នៅជប៉ុន “ការអប់រំផ្លូវភេទ” ត្រូវ​​បាន​​គេ​​ចាត់​ទុក​ថា​ដើរ​យឺត​ជាង​ពិភព​លោក

កាលពីសប្តាហ៍មុន សាលាមធ្យមសិក្សា Ebara នៅទីក្រុង Nichinan បានរៀបចំការបង្រៀនស្តីអំពី “ការអប់រំភេទ” ។ នៅ​សាលា​ថ្នាក់​បង្រៀន​ដូច​នេះ​ត្រូវបានរៀបចំឡើងបីដងក្នុងមួយឆ្នាំសម្រាប់សិស្សចាប់ពីថ្នាក់ទី ៧ ដល់ទី ៩ ។

នៅជប៉ុន “ការអប់រំភេទ” ត្រូវបានគេចាត់ទុកថាដើរយឺតជាងពិភពលោក។ នៅតាមសាលាសព្វថ្ងៃនេះមានទំនោរ​ជៀស​វាង​ការ​បង្រៀន​ស្តី​អំពី “ការ​រួម​ភេទ” ។

ជាមួយនឹងបទពិសោធក្នុងនាមជាឆ្មប និងគិលានុបដ្ឋាយិការបស់ខ្លួន អ្នកស្រី Mizuno Yayoi តែងតែរៀបចំសិក្ខា​សាលា​អប់រំ​ផ្លូវ​ភេទ​នៅ​ទីក្រុង Nobeoka ។

គាត់ចង់ផ្តោតសំខាន់ចំពោះការសន្ទនាវិជ្ជមាននិយាយពីយេនឌ័ររវាងឪពុកម្តាយ និងកូនក្នុងជីវិតប្រចាំថ្ងៃ។ នេះជា​វិធី​មួយ​ដែល​កុមារៗ​អាច​យល់​ពី​រាង​កាយ​របស់​ស្រ្តី​ដូច​ជា “ស្ត្រីមានរដូវ” ជាជាងលាក់បាំង។

អ្នកស្រី Mizuno ក៏តែងតែទទួលបានសំណួរពីឪពុកម្តាយដូចជា៖ “ពិតជាពិបាកនិយាយជាមួយកុមារស្តីអំពីបញ្ហារួម​ភេទ” ។ ក្នុង​ករណី​នេះ គាត់ណែនាំឪពុកម្តាយឱ្យប្រើសៀវភៅជាមធ្យោបាយដ៏ល្អបំផុត។ ឧទាហរណ៍ដូចជាសៀវ​ភៅ “រឿង​​របស់​ខ្ញុំ” ដោយ​អ្នក​និពន្ធ Shizuko Wakayama ។

រូបភាពតំណាងត្រូវបានលើកឡើងណែនាំកុមារអោយយល់អំពីដំណាក់កាលមានផ្ទៃពោះរហូតដល់​ពេល​សម្រាលកូន។ តាម​​រយៈ​​រូប​ភាព​​តំណាង​​ជាក់​​ស្តែង សៀវភៅអាចជំនួសឪពុកម្តាយពន្យល់ និងបង្រៀនកុមារស្តីពីការអប់រំ​ភេទ។

អ្នកស្រី Mizuno យល់ថា ការដែលមនុស្សធំអនុញ្ញាតអោយកុមារយល់ ហើយ​ប្រឈម​នឹង​បញ្ហារួម​ភេទជាគន្លឹះកាត់​បន្ថយ​ករណី​ដូច​ជា​មាន​ផ្ទៃ​ពោះ​ដោយមិនដឹងមុន។ ក្រៅពីនេះ មិនត្រឹមតែអប់រំអំពីភេទ យើងក៏រួមបញ្ចូលការអប់​រំ​អំ​ពី​របៀប​រស់​នៅ​សម្រាប់​កុមារ​ផង​ដែរ។

សាស្ត្រាចារ្យ Tsuruta Kurumi ផ្នែកគិលានុបដ្ឋាយិកានៃសាកលវិទ្យាល័យ Miyazaki បាននិយាយថា៖ “ការអប់រំផ្លូវ​ភេទ​អាច​​ជួយ​​ឱ្យ​​យុវជន​រៀន​ស្រឡាញ់​ខ្លួន​ឯង គិតដល់អ្នកដទៃ និងបង្កើតទំនាក់ទំនងល្អក្នុងជីវិតរបស់ខ្លួន” ។

ប្រភព៖ TBS News

hinhin

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: