តុក្កតា Kokeshi ជានិមិត្តរូបតំណាងតំបន់ទេសចរណ៍ Naruko Onsen

ពេលរំលឹកដល់ជ្រោះទឹកក្តៅ Naruko Onsen ស្ថិតនៅទីក្រុង Osaki ខេត្ត Miyagi អ្នករាល់គ្នាប្រាកដជានៅចាំតុក្កតា Kokeshi ប្រៀប​ដូច​ជា​និមិត្ត​រូប​តំណាង​អោយ​ទីក្រុង​ទាំង​មូល។

ទូទូរស័ព្ទដែលមានរូបតំណាងក្បាលតុក្កតា Kokeshi

នៅ Naruko Onsen អ្នកនឹងឃើញតុក្កតា Kokeshi នៅគ្រប់ទីកន្លែងដូចជាតាមផ្លូវ ឬចិញ្ចើមផ្លូវជាដើម។ ទោះជាយ៉ាងណា នៅ Naruko Onsen ទិដ្ឋភាពទាំងនេះហាក់ដូចជាលែងឃើញទៀតហើយ។ កាលពីថ្ងៃទី ២៨ ខែកុម្ភៈ ទូទូរស័ព្ទ​ដែល​មាន​ក្បាល​តុក្កតា Kokeshi ត្រូវ​បាន​គេ​ដកចេញព្រោះវាចាស់ពេក។

ទូទូរស័ព្ទនេះមើលទៅគួរឱ្យស្រលាញ់ ថែមទាំងត្រូវបានគេចាត់ទុកជា “វត្ថុកម្រ” នៅជប៉ុនផងដែរ។ ព្រោះទីនេះធ្លាប់​ជា​កន្លែង​ថត​រូប​ដ៏​ល្បី​សម្រាប់​ភ្ញៀវ​ទេស​ចរណ៍ជា​ច្រើន​ឆ្នាំ​មក​ហើយ។

អារម្មណ៍សោកស្តាយមិនដាច់ចិត្តនឹងវត្ថុដែលធ្លាប់ជានិមិត្តសញ្ញាទេសចរណ៍របស់ទីក្រុងត្រូវគេដកចេញ ដោយ​សារ​តែ​វា​ចាស់​ពេក។

លោកស្រី Tanabe Kaori ដែលជាសមាជិកជួយស្តារសហគមន៍ក្នុងតំបន់បាននិយាយថា “មនុស្សជាច្រើនពឹងឱ្យខ្ញុំ​ថត​រូប​ទុក​ជា​វត្ថុ​អនុស្សាវរីយ៍ ការរុះរើទូទូរស័ព្ទធ្វើឱ្យពួកគេមានអារម្មណ៍សោកស្តាយណាស់” ។

លោកស្រី Kaori Tanabe បានបន្ថែមថា “ខ្ញុំសង្ឃឹមថា KoKeshi នៅតែជានិមិត្តរូបទេសចរណ៍សម្រាប់ភ្ញៀវដែលមកលេង Naruko នាពេលអនាគត។ ខ្ញុំ​គិត​ថា​ប្រអប់​សំបុត្រ​ពណ៌ក្រហម​ក្បែរនោះប្រាកដជាពិបាកចិត្តពេលបែក​ពី​មិត្ត​របស់​វា” ។

លោក Okazaki Yasuo ដែលជាសិល្បករធ្វើតុក្កតា Kokeshi នៅរោងផលិតទូទូរស័ព្ទអស់រយៈពេល ៥០ ឆ្នាំនិយាយថា “”ខ្ញុំ​មាន​អារម្មណ៍​ឯក​កោ​នៅ​ពេល​ដែល​ទូទូរស័ព្ទ​លែង​មាន​ទៀត។ ខ្ញុំគិតថាតុក្កតា Kokeshi បន្តនៅទីនេះ” ។

តើនរណាជាអ្នកដាក់ក្បាលតុក្កតា Kokeshi នៅលើទូទូរស័ព្ទនេះ? មិនដឹងថាមានអាថ៌កំបាំងអ្វីដែរទេ?

នេះបើតាមអាជ្ញាធរ​ក្រុង Osaki បានអោយដឹង “មិនដឹងតាំងពីពេលណា ឬអ្នកណាជាអ្នកដាក់បន្ថែមក្បាលតុក្កតា Kokeshi លើ​ទូ​ទូរស័ព្ទឡើយ។ ក្នុងរូបថតដែលត្រូវបានបោះពុម្ពលើទស្សនាវដ្តីនៅឆ្នាំ ១៩៧៧ គេមិនទាន់ឃើញមាន​តុក្កតា Kokeshi លើទូទូរស័ព្ទនោះទេ។ ទោះជាយ៉ាងណា តាំងពីឆ្នាំ ១៩៨៤ គេចាប់ផ្តើមឃើញតុក្កតា Kokeshi ដាក់​​លើ​​នោះ” ។

ទូទូរស័ព្ទរាង Kokeshi ចាប់ផ្តើមពេញនិយមចាប់ពីសម័យ Showa មកម្ល៉េះ។ បន្ទាប់ពីរុះរើទូទូរស័ព្ទ ទីក្រុងនឹងទទួលបន្តក្បាលតុក្កតា Kokeshi នេះ ហើយពិភាក្សាជាមួយសមាគមទេសចរណ៍មូលដ្ឋានចំពោះការប្រើប្រាស់។

ប្រភព៖ TBS News Dig

hinhin