Toyota ផលិត​​ម៉ូតូ​​អគ្គិសនី​ដោយ​បច្ចេក​វិទ្យា​​សុវត្ថិភាព​ខ្ពស់​សម្រាប់​មនុស្ស​ចាស់ និងអ្នក​មិន​អាច​ធ្វើ​ចលនា​ដោយ​ខ្លួន​ឯង

C+Walk S ជាប្រភេទម៉ូតូអគ្គិសនីសម្រាប់មនុស្សចាស់នៅប្រទេសជប៉ុន។ ម៉ូតូនេះមានតម្លៃចាប់ពី ៤៩៨.០០០ យ៉េន។

ថ្មីៗនេះ Toyota បានដាក់បង្ហាញគំរូម៉ូតូកង់ ៣ C+Walk S ដែល​នេះ​ជា​ផលិតផល​សម្រាប់មនុស្សចាស់ ឬអ្នកដែលមិនអាចធ្វើចលនាដោយ​ខ្លួន​ឯង។

ម៉ូតូមានកង់ខាងមុខមួយ និងកង់ក្រោយពីរ ដែលការរចនានេះជួយបង្កើនលំនឹង និងកាត់បន្ថយការបង្វិល​មក​ត្រឹម ០,៩៥ ម៉ែត្រ។ នៅ​ខាង​ក្រោមកៅអីអង្គុយជាកន្លែងផ្ទុកអីវ៉ាន់ចំណុះ ៣៣ លីត្រ ឬទម្ងន់អតិបរមា ២០ គីឡូក្រាម។

C+Walk S មិនមានបំពង់ឧស្ម័នទេ ផ្ទុយទៅវិញជំនួសដោយប៊ូតុងស្រដៀងទៅនឹងរថយន្ត ATV ។ អ្នកបើកបរអាច​​កំណត់​​ល្បឿន​​ប្រហែល​​ពី ១ ដល់ ៦ គីឡូម៉ែត្រ​​ក្នុង​មួយ​ម៉ោង។

ថាមពលនៅលើម៉ូតូត្រូវបានផ្គត់ផ្គង់ដោយថ្ម lithium-ion ដែលមានទម្ងន់ប្រហែល ២,៥ គីឡូក្រាម។ ចម្ងាយធ្វើដំណើរ​​អតិបរមា​បន្ទាប់​ពី​សាក​ពេញ​គឺ ១២ គីឡូម៉ែត្រ រយៈពេលសាកថ្មប្រហែល ២,៥ ម៉ោង។

ថ្វីត្បិតតែម៉ូតូ​តូច យ៉ាងណា C+Walk S ត្រូវបានបំពាក់ដោយបច្ចេកវិទ្យា​សុវត្ថិភាព​ជា​ច្រើន។ យានជំនិះមាន​​​ប្រព័ន្ធ​​​បន្ថយ​​​ល្បឿន​​​ដោយ​​​ស្វ័យ​​​ប្រវត្តិ​​​ពេល​​​បត់ និង​​ចុះ​​ទួល កំណត់​​ឧបសគ្គ​នៅ​ខាង​មុខ…។

Toyota ចែកចាយ C+Walk S ដោយមានទម្រង់ស្តង់ដារ ២ និងកញ្ចប់ជំនួយសុវត្ថិភាពពេញលេញ។ ដោយលក់ក្នុងតម្លៃ ៤៩៨.០០០ យ៉េន និង ៥០៥.០០០ យ៉េន ​ស្មើ​នឹង ៣.៧៧៩ ដុល្លារ និង ៣.៨៣២ ដុល្លារ។

ប្រភព៖ Toyota