ជប៉ុន​កំពុងស្វះ​​ស្វែង​​រក​​មនុស្ស ១០ នាក់​​លើ​ឧទ្ធម្ភាគ​ចក្រ​យោធា​ដែល​បាន​ធ្លាក់

ជប៉ុនកំពុងប្រមូលកម្លាំងជួយសង្គ្រោះជាច្រើននាក់ ដើម្បី​ស្វែងរក​អ្នក​នៅ​រស់រានមានជីវិតក្នុងករណីឧទ្ធម្ភាគចក្រធ្លាក់នៅល្ងាចថ្ងៃទី ៦ ខែមេសា។

យោងតាមព័ត៌មានដែលឧត្តមសេនីយ៍ Yasunori Morishita ប្រធានកងកម្លាំងស្វ័យការពារដីគោក (GSDF) ប្រកាស​ក្នុង​សន្និសីទ​សារ​ព័ត៌មាន​នៅ​ថ្ងៃទី ៧ ខែមេសា។

នាថ្ងៃដដែល នៅលើទូរទស្សន៍ NHK នាយករដ្ឋមន្ត្រីជប៉ុន លោក Fumio Kishida បានសង្កត់ធ្ងន់ថា នៅពេលនេះរដ្ឋាភិបាលផ្តល់អាទិភាពលើការស្វែងរក និងជួយសង្គ្រោះអ្នកដែលនៅលើឧទ្ធម្ភាគ​​ចក្រ។

កងកម្លាំងការពារដែនសមុទ្រជប៉ុនបានប្រមូលផ្តុំនាវាជាច្រើន និងយន្តហោះយោធា ដើម្បីកំណត់ទីតាំងបំណែកយន្ត​ហោះ និងស្វែងរកជនរងគ្រោះចំនួន ១០ នាក់។

បើតាម GSDF មនុស្ស ១០ នាក់ដែលនៅលើយន្តហោះមានដូចជាអាកាសយានិកពីរនាក់ អ្នកបច្ចេកទេសពីរនាក់ និង​ប្រាំ​មួយ​នាក់​ផ្សេង​ទៀតជាកងកម្លាំងស្វ័យការពារ។ ក្នុងចំណោមនោះលោក Yuichi Sakamoto ជាមេ​បញ្ជាការ​ជាន់​​ខ្ពស់​របស់ GSDF ។

ជប៉ុនបានរកឃើញវត្ថុអណ្តែតលើសមុទ្រក្បែរ​កន្លែង​កើត​ហេតុ​ធ្លាក់​ឧទ្ធម្ភាគចក្រ។ រូបភាព៖ Reuters

នៅយប់ថ្ងៃទី ៦ ខែមេសា កងកម្លាំងការងារសមុទ្រជប៉ុន និងប្រភពព័ត៌មានផ្សេងទៀតបានអោយដឹងថា ឧទ្ធម្ភាគ​ចក្រ UH60 នៃកងកម្លាំងស្វ័យការពារដីគោក (GSDF) កំពុងដឹកមនុស្ស ១០ បានធ្លាក់។

កងកម្លាំងការពារដែនសមុទ្រជប៉ុនបានអោយដឹងឧទ្ធម្ភាគចក្រព UH60 បាត់សញ្ញាលើអេក្រង់រ៉ាដានៅម៉ោង ១៦ៈ៤០ នាទី ពេល​កំពុង​នៅ​តំបន់​ដែល​មាន​ចម្ងាយ​ពីអាកាសយានដ្ឋានកោះ Miyako ខេត្ត Okinawa ប្រហែល ១៨ គីឡូម៉ែត្រ​ភាគ​ពាយព្យ។

ឧទ្ធម្ភាគចក្រ UH-60 Black Hawk ដូចយន្តហោះដែលបានធ្លាក់។ រូបភាព៖ WK

បច្ចុប្បន្នកម្លាំង​បាន​បញ្ជូនទូក​ល្បាត​ចំនួន ៤ គ្រឿងទៅដល់ដែនទឹក​ក្បែរ​នោះ ដើម្បីស្វែងរកឧទ្ធម្ភាគចក្រ។ ចំណែក​លក្ខ​ខណ្ឌ​អាកាស​ធាតុ​នៅ​តំបន់​ស្វែង​រក​ធម្មតា។

យោងតាមព័ត៌មានពីក្រសួងការពារជាតិជប៉ុន ឧទ្ធម្ភាគចក្រនេះជាកម្មសិទ្ធិរបស់ GSDF នៅឯជំរុំ Takayubaru ខេត្ត Kumamoto ភាគ​និរតី​ប្រទេស​ជប៉ុន និង​កំពុង​ចូលរួមសកម្មភាពល្បាតដែនសមុទ្រជុំវិញកោះ Miyako ចំពោះ​បេសកកម្ម​ល្បាត​តាម​អាកាស។

ប្រភព៖ Reuters, Kyodo, NHK