របៀបបង្កើតទំនាក់ទំនងល្អជាមួយនឹងជនជាតិជប៉ុនតាមរយៈកម្មវិធី LINE

សព្វថ្ងៃនេះ មនុស្សគ្រប់គ្នានៅលើពិភពលោកអាចប្រាស្រ័យទាក់ទងបានយ៉ាងងាយតាមរយៈកម្មវិធីលើបណ្តាញសង្គម​ដូច​ជា Facebook Messenger, Line, Telegram ឬ Wechat ។ ក្នុងចំណោមនោះ Line ជាកម្ម​វិធី​ពេញ​បំផុត​​នៅប្រទេស​​ជប៉ុន។

យ៉ាងណាមិញ ប្រជាជនជប៉ុនមិនសូវពូកែបង្ហាញពីអារម្មណ៍របស់ខ្លួននោះទេ ដូច្នេះប្រាកដជាពិបាកបញ្ចេញអារម្មណ៍​​របស់​​ខ្លួន​​ទៅ​កាន់​អ្នក​ដទៃ​តាម​រយៈ​សារ​ជា​អក្សរ។

ម្យ៉ាងវិញទៀត អ្នកគួរតែដឹងថា ក្នុងការទំនាក់ទំនងរបស់ជនជាតិជប៉ុន ពេលខ្លះពួកគេនិយាយថា “ចូលចិត្ត” ក៏មិន​ប្រាកដ​ថាដូចនេះដែរ។ ដូច្នេះបើសិនជាអ្នកចង់ស្គាល់មិត្តស្រី ឬមិត្តប្រុសជនជាតិជប៉ុន អ្នកគួរតែទម្លាប់នឹងរឿង​នេះ។

បន្ទាប់មកនេះ យើងនឹងស្វែងយល់អំពីគំនិតរបស់ជនជាតិជប៉ុនដូចតទៅ “ខ្ញុំនឹងចូលចិត្តអ្នក ប្រសិនបើខ្ញុំទទួលបាន​សារ​បែប​នេះ!”

ការបង្កើតសំណួរ

នៅពេលដែលអ្នកចូលចិត្តនរណាម្នាក់ យើងប្រាកដជាចង់ដឹងពីម្នាក់នោះកាន់តែច្រើន ប៉ុន្តែយ៉ាងណាជនជាតិជប៉ុន​មិន​សូវ​ពូកែ​ទំនាក់​ទំនងទេ ដូច្នេះ​ពួក​គេ​​ងាក​​​រក​សំណួរ​ធម្មតាវិញ ចំណែកអ្នកស្តាប់គ្រាន់តែឆ្លើយថា “មាន” ឬ “មិន​មាន” ប៉ុណ្ណោះ។ ដូច្នេះ​អាចនឹងធ្វើឲ្យ​ការសន្ទនាគ្មានន័យ និង​បញ្ចប់​យ៉ាង​ឆាប់​រហ័ស។

ពេលលើកជាសំណួរ ចូរគិតធ្វើយ៉ាងណាឲ្យ​ភាគីឃើញពីបំណងល្អរបស់អ្នក ឬព័ត៌មានដែលអ្នកទទួលបានពីគេអាច​ជួយ​ដល់​អ្នក និងអ្នកដទៃ។

ឆ្លើយតបសំណួរលឿន

គ្រប់គ្នាតែងតែចង់ទទួលបានការឆ្លើយតបលឿនពីមនុស្សដែលខ្លួនស្រលាញ់។ ទោះបីជាពេលខ្លះអ្នកមិនអាចឆ្លើយ​តប​សារបានភ្លាមៗដោយសារ​រវល់​ការ​ងារ យ៉ាងណាចូរផ្តល់អាទិភាពឆ្លើយតបសារឱ្យបានឆាប់តាមដែលអាចធ្វើ​ទៅ​បានចំពោះទំនាក់ទំនងដែលសំខាន់។ ខណៈដែលភាគីកំពុងធ្វើរឿងដូចគ្នាសម្រាប់អ្នក អ្នកអាចយល់បាន​ថា គេកំពុងចាប់ផ្តើមឲ្យ​តម្លៃអ្នក។

កុំសរសេរសារខ្លីពេក

ជនជាតិជប៉ុនតែងតែគិតថា គ្មាននរណាម្នាក់ចង់ចំណាយពេលសរសេរសារវែងសម្រាប់មនុស្សដែលពួកគេមិនចូលចិត្តនោះទេ។ ដូច្នេះប្រសិនបើអ្នកផ្ញើ​សារ​វែង​ល្មម​បង្ហាញពីអារម្មណ៍របស់ខ្លួន នោះពួកគេនឹងមានអារម្មណ៍ថា ខ្លួនទទួលបានការគោរព និងអោយតម្លៃខ្ពស់ចំពោះ​អ្នក។

ជាចុងក្រោយផ្ញើស្ទីគ័រ

ទោះបីជាអ្នកសរសេរសារវែងតែអាចប្រាកដថាបានបង្ហាញពីអារម្មណ៍ពិតរបស់ខ្លួនដែរទេ? ដូច្នេះពេលនេះ អ្នកគ្រាន់តែផ្ញើស្ទីគ័របន្ថែម វានឹង​ជួយ​អ្នក​បង្ហាញ​ពី​អារម្មណ៍​របស់​ខ្លួន និងធ្វើឲ្យសាររបស់អ្នកកាន់តែគួរឱ្យចាប់អារម្មណ៍។ ប៉ុន្តែប្រសិនបើអ្នកគ្រាន់តែផ្ញើស្ទីគ័រដោយមិនសរសេរអ្វីសោះ ពេលខ្លះមិនល្អទៅវិញ។

នៅពេលដែលភាគីផ្ញើសារមកអ្នកនៅថ្ងៃបន្ទាប់

បន្ទាប់ពីបញ្ចប់ការសន្ទនា ភាគីបន្តផ្ញើសារអោយអ្នកនាថ្ងៃបន្ទាប់។ ថ្វិត្បិតតែមានពេលខ្លះសារដែលគេផ្ញើមិនទាក់​ទង​នឹង​ខ្លឹម​សារ​ដែល​ជជែក​គ្នា​ថ្ងៃ​មុន យ៉ាង​ណា​ចំណុចនេះដោយសារពួកគេចង់និយាយជាមួយអ្នកប៉ុណ្ណោះ។

ទោះជាយ៉ាងណា ពិបាកទាយដឹងពីអារម្មណ៍ពិតរបស់ជនជាតិជប៉ុនណាស់។ ដូច្នេះអ្នកគួរតែយកចិត្តទុកដាក់ ដើម្បី​កុំ​ឱ្យ​ខ្លួនយល់​ច្រឡំ​ផង​ដែរ។

Abe Kengo