ជប៉ុននាំមុខតា​រាង​អាកាស​យានដ្ឋាន​ដែល​មាន​អនាម័យ​​បំផុត​​លើ​​ពិភព​​លោក​ឆ្នាំ ២០២៣

ក្នុងចំណោម TOP 10 អាកាសយានដ្ឋានដែលមានអនាម័យជាងគេលើពិភពលោក ជប៉ុនមាន ៣ ប្រលាន​គឺ Haneda, Centrai Nagoya និង Narita ។

រូបភាព៖ Wiki

យោងតាម Skytrax ដែលជាអង្គភាពវាយតម្លៃ និងចាត់ចំណាត់ថ្នាក់អាកាសយានដ្ឋាន ក្រុមហ៊ុនអាកាសចរណ៍មាន​មូល​ដ្ឋាន​នៅ London កាលពីថ្ងៃទី ១៥ ខែមីនាបានប្រកាសបញ្ជីអាកាសយានដ្ឋានដែលមានអនាម័យជាងគេលើពិភពលោក ចំពោះរង្វាន់ The World’s Best Airports ។ បន្ទាប់​ពី​កើត​មាន​ជំងឺ​រាត​ត្បាត ស្តង់ដារអនាម័យអាកាស​​យាន​​ដ្ឋាន​​កាន់​​តែ​​មាន​​សារៈ​​សំខាន់​ចំពោះ​អ្នក​ដំណើរ នេះ​បើ​តាម Skytrax ។ អាកាសយានដ្ឋានទាំង ១០ ដែល​បាន​បំពេញ និងបន្តស្តង់ដារអនាម័យខ្ពស់បំផុត តាមរយៈការវាយតម្លៃពីអ្នកដំណើរ និងអ្នកជំនាញមកពី ១០០ ប្រទេស។

ចំណាត់​ថ្នាក់​ដំបូង​គេ​គឺ Tokyo Haneda (ជប៉ុន) ដែល​ជាប់​ចំណាត់​ថ្នាក់​នេះ ៣ ឆ្នាំជាប់ៗគ្នា។ ក្រៅពីនេះ Tokyo Haneda ក៏មានក្នុង TOP 10 អាកាសយានដ្ឋាន​ដែលល្អបំផុតផងដែរ។ អាកាសយានដ្ឋានក្នុងស្រុក និងជាកន្លែងដែលមានគ្រឿងបរិក្ខារផ្តល់​ភាព​ងាយ​ស្រួល បម្រើ​ជន​ពិការ​ល្អ​ជាង​គេ​លើ​ពិភព​លោក។ 

រូបភាព៖ TBC

Singapore Changi ជាប់ចំណាត់ថ្នាក់លេខ ២ ។ តំណាងប្រទេសសិង្ហបុរីជាឈ្មោះដែលតែងតែជាប់ក្នុងចំណាត់ថ្នាក់អាកាស​ចរណ៍​អន្តរ​ជាតិ។ មិន​ត្រឹម​​តែ​ប៉ុណ្ណឹង អាកាសយានដ្ឋានដែលល្អបំផុតលើពិភពលោកក្នុងឆ្នាំនេះបានទៅលើ Changi ។

រូបភាព៖ HOK

Doha Hamad ជាប់ចំណាត់ថ្នាក់លេខ ២ អាកាសយានដ្ឋានដែលល្អជាងគេលើពិភពលោកនៅឆ្នាំ ២០២៣ និងជាប់​លេខ ៣ ក្នុង Top ព្រលាន​យន្ត​ហោះ​ដែលមានអនាម័យបំផុត។ តំណាងមកពី Qatar ថែមទាំងផ្តល់សេវាកម្មជាច្រើន​សម្រាប់​អ្នក​ដំណើរ​ដែល​ឆ្លង​​កាត់់ ក្នុង​​នោះ​​មាន​ដំណើរ​ទេស​ចរណ៍​ក្នុង​ទីក្រុង។

រូបភាព៖ Aichi Now

Centrair Nagoya ជាប់ចំណាត់ថ្នាក់លេខ ៤ ។ អាកាសយានដ្ឋានជប៉ុនដែលស្ថិតនៅលើកោះសិប្បនិមិត្តឈូងសមុទ្រ Ise ខេត្ត Aichi ។ នៅ​ទី​នេះ​ថែម​ទាំង​ជាប់ចំណាត់ថ្នាក់អាកាសយានដ្ឋានក្នុងតំបន់ដែលល្អបំផុតលើពិភពលោក (៩ ឆ្នាំ​ជាប់ៗ​គ្នា) និង​អាសុី (១៣ ឆ្នាំ​ជាប់ៗ​គ្នា) ។

រូបភាព៖ Wiki

Tokyo Narita អាកាសយានដ្ឋានដែលស្ថិតនៅទីក្រុង Chiba ជាប់ចំណាត់ថ្នាក់លេខ ៥ និង​ជា​តំណាង​ទី ៣ មក​ពី​ប្រទេស​ជប៉ុន​ដែល​បង្ហាញ​ខ្លួនក្នុងតារាងចំណាត់ថ្នាក់។ នៅទីនេះក៏មានវត្តមានក្នុង Top 10 ​ព្រលាន​យន្តហោះ​ដែល​​ល្អ​​ជាង​គេ​លើ​ពិភព​លោក​ផងដែរ។

រូបភាព៖ Best Asia

អាកាសយានដ្ឋានអន្តរជាតិហុងកុងជាតំណាងតែមួយគត់មកពីប្រទេសចិន។ នៅទីនេះ​ត្រូវ​បានគេហៅថា Check Lap Kok និង​ជា​អាកាស​យាន​ដ្ឋាន​ស៊ីវិល​ផ្លូវ​ការ ក៏ដូចជាតំបន់រដ្ឋបាលពិសេសហុងកុង។ ជាច្រក​ទ្វារ​ចម្បង​ទៅ​កាន់​​អាស៊ីបូព៌ា និងអាស៊ីអាគ្នេយ៍លើពិភពលោក​ផង​ដែរ។

រូបភាព៖ Retail in Asia

Seoul Incheon ស្ថិតនៅចម្ងាយប្រហែល ៧០ គីឡូម៉ែត្រពីរដ្ឋធានីសេអ៊ូល ជាប់ចំណាត់ថ្នាក់លេខ ៧ ។ ជាអាកាស​យាន​ដ្ឋាន​​ធំ​ជាង​គេ​នៅប្រទេសកូរ៉េ ហើយក៏មានវត្តមានក្នុងចំណាត់ថ្នាក់កន្លែងដែលមានក្រុមបុគ្គលិកទទួល​បាន​​ការ​វាយ​តម្លៃខ្ពស់។

រូបភាព៖ Arch Daily

Helsinki-Vantaa ជាតំណាងមកពីប្រទេសដែលមានសុភមង្គលជាងគេលើពិភពលោកឆ្នាំ ២០២៣ ហ្វាំងឡង់ជាប់ចំណាត់​ថ្នាក់​លេខ ៨ ។ នៅកន្លែងនេះឆ្ងាយពីទីប្រជុំជនក្រុង Helsinki ប្រហែល ២០ គីឡូម៉ែត្រ ដោយទទួលអ្នកដំណើរ​​ប្រមាណ ១៦ លាននាក់ក្នុងមួយឆ្នាំ នេះបើតាម Tripadvisor ។ ហើយក៏ជាព្រលានយន្តហោះដែលមានអ្នកដំណើរ​ច្រើន​បំផុត និង​ទី ៤ នៅអឺរ៉ុបខាងជើង។

រូបភាព៖ Gets by bus

Zurich ដែលជាអាកាសយានដ្ឋានមកពី Kloten ប្រទេសស្វីសជាប់ចំណាត់ថ្នាក់លេខ ៩ ។ នៅទីនេះក៏មានវត្តមានក្នុង Top អាកាស​យាន​​ដ្ឋាន​​ដែល​ល្អ​បំផុត និងមានដំណើរការពិនិត្យសុវត្ថិភាពឈានមុខគេលើពិភពលោក។

រូបភាព៖ Onion

អាកាសយានដ្ឋាន Copenhagen ជាតំណាងចុងក្រោយក្នុងចំណាត់ថ្នាក់។ ទីនេះមិនត្រឹមតែទទួលអ្នកដំណើរដែល​មក និងចេញដំណើរ​នៅ​ប្រទេស​ដាណឺម៉ាក​ប៉ុណ្ណោះ​ទេ ថែមទាំងបម្រើភ្ញៀវមកពីតំបន់ភាគខាងត្បូងនៃប្រទេស​ស៊ុយ​អែត​ផង​ដែរ។ មុនពេលជំងឺរាតត្បាតកើតឡើង Copenhagen ទទួលអ្នកដំណើរជាង ៣០ លាននាក់ក្នុងមួយឆ្នាំ។ ជា​អាកាស​យាន​ដ្ឋាន​អន្តរ​ជាតិចំណាស់ជាងគេនៅអឺរ៉ុប និងមមាញឹកបំផុតទី ៤ នៅអឺរ៉ុបខាងជើង។

ប្រភព៖ Skytrax