លោកតាអាយុ ៨៩ ឆ្នាំ​បំបែក​ឯតទគ្គកម្ម​អ្នក​ជិះ​បន្ទះ​ក្តារ​​រលក​ចំណាស់​ជាង​គេ​លើ​ពិភព​លោក

ដោយចំណាយពេលភាគច្រើនសម្រាប់គ្រប់គ្រងអាជីវកម្ម នៅពេលដែលឈានចូលវ័យ ៨០ ឆ្នាំ លោកតា Seiichi Sano ដែល​ជា​ជន​ជាតិ​ជប៉ុន​រស់​នៅ​ទីក្រុង Fujisawa ខេត្ត Kanagawa ចាប់ផ្តើមឡើងភ្នំ Fuji ជាភ្នំដែលខ្ពស់ជាង​គេ​នៅ​ជប៉ុន។ មិនត្រឹម​តែប៉ុណ្ណឹង លោក​​​តា​ថែម​ទាំង​​ប្តូរ​ទៅ​ជិះបន្ទះ​ក្តារ​​រលក​​​ផង​ដែរ។

រូបភាព៖ Guinness World Records

លោកតា Seiichi Sano កើតនៅថ្ងៃទី ២៣ ខែកញ្ញាឆ្នាំ ១៩៣៣ ស្រុកកំណើតនៅ Hokkaido ដែលនឹងឈានចូល​​វ័យ ៩០ ក្នុង​ឆ្នាំ​នេះ។ នៅ​ពេលដែល​រំលឹក​ដល់​ចំណូល​ចិត្ត​ជិះ​បន្ទះ​ក្តារ​រលក លោកតា Sano និយាយថា គាត់ត្រូវបានបំផុស​គំនិតដោយ​បុគ្គលិក​ធនាគា​ក្នុង​ស្រុកម្នាក់ ដែលតែងតែទៅហាលថ្ងៃ និងមើលទៅមិនដូចបុគ្គលិកធនាគា​ធម្មតា​ទេ។ អ្វីដែលបុគ្គលរូបនេះបានចែករំលែកគឺចំណូលចិត្តជិះបន្ទះក្តាររលក ចាប់តាំងពីពេលនោះមក លោកតា Sano ចូលចិត្តជិះបន្ទះក្តាររលក ហើយបាន​រកគ្រូ​បង្វឹក​​សម្រាប់​ខ្លួន។

ដូច្នេះហើយ លោកតា Seiichi Sano បានចាប់ផ្តើមចំណូលចិត្តជិះបន្ទះក្តាររលកតាំង​ពី​ពេល​នោះ​មក។ កន្លែងដែលលោកតាចូលចិត្តគឺឆ្នេរសមុទ្រ Katase Nishihama ដែលជាទីតាំងហែលទឹក និងជិះបន្ទះក្តាររលកដំបូងនៅជប៉ុន។ សព្វ​ថ្ងៃ​លោក​​តា Seiichi Sano នៅ​​តែ​​បន្ត​​ការ​​ងារ​​ជានាយកប្រតិបត្តិ (CEO) ដែលជាអាជីវកម្មផ្គត់ផ្គង់​ឈើ​សម្រាប់​សាង​​សង់។

https://twitter.com/GWR/status/1641754778161098753?ref_src=twsrc%5Etfw%7Ctwcamp%5Etweetembed%7Ctwterm%5E1641754778161098753%7Ctwgr%5E87999db1b92ea63e257b748172f159ab984c9ac4%7Ctwcon%5Es1_&ref_url=https%3A%2F%2Fwww.guinnessworldrecords.com%2Fnews%2F2023%2F3%2F89-year-old-man-named-worlds-oldest-surfer-after-discovering-sport-in-golden-years-737637

នៅពេលដែលទទួលបានវិញ្ញាបនបត្របញ្ជាក់ពីកំណត់ត្រា ទន្ទឹមនឹងនេះ អ្នកតំណាងសៀវភៅកំណត់ត្រា Guinness បាននិយាយ​ថា “លោក Seiichi Sano មិនមែនជាអ្នកជំនាញជិះបន្ទះក្តាររលកនោះទេ ប៉ុន្តែ​គ្រាន់​តែ​ជាអ្នកជិះ​បន្ទះក្តារ​​​រលក​​ធម្មតា​តាម​ចំណូល​ចិត្ត​ប៉ុណ្ណោះ” ។

ប្រភព៖ Skydoor