កង្វះស្បៀងអាហារលើពិភពលោក តើជប៉ុនត្រូវបរិភោគ “សត្វល្អិត” នាពេលអនាគតមែនទេ?

ថ្ងៃចន្ទ 13/03/2023 | 10:56 ព្រឹក

ចំនួនប្រជាជននៅលើពិភពលោកមានទំនោរកើនឡើង ទន្ទឹមនឹងនេះ បញ្ហាកង្វះស្បៀងអាហារដោយសារអាកាសធាតុប្រែប្រួលខុសធម្មតា។ អាចនិយាយបានថា ស្ថានភាពខ្វះខាតស្បៀងអាហារអាចនឹងកើតឡើងនាពេលខាងមុខ។ ហើយក៏មានមនុស្សជាច្រើនគិតថា នៅសម័យកាលខាងមុខមនុស្សគ្រប់គ្នាត្រូវហូប “សត្វល្អិត” ដើម្បីរស់។

នៅប្រទេសជប៉ុនមិនមានវប្បធម៌បរិភោគសត្វល្អិតនោះទេ ដូច្នេះបានជាមានការប្រឆាំងយ៉ាងខ្លាំងចំពោះគំនិតនេះ។ ចាប់ពីខែធ្នូ ឆ្នាំ ២០២០ ក្រុមហ៊ុននំប៉័ងធំដែលមានឈ្មោះថា Shiki Shima បានសាកល្បងការលក់នំបុ័ងគ្រប់ប្រភេទ និងនំចំណីដែលផលិតដោយម្សៅចង្រិតតាមអនឡាញ។

មានមតិជាច្រើននិយាយថា៖ គ្មាននរណាម្នាក់ចង់ទិញអាហារដែលផលិតចេញពីម្សៅសត្វល្អិតនោះទេ ឬគ្រាន់តែគិតដល់នំប៉័ងមានចង្រិតនៅខាងក្នុងគួរឱ្យខ្ពើមទៅហើយ ។ល។ សម្តីត្អូញត្អែរទាំងនេះកាន់តែច្រើនឡើង ការទូរស័ព្ទហៅចូលចង់លុបបំបាត់ផលិតផលរបស់ក្រុមហ៊ុន។

ក្រុមហ៊ុនក៏បានបញ្ជាក់ផងដែរថា នេះគ្រាន់តែជាការសាកល្បងប៉ុណ្ណោះ ហើយដោយសារតែពួកគេជាក្រុមហ៊ុនធំ ដូច្នេះពួកគេប្រាកដជាមិនធ្វើដោយខ្វះការប្រុងប្រយ័ត្នឡើយ។ ខ្សែសង្វាក់ផលិតកម្មរហូតដល់បុគ្គលិកត្រូវបានរៀបចំអោយនៅអគារដាច់ដោយឡែក ដូច្នេះផលិតផលធម្មតាមិនលាយឡំជាមួយម្សៅចង្រិតបានទេ។

យ៉ាងណាមិញ មុននឹងសម័យកាលបរិភោគសត្វល្អិតកើតឡើង ជប៉ុនអាចបញ្ឈប់បានទាំងស្រុង។ ឧទាហរណ៍ដូចជា៖

ប្រើប្រាស់វាលស្រែដែលមិនទាន់ភ្ជួរ

ផ្ទៃដីកសិកម្មនៅប្រទេសជប៉ុនកំពុងថយចុះជារៀងរាល់ឆ្នាំ ហើយបច្ចុប្បន្នសល់ប្រមាណ ៤,៥ លានហិកតាប៉ុណ្ណោះ។ ក្នុងចំណោមនោះ ដីកសិកម្មប្រមាណ ៣០ ម៉ឺនហិកតាដែលមិនទាន់ត្រូវបានប្រើ។ ជប៉ុនអាចបង្កើនទិន្នផលកសិកម្មប្រហែល ១០% ប្រសិនបើពួកគេប្រើប្រាស់ដីនេះឱ្យបានល្អ។

ប្រើកាកសំណល់តៅហ៊ូឡើងវិញ

ក្រៅពីនេះ នៅពេលផលិតតៅហ៊ូនឹងបន្សល់កាកសំណល់ដែលគេហៅថា Okara ក្នុងភាសាជប៉ុន។ យោងតាមស្ថិតិ ជារៀងរាល់ឆ្នាំ កាកសំណល់សណ្ដែកប្រមាណ ៧០ ម៉ឺនតោនត្រូវគេបោះចោល។ ប្រសិនបើយើងរកឃើញវិធីណាមួយសម្រាប់កែច្នៃ ប្រហែលជាផលិតបាននូវមុខម្ហូបឆ្ងាញ់មែនទេ?

ទោះជាយ៉ាងណា ជប៉ុនកំពុងប្រើប្រាស់សំណល់សណ្តែក Okara ប្រមាណ ១% ប៉ុណ្ណោះ ចំនួនដែលនៅសល់ត្រូវគេបោះចោល។ ក្រៅពីនេះ នៅជប៉ុនមានប្រភេទអាហារជាច្រើនកំពុងត្រូវគេខ្ជះខ្ជាយជារៀងរាល់ថ្ងៃ។

យើងធ្លាប់គិតដល់ការកែច្នៃក្រដាស ឬប្លាស្ទិក ហេតុអ្វីបានជាយើងមិនគិតដល់ការកែច្នៃអាហារឡើង ដើម្បីកាត់បន្ថយបន្ទុកកង្វះស្បៀងអាហារលើពិភពលោកនាសព្វថ្ងៃនេះ?

ប្រសិនបើជនជាតិជប៉ុនមិនចូលចិត្តអាហារដែលផលិតពីសត្វល្អិត ដូច្នេះប្រហែលជាពួកគេត្រូវគិត និងរកមធ្យោបាយដោះស្រាយវិបត្តិស្បៀងអាហារចាប់ពីឥឡូវនេះទៅ។

Kengo Abe