លោក Yoshihiro Nakata កាន់តំណែងប្រធាន និង​នាយក​ប្រតិបត្តិ​ Toyota Motor Europe

យោងតាម Toyota ជប៉ុនបានអោយដឹង លោក Yoshihiro Nakata កាន់តំណែងប្រធាន និងនាយកប្រតិបត្តិក្រុម​​​ហ៊ុន Toyota Motor Europe ចាប់​​ពី​ថ្ងៃ​ទី ១ ខែមេសា ឆ្នាំ ២០២៣ នេះ​ត​ទៅ។

លោក Yoshihiro Nakata កើតនៅឆ្នាំ ១៩៦៨ ខេត្ត Aichi និងបានបញ្ចប់ការសិក្សានៅសាកលវិទ្យាល័យ Nagoya ក្នុង​​ឆ្នាំ ១៩៩១ ។

លោក Yoshihiro Nakata ធ្វើជា CEO ក្រុមហ៊ុន Toyota អឺរ៉ុបនៅដើមខែមេសា ឆ្នាំ ២០២៣ ។

លោក Nakata បានចូលរួមផ្នែកលក់ក្នុងស្រុករបស់ Toyota Motor Corporation មុនពេលផ្លាស់ទៅធ្វើការនៅបរទេស​​ចាប់​ពី​ឆ្នាំ ១៩៩៨ ។

ចាប់ពីឆ្នាំ ២០០៦ គាត់បានចំណាយពេលជាង ៩ ឆ្នាំធ្វើការនៅបរទេសដូចជាអាសុី៖ Toyota Astra Motor (Indonesia), Toyota Motor Aisa Pacific (សិង្ហបុរី) និង Toyota Daihatsu Engineering & Manufacturing (ថៃ)។

ក្នុងឆ្នាំ ២០១៧ លោក Nakata កាន់តំណែងជាប្រធាន និងនាយកប្រតិបត្តិក្រុមហ៊ុន Toyota Astra Motor (ប្រទេស​​ឥណ្ឌូនេស៊ី)។

ក្នុងឆ្នាំ ២០២០ គាត់ត្រូវបានតែងតាំងជានាយកគ្រប់គ្រងប្រចាំតំបន់អាស៊ីនៃក្រុមហ៊ុន Toyota Motor Corporation ។

នៅចុងឆ្នាំ ២០២០ លោក Nakata បានត្រឡប់ទៅក្រុមហ៊ុន Toyota ជប៉ុនក្នុងនាមជាអគ្គនាយកជាន់ខ្ពស់ ដែលទទួល​បន្ទុក​លើ​សកម្មភាព​លក់ និងផែនការទីផ្សារ បង្កើតផែនការអាជីវកម្ម និងទទួលខុសត្រូវគម្រោង MIRAI (គម្រោង​រថយន្ត​ដំណើរការដោយឥន្ធនៈអុីដ្រូសែន)។

ចាប់ពីឆ្នាំ ២០២២ រហូតដល់ពេលដែលត្រូវបានតែងតាំង គាត់ធ្វើជាអនុប្រធាន​ប្រតិបត្តិក្រុមហ៊ុន Toyota តំបន់​អាសុី។

ក្រុមហ៊ុនរថយន្តជប៉ុនជាទម្លាប់តែងតាំងមុខតំណែងប្រតិបត្តិថ្មីនៅដើមឆ្នាំសារពើពន្ធបន្ទាប់ ដែលជាធម្មតាចាប់​​ពី​​ថ្ងៃ​​ទី ១ ខែ​មេសា​ជា​រៀង​រាល់​ឆ្នាំ យោង​ទៅ​តាម​ការ​គណនា​ឆ្នាំ​សារ​ពើ​ពន្ធ​របស់​ជប៉ុន។

ប្រភព៖ Skydoor