ប្លែកភ្នែកម្តងហើយថ្ងែនេះ “ភីហ្សា​រស​ជាតិ​ជី​វ៉ាន​ស៊ុយ” ដែល​កំពុង​តែល្បី​​នៅ​ជប៉ុន

ភីហ្សារសជាតិជីវ៉ាន់ស៊ុយដាក់ពីលើ topping ដូចជាបង្គា ទឹក​ប៉េងប៉ោះ កំពុង​តែ​ត្រូវ​បាន​មនុស្ស​​ជា​​ច្រើន​ចាប់​អារម្មណ៍​​នៅ​​ជប៉ុន។

យោងតាម Japan Today កាលពីចុងខែមីនាកន្លងទៅនេះ ភីហ្សារសជាតិជីវ៉ាន់ស៊ុយដែលមានឈ្មោះថា “Pakuchi Sugite Kusa” ភ្លាមៗនោះបានធ្វើឱ្យមនុស្សជាច្រើនចង់ភ្លក់រសជាតិ។ ដូចដែលឈ្មោះបានបង្ហាញ “pakuchi sugite kusa” ក្នុងភាសាជប៉ុនមានន័យថា “​ក្លិន​ជីវ៉ាន់​ស៊ុយ” មើល​ទៅ​ពេញ​ទៅ​ដោយ​ជីវ៉ាន់​ស៊ុយ ស្ទើរតែមិនឃើញ topping ខាង​ក្រោម។ 

ភីហ្សារសជាតិជីវ៉ាន់ស៊ុយ។ រូបភាព៖ akimogu_stadium

នៅជប៉ុនជីវ៉ាន់ស៊ុយត្រូវគេចាត់ទុកដូចជាប្រភេទគ្រឿងទេសដែលបែងចែកជា ២ ក្រុមគឺ “ក្រុមចូលចិត្តជីវ៉ាន់​ស៊ុយ” និង “ក្រុម​ស្អប់​ជីវ៉ាន់​ស៊ុយ” ។ ដូច្នេះហើយបានជាភីហ្សាដែលមានបរិមាណជីវ៉ាន់ស៊ុយច្រើនបង្កការចាប់អារម្មណ៍យ៉ាង​ខ្លាំង។

ហាងលក់ភីហ្សារសជាតិជីវ៉ាន់ស៊ុយបាននិយាយថា ខ្លួនផ្តោតលើអតិថិជន Gen Z ដែលតែងតែចូលចិត្តរបស់ថ្មីៗ។ យ៉ាង​ណា​មិញ អ្នក​ដែល​ចូល​ចិត្ត​ជីវ៉ាន់​ស៊ុយប្រាកដជាពេញចិត្តនឹងប្រភេទភីហ្សាថ្មីនេះ។ ថ្វីត្បិតតែមានគ្រឿងផ្សំដូច​ជា​ម្សៅ បង្គា ទឹកជ្រលក់ប៉េងប៉ោះ និងទឹកជ្រលក់ yangnyeom (ប្រភេទទឹកជ្រលក់ប្រើសម្រាប់មាន់បំពងហឹររបស់កូរ៉េ)។

អ្នកសរសេរប្លុក Nao Sakura បានរៀបរាប់នៅលើ Instagram ថា “ក្លិនជីវ៉ាន់ស៊ុយសាយភាយពេញបន្ទប់ពេលអ្នកបើកប្រអប់។ អ្នកដែលចូលចិត្តប្រាកដជាមិនអាចទប់អារម្មណ៍បានឡើយ ចំណែកអ្នកដែលមិនចូលចិត្តវាច្បាស់ជា​ភីហ្សា​ដ៏​គួរ​ឱ្យ​ស្អប់​បំផុត​ហើយ” ។

ចំណិតភីហ្សារសជាតិជីវ៉ាន់ស៊ុយ។ រូបភាព៖ ikenaga_w

អ្នកយកព័ត៌មាន Egawa Tasuku នៃទំព័រ Soranews24 បានទិញភីហ្សាមួយនេះ បន្ទាប់ពីបានឃើញការផ្សាយ​លើ​អុីន​ធឺណេត។ បុគ្គលម្នាក់នេះបាននិយាយថា “ពិតជាគួរអោយភ្ញាក់ផ្អើលណាស់ដែលទទួលបានភីហ្សាមើលទៅស្ទើរ​តែ​​ដូច​​រូប​ភាព​ផ្សាយពាណិជ្ជកម្ម ជាភីហ្សាសម្រាប់​អ្នក​ចូល​ចិត្ត​ជីវ៉ាន់​ស៊ុយ បង្គា និង​ទឹកជ្រលក់។ ក្លិនជីវ៉ាន់ស៊ុយឆួលរហូត​ដល់​ថ្នាក់​គាត់​ធុំ​​ក្លិន​ទាំង​មិនទាន់បើកប្រអប់ផងនោះ” ។

នៅពេលដែល Egawa ខាំមួយមាត់ក្លិនជីវ៉ាន់ស៊ុយឆួលពេញមាត់។ បង្គា ទឹកជ្រលក់… ហាក់ដូចជាគ្រឿងផ្សំសម្រាប់បន្ថែមរសជាតិប៉ុណ្ណោះ។ បើ​តាម​បង ប្រហែលជាហាងចង់បន្ថែមទឹកប៉េងប៉ោះ ទឹកជ្រលក់ yangnyeom បង្គា ដោយ​​​មាន​​បំណង​បង្កើត​រស​ជាតិ​ស្រដៀង​នឹង tomyum របស់​ប្រទេស​ថៃ ប៉ុន្តែពួកគេបរាជ័យព្រោះពេញទៅដោយក្លិន​​ជីវ៉ាន់​ស៊ុយ។

ទន្ទឹមនឹងនោះ នៅលើ instagram មនុស្សជាច្រើនបានបង្ហោះរូបភាពភីហ្សារសជាតិជីវ៉ាន់ស៊ុយ។ មនុស្សម្នាក់បាននិយាយ​ថា “ភីហ្សាឆ្ងាញ់ជាងអ្វីដែលខ្ញុំគិត” ។

បច្ចុប្បន្នភីហ្សារសជាតិជីវ៉ាន់ស៊ុយមួយមានតម្លៃ ២.៥០០ យ៉េន (១៨.៨៩ ដុល្លារ) សម្រាប់ការបរិភោគក្នុងហាង និង ២.៨០០ យ៉េន​​សម្រាប់​សេវាកម្ម​ដឹក​ជញ្ជូន។ ភីហ្សាត្រូវបានលក់ទូទាំងប្រទេសរហូតដល់ថ្ងៃទី ៩ ខែមេសា។

ប្រភព៖ Japan Today, Soranews24