លោក Hiroo Tanaka អាយុ ៩២ ឆ្នាំយកឈ្នះការ​ប្រណាំង​ចម្ងាយ ៦០ ម៉ែត្រ​​​ដោយ​​​ប្រើ​ថិរវេលា ១០,៩៥ វិនាទី

លោក Hiroo Tanaka ជនជាតិជប៉ុន បានយកឈ្នះជើងឯកពិភពលោក World Masters Athletics 2023 ការប្រណាំងរត់ចម្ងាយ ៦០ ម៉ែត្រ សម្រាប់ក្រុមអាយុជាង ៩០ ឆ្នាំ។

ក្នុងការប្រកួតវគ្គផ្តាច់ព្រ័ត្រនៅទីក្រុង Torun (ប្រទេសប៉ូឡូញ) កាលពីថ្ងៃទី ២៩ ខែមីនាកន្លងទៅនេះ លោក Tanaka រត់​ដល់​ទី​មុន​​​គេ​​ដោយ​ប្រើថិរវេលា ១០,៩៥ វិនាទី។ សមិទ្ធិផលរបស់លោក Tanaka ដែលមកពី​ប្រទេស​ជប៉ុនខុស​គ្នាត្រឹម ៤ វិនាទីប៉ុណ្ណោះ បើ​ធៀប​ទៅ​នឹង​កំណត់​ត្រា ១០,៩១ វិនាទីក្នុងឆ្នាំ ២០០២ របស់អត្តពលិកជន​ជាតិ​អុីតាលី​ឈ្មោះ Vittorio Colo ។

លោក Hiroo Tanaka ចូលរួមកីឡាកាលគាត់អាយុជាង ៦០ ឆ្នាំ។ រូបភាព៖ GI

លោក Tanaka បានបង្ហាញពីសមត្ថភាពបង្កើនល្បឿនដែលគួរឱ្យចាប់អារម្មណ៍។ អត្តពលិកវ័យ ៩២ ឆ្នាំរត់ឆ្ងាយជាង​គូ​ប្រកួត ១៥ ម៉ែត្រ។ ប្រទេសម្ចាស់ផ្ទះប៉ូឡូញ Wierzchowski ឈ្នះមេដាយប្រាក់ក្នុងថិរវេលា ១៣,៤១ វិនាទី ខណៈ​​ដែល​អ្នក​រត់​ប្រណាំង​ជន​ជាតិក្រិក Chatziemmanouil ឈ្នះមេដាយសំរឹទ្ធក្នុងថិរវេលា ១៣,៤៩ វិនាទី។

លោក Tanaka ជាគ្រូបង្រៀនបឋមសិក្សាចូលនិវត្តន៍ គាត់ធំឡើងនៅទីក្រុង Aomori ប្រទេសជប៉ុន។ គាត់មានជំនាញខាងកីឡាដូចជា រត់ម៉ារ៉ាតុង ឡើងភ្នំ ជិះស្គី និងហែលទឹក។ លោក Tanaka ចាប់ផ្តើមចូលរួមការប្រកួតកីឡាអត្តពលកម្មកាល​អាយុ ៦០ ឆ្នាំ។

នៅឆ្នាំ ២០១៧ លោក Hiroo Tanaka បានបង្កើតកំណត់ត្រាចំនួនពីរ ដោយរត់ចម្ងាយ ៦០ ម៉ែត្រ និង ២០០ ម៉ែត្រ ក្នុង​ការ​ប្រកួត​កីឡា​​​ពិភព​លោក World Masters Athletics នៅ Daegu ប្រទេសកូរ៉េខាងត្បូង សម្រាប់​អត្តពលិកដែលមានអាយុពី ៨០ ទៅ ៩០ ឆ្នាំ។ មួយឆ្នាំក្រោយមក គាត់បានឈ្នះមេដាយមាសដែលមានចម្ងាយ ១០០ ម៉ែត្រ​​ក្នុង​​ព្រឹត្តិ​ការណ៍ World Masters Athletics នៅ Malaga (អេស្ប៉ាញ)។

ប្រភព៖ Skydoor