យោងតាមការស្ទង់មតិចំនួនសិស្សជប៉ុនធ្វើអត្តឃាតមាន ៥១២ ករណីក្នុងឆ្នាំ ២០២២

ថ្ងៃសៅរ៍ 04/03/2023 | 11:19 ព្រឹក

យោងតាមទិន្នន័យរបស់ក្រសួងអប់រំជប៉ុនក្នុងឆ្នាំ ២០២២ ករណីធ្វើអត្តឃាតក្នុងប្រទេសនេះមានចំនួន ៥១២ ករណី ដែលជាកម្រិតខ្ពស់បំផុតចាប់តាំងពីឆ្នាំ ១៩៨០ ។

រូបភាព៖ Unsplash

បើតាម Japan Times នៅឆ្នាំ ២០២២ ករណីសិស្សធ្វើអត្តឃាតកើន ៣៩ ករណីបើធៀបទៅនឹងឆ្នាំមុន។

ក្នុងចំណោមចំនួនសរុប ៥១២ ករណី មាន ១៧ នាក់ជាសិស្សបឋមសិក្សា ១៤៣ នាក់ជាសិស្សមធ្យមសិក្សា និង ៣៥២ នាក់ជាសិស្សវិទ្យាល័យ។ ចំពោះកម្រិតវិទ្យាល័យសិស្សប្រុសមានទំនោរធ្វើអត្តឃាតច្រើនជាង កើនឡើងពី ៣៨ ទៅ ២០៧ ករណី។ ភាគច្រើនករណីទាំងនេះកើតឡើងក្នុងខែមិថុនា (៦០ ករណី) ខែកញ្ញា (៥៧ ករណី) និងខែមីនា (៤៨ ករណី) ។

ទិន្នន័យខាងលើត្រូវបានសំយោគដោយទីភ្នាក់ងារនគរបាលជាតិ និងក្រសួងសុខាភិបាល ការងារ និងសុខុមាលភាពជប៉ុន។ ក្នុងនោះ ទិន្នន័យរបស់ក្រសួងសុខាភិបាលបង្ហាញថា ករណីធ្វើអត្តឃាតមានអាយុចាប់ពី ១៩ ឆ្នាំចុះក្រោម ភាគច្រើនទាក់ទងនឹងការព្រួយបារម្ភលទ្ធផលសិក្សាមិនល្អ កំណត់គោលដៅការងារមិនច្បាស់លាស់ និងសម្ពាធដោយសារការប្រឡងចូលសាកលវិទ្យាល័យ។

ក្នុងខែមីនាជាអំឡុងពេលដែលសិស្សានុសិស្សព្រួយបារម្ភអំពីពិន្ទុ និងគោលដៅការងារច្រើនបំផុត។ ដូច្នេះក្រសួងអប់រំជប៉ុនបានផ្ញើសេចក្តីជូនដំណឹង ដោយអំពាវនាវដល់ក្រុមប្រឹក្សាអប់រំនៅទូទាំងប្រទេសផ្តល់សេវាកម្មណែនាំអាជីពល្អបំផុតសម្រាប់សិស្ស និងកំណត់អត្តសញ្ញាណសិស្សដែលមានសញ្ញាតានតឹង។

ក្រៅពីនេះ ក្រសួងអប់រំក៏បានស្នើឱ្យសាលាវិទ្យាល័យរដ្ឋចូលរួមការស្ទង់មតិ ស្វែងយល់អំពីមធ្យោបាយដែលសាលាកំពុងអនុវត្តដើម្បីការពារករណីសិស្សធ្វើអត្តឃាត និងចាត់ចែងពេលហេតុការណ៍កើតឡើង។

ប្រភព៖ Japan Times