កាន់តែមានភាពងាយស្រួលសម្រាប់អ្នកចង់ទៅលេងជប៉ុន ក្រោយជប៉ុនអនុញ្ញាតអោយភ្ញៀវទេសចរណ៍កម្ពុជាប្រើទិដ្ឋាការអេឡិចត្រូនិច

ដើម្បីផ្តល់ភាពងាយស្រួល រដ្ឋាភិបាលជប៉ុននឹងដាក់ឱ្យប្រើប្រាស់ប្រព័ន្ឋទិដ្ឋាការអេឡិចត្រូនិច សម្រាប់ភ្ញៀវទេស​ចរណ៍​កម្ពុជា​​ដែល​​ធ្វើ​​ដំណើរ​​ទៅ​ទស្សនា​ប្រទេស​​ជប៉ុន​​ក្នុង​​រយៈ​​ពេល​មិន​លើស​ពី ៩០ ថ្ងៃ។

កាលពីថ្ងៃទី ១៧ ខែមីនា ឆ្នាំ ២០២៣ កន្លងទៅនេះ យោងតាមក្រសួងទេសចរណ៍ បានជូនដំណឹងអំពីការដាក់ឱ្យប្រើ​ប្រាស់​នូវ​ទិដ្ឋាការ​អេឡិច​ត្រូនិច​របស់​ជប៉ុន​សម្រាប់​ភ្ញៀវ​ទេស​ចរណ៍​កម្ពុជា ដែលមានបំណងធ្វើដំណើរកម្សាន្តទៅប្រទេស​​​ជប៉ុន​​ក្នុង​​រយៈ​ពេល ៩០ ថ្ងៃ។

ក្នុងនោះដែរ យោងតាមលិខិតលេខ ១១១ AJ/Con ចុះថ្ងៃទី ២០ ខែកុម្ភៈ ឆ្នាំ ២០២៣ របស់ស្ថានទូតជប៉ុនប្រចាំនៅកម្ពុជា និងដីកាបញ្ជូនលេខ៤៥៦ កបទ.សអ/ច្បក៦ ចុះថ្ងៃទី ៦ ខែមីនា ឆ្នាំ ២០២៣ របស់ក្រសួងការបរទេស និង​សហ​ប្រតិបត្តិ​ការ​អន្តរ​ជាតិ​នៃ​ព្រះរាជាណាចក្រ​កម្ពុជា និងតាមរយៈ​កិច្ច​សហ​ប្រតិបត្តិ​ការ​ក្នុងភាពជាដៃគូ យុទ្ឋសាស្ត្រ​គ្រប់​ជ្រុង​ជ្រោយ​រវាង​កម្ពុជា-ជប៉ុន ក្រសួង​ទេស​ចរណ៍​មានកិត្តិយស សូម​ជម្រាប​ជូន​សមាគម ទេស​ចរណ៍ ផ្នែក​ឯក​ជន ស្ថាប័ន​ពាក់​ព័ន្ឋ និងសាធារណជនទូទៅឱ្យបានជ្រាបថា ចាប់ពីថ្ងៃទី ២៧ ខែមីនា ឆ្នាំ២០២៣ រដ្ឋាភិបាល​ជប៉ុន នឹងដាក់ឱ្យប្រើប្រាស់ប្រព័ន្ឋទិដ្ឋាការអេឡិចត្រូនិច (JAPAN E-VISA System) សម្រាប់ភ្ញៀវទេសចរកម្ពុជាដែលធ្វើដំណើរទៅទស្សនាប្រទេសជប៉ុនក្នុងរយៈពេលមិនលើសពី ៩០ ថ្ងៃ។

ប្រភព៖ khmerload