ប៉ូលិសបានសម្រេចចាប់ខ្លួននាយកអង្គការ NPO ពីបទជួញដូរសរីរាង្គមនុស្ស

ថ្ងៃសុក្រ 03/03/2023 | 11:11 ព្រឹក

នាយកដ្ឋានប៉ូលិសបានសម្រេចចាប់ខ្លួននាយកអង្គការ NPO (អង្គការមិនរកប្រាក់ចំណេញ) លោក Kikuchi Hitatsu អាយុ ៦២ ឆ្នាំ។ លោកត្រូវគេសង្ស័យថាបានរៀបចំការប្តូរថ្លើម និងក្រលៀនខុសច្បាប់សម្រាប់អ្នកជំងឺ ២ នាក់ដែលមានអាយុប្រហែល ៤០ ទៅ ៥០ នៅមន្ទីរពេទ្យនៅ Belarus ។

យោងតាមនាយកដ្ឋានប៉ូលិស បុរសប្តូរក្រលៀនបានចំណាយប្រហែល ១៨,៥ លានយ៉េនដល់អង្គការ NPO ដូចជាថ្លៃប្តូរក្រលៀន។ ប៉ុន្តែជាក់ស្តែង ការវះកាត់ដូចនេះធ្វើឡើងក្នុងតម្លៃត្រឹមតែ ៨ លានយ៉េនក្នុងស្រុកប៉ុណ្ណោះ។

ជនរងគ្រោះដែលប្តូរក្រលៀនបានសារភាពថា លោក Kikuchi ធ្លាប់ប្រាប់គាត់៖ “ទោះបីជាត្រូវគាស់អោយរហែកមាត់ ខ្ញុំមិនចង់អោយអ្នកនិយាយថាខ្លួនយកប្រាក់ទិញសរីរាង្គពីមនុស្សនៅរស់នោះទេ។ ប្រសិនបើអ្នកនិយាយដូច្នេះ អ្នកផ្ទាល់នឹងត្រូវអ្នករាល់គ្នាវាយប្រហារ ហើយជួបបញ្ហា។ ដូច្នេះ ចូរកំណត់សម្តីសារភាពទទួលសរីរាង្គពីមនុស្សដែលបានស្លាប់” ។

ប៉ូលិសបានអោយដឹងថា លោក Kikuchi ទទួលបានប្រាក់ចំណេញយ៉ាងច្រើនតាមរយៈការប្តូរសរីរាង្គខុសច្បាប់។ ហេតុការណ៍នេះកំពុងស្ថិតក្រោមការស៊ើបអង្កេតរបស់ប៉ូលិសនៅឡើយ។

ប្រភព៖ TBS news

JAPO