្បីទាក់ទាញអតិថិជន។ ចូរយើងស្វែងយល់ទាំងអស់គ្នា តើបណ្តាក្រុមហ៊ុនជប៉ុននិយាយកុហកយ៉ាងណា?

នំចេកនៅ Tokyo ជាប្រភេទនំពងមាន់ទន់ដែលមានរសជាតិចេក ស្នូលខាងក្នុងមានក្រែម ទឹកដោះគោ និងស៊ុត។ រូបរាងនំមើលទៅគួរឱ្យស្រលាញ់ដូចផ្លែចេក ហើយក៏ជានំទុកសម្រាប់ជូននៅ Tokyo ផងដែរ។

ក្រុមហ៊ុនដែលផលិតប្រភេទនំនេះ បានប្រកាសថា ពួកគេបានរកឃើញផ្លែឈើមួយប្រភេទដែលស្រដៀងនឹងនំចេករបស់ពួកគេដុះធម្មជាតិនៅលើដើមឈើ។ ជាការពិតណាស់ នេះជារឿងដែលពិបាកនឹងជឿ។ ប៉ុន្តែយ៉ាងណា គ្រប់គ្នាទទួលស្គាល់ថា រូបភាពផ្លែចេកទាំងនេះគួរឱ្យស្រលាញ់ណាស់ ជាមួយនឹងស្លឹកមានរាងដូចបូរ។

Happy Turn ជាឈ្មោះប្រភេទនំអង្ករនៅប្រទេសជប៉ុន។ ដំបូងឡើយ គ្រប់គ្នាតែងតែគិតពីអត្ថន័យរបស់វាថា “ឆ្ងាញ់រហូតដល់ថ្នាក់អ្នកមានអារម្មណ៍មានសុភមង្គលពេលហូបវាឡើងវិញ” ។ ប៉ុន្តែដោយសារជំងឺរាតត្បាតកូវីដ ១៩ ធ្វើឱ្យសេដ្ឋកិច្ចបន្តធ្លាក់ចុះ ក្រុមហ៊ុនបានគិតឃើញប្តូរឈ្មោះប្រភេទនំនេះទៅជាពាក្យផ្ទុយទាំងស្រុងគឺ “Tsurai Turn” ។ មានន័យថា “នៅថ្ងៃដែលគ្មានសំណាង អ្នកនឹងមានអារម្មណ៍ឈឺចាប់ពេលហូបវាម្តងទៀត” ។

ក្រុមហ៊ុនផលិតទឹកកកឈូសត្រជាក់ស្រស់ស្រាយ ដែលស័ក្តិសមជាបង្អែមលាងមាត់ក្រោយពេលបាយ។ ប៉ុន្តែនៅឆ្នាំនេះ ក្រុមហ៊ុនបានបន្ថែមរសជាតិថ្មីមួយទៀតគឺស្តេក។ ប្រាកដណាស់ថា មនុស្សជាច្រើនគ្រាន់តែឮបែបនេះក៏មានអារម្មណ៍ចង់ក្អួតដែរ។

McDonald ជប៉ុនទើបតែបើកសាខាថ្មីរបស់ពួកគេនៅលើភពព្រះអង្គារ ដែលមានឈ្មោះថា Samurai Mac ។ តើមានន័យថាសាមូរ៉ៃដែលនៅសល់ ហើយពួកគេកំពុងនៅលើភពព្រះអង្គារឬ?

នេះជារូបភាពបាយសាច់គោមួយចានដែលបង្ហោះលើ Twitter ផ្លូវការរបស់ Yoshinoya ប៉ុន្តែប្រសិនបើអ្នកធ្លាប់រស់នៅប្រទេសជប៉ុន អ្នកប្រាកដជាដឹងថា សាច់គោ និងបន្លែនេះមិនដូចជារបស់ Yoshinoya នោះទេ ប៉ុន្តែដូចជារបស់គូប្រជែង Matsuya ជាង។