ករណីលិចទូកទេសចរណ៍នៅ Kyoto មនុស្សម្នាក់បាត់បង់ជីវិត

ថ្ងៃព្រហស្បតិ៍ 30/03/2023 | 11:00 ព្រឹក

ករណីទូកទេសចរណ៍ដឹកអ្នកដំណើរ ២៩ នាក់បានក្រឡាប់នៅទន្លេមួយក្នុងខេត្ត Kyoto ភាគខាងលិចប្រទេសជប៉ុន ដែលបណ្តាលអោយសមាជិកនាវិកម្នាក់ស្លាប់ និងម្នាក់បាត់ខ្លួន។

ប៉ូលិស និងភ្នាក់ងារពន្លត់អគ្គិភ័យបានអោយដឹងថា សរុបអ្នកដំណើរចំនួន ២៥ នាក់ត្រូវបានជួយសង្គ្រោះ បន្ទាប់ពីទូកបានក្រឡាប់ពេលកំពុងធ្វើដំណើរតាមដងទន្លេ Hozu ទីក្រុង Kameoka កាលពីថ្ងៃអង្គារ។

ក្រុមមន្ត្រីបាននិយាយថា សមាជិកនាវិកម្នាក់ក្នុងចំណោមនាវិកទាំង ៤ នាក់ លោក Tanaka Saburo អាយុ ៥១ ឆ្នាំបានបាត់បង់ជីវិត និងមនុស្សម្នាក់ទៀតវ័យ ៤០ ឆ្នាំត្រូវបានបាត់ខ្លួន។

ពួកគេនិយាយថា អ្នកដំណើរស្រីដែលមានអាយុពី ១៣ ដល់ ៥៤ ឆ្នាំត្រូវបានបញ្ជូនទៅមន្ទីរពេទ្យ ដោយសាររងរបួសស្រាល និងស្ថានភាពដូចជាចុះកម្តៅកម្រិតស្រាល។

ក្រុមហ៊ុនប្រតិបត្តិការទូកបានអោយដឹងថា នៅលើទូកសរុបមានមនុស្សចំនួន ២៩ នាក់ ក្នុងនោះមានក្មេង ៣ នាក់ បានធ្លាក់ចូលទន្លេពេលទូកក្រឡាប់។

ការជិះទូកកំសាន្តមើលទេសភាពបែបនេះនិយមខ្លាំងណាស់ ក្រុមនាវិកចែវទូក និងប្រើឫស្សីសម្រាប់កាច់ចង្កូតតាមដងទន្លេ។

ក្រុមហ៊ុនបានអោយដឹងថា ប្រហែល ១៥ នាទីបន្ទាប់ពីចេញដំណើរ ទូកបុកផ្ទាំងថ្មមួយ ហើយក្រឡាប់ដោយសារកំហុសរបស់នាវិកម្នាក់។

ប្រភព៖ NHK