វប្បធម៌នៃ “ពិធីស្រង់ក្លិន” របស់​​ជប៉ុន​​ដែល​​អ្នក​​ប្រហែល​​ជា​​មិន​​ទាន់​​ដឹង

ធូបក្រអូបភាគច្រើនផលិតដោយគ្រឿងក្រអូបដែលមានប្រភពមកពីរុក្ខជាតិលាយបញ្ចូលគ្នា។ ប្រហែលកាលពី ១៥០០ ឆ្នាំមុន វប្បធម៌ស្រង់ក្លិនក្រអូបនាំចូលពីជប៉ុនជាមួយនឹងព្រះពុទ្ធសាសនា។ នៅ​ពេល​នោះ​ គេអុជធូបដើម្បី​បន់​ស្រន់ និង​ធ្វើ​ឱ្យ​ជីវិត​របស់​ប្រជាជន Kyoto កាន់​តែមានភាពសម្បូរបែប។

“ពិធីស្រង់ក្លិន” គឺជាភាពរីករាយស្រង់​ក្លិនឈើក្រអូប និងវិវត្តន៍នៅ Kyoto ។ “ពិធីស្រង់ក្លិន” ប្រើខ្លឹមចាន់កាត់​ជា​បំណែក​តូចៗ​ដែល​មាន​ទំហំ​ប៉ុន​​គ្រាប់​អង្ករ។

មានមនុស្សជាច្រើនគិតថា ប្រសិនបើដាក់បំណែកឈើធំអាចនឹងក្រអូបជាង ប៉ុន្តែតាមពិតទៅបើចង់ចម្រាញ់​យក​ក្លិន​ក្រអូប​ចេញ​ពី​ឈើ យើងត្រូវកាត់ជាបំណែកតូចៗ។ ម្យ៉ាងវិញទៀត ខ្លឹមចាន់មានតម្លៃណាស់ និងមិនបានផលិត​នៅ​ក្នុង​ប្រទេស​ជប៉ុន​នោះ​ទេ ដូច្នេះគ្រប់គ្នាអោយតម្លៃពេលប្រើវាណាស់។

ខ្លឹមចាន់ជាគ្រឿងក្រអូបធម្មជាតិដែលចម្រាញ់ចេញពីរុក្ខជាតិបៃតងនៅបណ្តាប្រទេសអាស៊ីអាគ្នេយ៍។ នៅពេលដែល​ដើម​ឈើ​រង​របួស សារធាតុប្រេងក្នុងដើមឈើប្រមូលផ្តុំដើម្បីទប់ទល់នឹងការឆ្លងជំងឺពីខាងក្រៅ សារធាតុប្រេង​បង្កក​ប្រែ​ប្រួល ហើយក្លាយទៅជាខ្លឹមចាន់។

ធ្យូងក្តៅត្រូវបានគេដាក់នៅកណ្តាលចានផេះ បន្ទាប់មកគេប្រើ​ឧបករណ៍​បង្ហាប់​ផេះអោយទៅជារូបរាងកំពូលមួក ក្នុងគោលបំណងបង្កើតសីតុណ្ហភាព​ស័ក្ត​សម​សម្រាប់ឈើក្រអូប។ បន្ទាប់មកទៀត គេប្រើចង្កឹះដែកដើម្បីធ្វើអោយផ្ទៃខាងក្រៅស្អាត រួចដាក់ផ្ទាំងមីកាគែមដែកលើកំពូលចានផេះ។ ជាចុងក្រោយ ដាក់ខ្លឹមចាន់តូចៗលើផ្ទាំងមីកា ហើយស្រង់ក្លិនក្រអូប។

កាន់ចានក្រអូប ដោយប្រើដៃស្តាំបាំងជុំវិញគែម បន្ទាប់មកស្រូបចូល រួចដកដង្ហើមចេញទៅម្ខាង ធ្វើដូច្នេះ ៣ ដង។ ក្នុង “ពិធីស្រង់ក្លិន” គេមិនហៅថាហិតក្លិននោះទេ ប៉ុន្តែហៅថា “ស្រង់ក្លិន” ។ ផ្តោតលើក្លិនក្រអូប និងរីក​រាយ​ដោយ​អស់​ពី​ចិត្ត។ នៅពេលដែលអ្នកស្រង់ក្លិនដោយប្រើញ្ញាណទាំង ៥ ពិភពនៃភាពអត្មានិយមនឹងបើកបន្តិចម្តង​ៗ ហើយ​រំដោះ​អ្នក​ចេញ​ពី​ការ​ព្រួយ​បារម្ភ និងអំពើអាក្រក់។

ក្លិនក្រអូបនឹងប្រែប្រួលទៅតាមអាកាសធាតុ ក៏ដូចជាកត្តាជាច្រើនទៀត។ វាប្រើសម្រាប់បន្សុទ្ធបរិយាកាស និង​សម្អាត​​ខ្លួន​​ឯង ជាអ្វីដែលមិនអាចខ្វះបានក្នុងពិធី​ព្រះពុទ្ធសាសនាឡើយ។

កាលពីមុន វណ្ណៈអភិជនតែងតែលាយគ្រឿងក្រអូបដើម្បីបង្កើតជាក្លិនក្រអូបផ្ទាល់ខ្លួន។ ពួកគេប្រើក្លិនក្រអូបដែល​ផ្លាស់ប្តូរតាមរដូវដូចជាតំណាង​អោយ​ឋានៈ។ ពួកគេដាក់​ស៊ុម​នៅ​លើ​ថូ​អុជ​ក្លិន ហើយ​គ្រប​សម្លៀក​បំពាក់ពីលើអោយ​ក្រអូប។ ចំណែក​ស្រ្តី​ប្រើថង់ក្រអូបធ្វើអោយក្រអូបសក់ផងដែរ។

សព្វថ្ងៃនេះ នៅ Kyoto មានរបៀបស្រង់ក្លិនខុសៗគ្នា វាជួយបង្កើតទំនាក់ទំនងរវាងក្លិនក្រអូបជីវិតជាមួយនឹង​បេះ​របស់​ប្រជា​ជន Kyoto ។ ប្រសិនបើអ្នកមានឱកាសធ្វើដំណើរទៅកាន់ Kyoto អ្នករាល់គ្នាគួរតែសាកល្បងស្វែងយល់​អំពី “ពិធីស្រង់ក្លិន” នេះម្តង។

ប្រភព៖ NHK

JAPO