តារាម៉ូដែលស្រី Jessica Michibata ត្រូវចាប់ខ្លួននៅជប៉ុនដោយសារជាប់ពាក់ព័ន្ធនឹងករណី

ថ្ងៃអង្គារ 21/03/2023 | 12:00 ល្ងាច

យោងតាម Japan Times នៅថ្ងៃទី ២១ ខែមីនាបានអោយដឹងថា តារាម៉ូដែលស្រី Jessica Michibata និងបុរសជនបរទេសអាយុ ៤០ ឆ្នាំ ត្រូវប៉ូលិសជប៉ុនចាប់ខ្លួននៅសណ្ឋាគារក្នុងទីក្រុងតូក្យូ។ ពួកគេត្រូវសង្ស័យថាដឹកជញ្ជូន និងផ្ទុកសារធាតុហាមឃាត់។

NHK Japan បានអោយដឹង គយបានរកឃើញបរិមាណសារធាតុញៀនក្នុងអីវ៉ាន់ ដែលដឹកជញ្ជូនពីបរទេសទៅកាន់ប្រទេសជប៉ុន។ ព័ត៌មាន និងអាសយដ្ឋានអ្នកទទួលសុទ្ធតែជារបស់ Jessica Michibata និងបុរសអាយុ ៤០ ឆ្នាំនោះ។ តាមរយៈការស៊ើបអង្កេត Jessica Michibata និងបុរសរូបនោះមានទំនាក់ទំនងស្នេហា។

នៅប៉ុស្តិ៍ប៉ូលិស Jessica Michibata បានបដិសេធមិនជាប់ពាក់ព័ន្ធនឹងករណីដឹកជញ្ជូនសារធាតុហាមឃាត់ខាងលើទេ។ បច្ចុប្បន្នតារាម៉ូដែលស្រីរូបនេះត្រូវឃាត់ខ្លួនដើម្បីស៊ើបអង្កេតបណ្តោះអាសន្ន។

Jessica Michibata កើតនៅឆ្នាំ ១៩៨៤ ជាតារាម៉ូដែលកូនកាត់ដ៏ល្បីឈ្មោះនៅជប៉ុន។ ម្តាយនាងជាជនជាតិជប៉ុន និងឪពុកជាជនជាតិអាហ្សង់ទីន សញ្ជាតិអេស្ប៉ាញ និងអុីតាលី។

រូបភាព៖ Yahoo Japan

បើតាមគេហទំព័រ Yahoo Japan រឿងស្នេហារបស់កញ្ញា Jessica Michibata ទាក់ទាញជាជាងអាជីពតារាបង្ហាញម៉ូតទៅទៀត។ កញ្ញាធ្លាប់រៀបការជាមួយនឹង Jenson Button ដែលជាអ្នកប្រណាំង F1 លំដាប់ពិភពលោកនៅចុងឆ្នាំ ២០១៤ ។ ក្រោយពេលនៅជាមួយគ្នាបាន ១ ឆ្នាំ ពួកគេទាំងពីរបានលែងលះគ្នា។

បន្ទាប់ពីបែកនឹង Jenson Button តារាម៉ូដែលស្រីមានទំនាក់ទំនង និងសម្រាលកូនរបស់លោក Ken Kao ដែលជាផលិតករភាពយន្តហូលីវូដ។ កាលពីដើមឆ្នាំនេះ ស្នេហារវាងពួកគេត្រូវបានបញ្ចប់នៅពេលដែល Jessica Michibata បានលុបរូបថតគ្រួសារជាមួយនឹងលោក Ken Kao ទាំងអស់លើគេហទំព័រផ្ទាល់ខ្លួន។

ប្រភព៖ Skydoor