និស្សិតជប៉ុនមួយរូបជះ​ទឹក​អាស៊ីត​មកលើមិត្តចាស់ដោយសារមូលហេតុ​

តុលាការ​ជប៉ុន​បាន​កាត់ទោស​ដាក់ពន្ធនាគារ​និស្សិត​ប្រុស​ម្នាក់ពី​បទ​ជះ​ទឹក​អាស៊ីត​ទៅលើមិត្តចាស់នៅស្ថានីយ៍រថភ្លើង​ក្រោម​ដី​ទីក្រុង​តូក្យូ។

យោងតាមការចោទប្រកាន់បានឱ្យដឹងថា នៅយប់ថ្ងៃទី ២៤ ខែសីហា ឆ្នាំ ២០២១ បុគ្គលឈ្មោះ Hirotaka Hanamori បាន​ជះ​ទឹកអាស៊ីត​មក​លើបុរសអាយុ ២២ ឆ្នាំម្នាក់ ខណៈដែលបុគ្គលរូបនេះកំពុងជិះជណ្តើរយន្តនៅស្ថានីយ៍រថភ្លើងក្រោមដី Shirokane-takanawa ទីក្រុង​តូក្យូ។ ​លទ្ធផលបណ្តាលឱ្យជនរងគ្រោះ​រលាក​មុខ និងរបួសភ្នែក​​​ទាំង​​សង​​ខាង​។

ប៉ូលិសស៊ើបអង្កេតនៅកន្លែងកើតហេតុ។ រូបភាព៖ Kyodo News

កាល​នោះ Hanamori ជា​និស្សិត​មហាវិទ្យាល័យ ត្រូវគេតាមចាប់ខ្លួនទូទាំងប្រទេសបន្ទាប់ពីបង្កហេតុ​។ ដំបូងឡើយ Hanamori ចាកចេញពី Tokyo ទៅនៅ Shizuoka ក្រោយមកហោះទៅដល់ Okinawa ។ នៅទីនោះ ត្រឹម​អំឡុងពេលប៉ុន្មានថ្ងៃ Hanamori ត្រូវចាប់ខ្លួន។ ក្នុងសវនាការដំបូងកាលពីខែកញ្ញា ឆ្នាំ ២០២២ Hanamori បានសារភាពកំហុស។

នៅតុលាការក្រុង​តូក្យូ កាល​ពី​ថ្ងៃ​ទី ​២៨ ខែ​កុម្ភៈ ចំពោះករណីរបស់ Hanamori  ព្រះរាជអាជ្ញាបានស្នើឱ្យជាប់ពន្ធនា​គារ​រយៈ​ពេល ៦ ឆ្នាំ។ ក្រុមមេធាវីការពារក្តីរបស់ Hanamori បានស្នើឱ្យចុងចោទទទួលការព្យួរទោស ដោយនិយាយ​ថា Hanamori សោក​ស្តាយ​យ៉ាង​ខ្លាំង​ចំពោះទង្វើរបស់ខ្លួន។

យោងតាមសេចក្តីសម្រេចរបស់ចៅក្រម Masaru Nomura ចុងចោទ Hanamori ធ្លាប់ត្រូវជន​រង​គ្រោះ​សើច​ចំអក ហើយ​ភ័យ​ខ្លាចបុគ្គលរូបនេះនឹងធ្វើបាបខ្លួន។ តាមបទពិសោធកន្លងមកបានធ្វើឱ្យ Hanamori យល់ថាខ្លួនកំពុង​ក្លាយជា​គោល​ដៅ​របស់​ជន​រង​គ្រោះ។ ចៅក្រមបានវិនិច្ឆ័យថា Hanamori រងផលប៉ះពាល់ដោយសារជំងឺអូទីសឹម និងបានរៀបចំគម្រោងវាយប្រហារ “ដោយការតាំងចិត្តខ្ពស់ និងរៀបចំហ្មត់ចត់” ។

ចុង​ចោទ​បាន​បង្ក​របួស​ដល់​បុគ្គលដែលធ្លាប់ចូលរួមក្នុងសាកលវិទ្យាល័យពីមុនរបស់ខ្លួន។ ក្រោយមក Hanamori ចូល​រៀន​នៅ​សកល​វិទ្យា​ល័យ​ផ្សេង នេះ​បើ​យោងតាមសារព័ត៌មាន Kyodo News ។

ប្រភព៖ Kyodo News