ក្រុមហ៊ុន Toyota គ្រោងនឹងផលិតរថយន្តអគ្គិសនីនៅសហរដ្ឋអាមេរិកក្នុងឆ្នាំ ២០២៥

ថ្ងៃពុធ 01/03/2023 | 10:26 ព្រឹក

ក្រុមហ៊ុន Toyota ជប៉ុន ត្រូវបានគេរំពឹងថានឹងចាប់ផ្តើមផលិតរថយន្តអគ្គិសនីនៅសហរដ្ឋអាមេរិកក្នុងឆ្នាំ ២០២៥ ដើម្បីឆ្លើយតបទៅនឹងការអភិវឌ្ឍទីផ្សាររថយន្តអគ្គិសនីលើពិភពលោក។

ដូច្នេះហើយ Toyota នឹងចាប់ផ្តើមផលិតរថយន្តអគ្គិសនីជាផ្លូវការនៅរោងចក្រមួយក្នុងរដ្ឋ Kentucky សហរដ្ឋអាមេរិក។ បច្ចុប្បន្នក្រុមហ៊ុនកំពុងវិនិយោគ ៤៦០ លានដុល្លារដើម្បីដំឡើងរោងចក្រនៅទីនោះ។

ក្រុមហ៊ុន Toyota ក៏មានគម្រោងផលិតថ្មដោយខ្លួនឯងផងដែរ ដើម្បីបង្កើនប្រសិទ្ធភាពនៃដំណើរការផលិត។ ជាមួយនឹងគោលដៅនេះ ក្រុមហ៊ុនកំពុងសាងសង់រោងចក្រនៅខាងជើង Carolina ហើយគ្រោងនឹងចាប់ផ្តើមដំណើរការនៅឆ្នាំ ២០២៥ ។

អ្នកដែលត្រៀមនឹងឡើងកាន់តំណែងជាអគ្គនាយកក្រុមហ៊ុនគឺលោក Sato Koji បានដាក់ចេញគម្រោងដើម្បីពន្លឿនការអភិវឌ្ឍយានយន្តអគ្គិសនីក្រោមគោលនយោបាយគ្រប់គ្រងថ្មី។

លោកក៏បានបង្ហាញពីបំណងបន្តយុទ្ធសាស្ត្រផ្សព្វផ្សាយប្រភេទយានយន្តខុសៗគ្នា ដូចជារថយន្តប្រើសាំង អគ្គិសនី និងដំណើរការដោយប្រេងឥន្ធនៈអាស្រ័យលើលក្ខខណ្ឌតំបន់នីមួយៗ។

បច្ចុប្បន្នសាធារណជនកំពុងតែចាប់អារម្មណ៍មិនដឹងថា ក្រុមហ៊ុន Toyota អាចទទួលបានជោគជ័យលើទីផ្សាររថយន្តអគ្គិសនីដ៏មមាញឹកនាពេលនេះដែរទេ។ ដូចទៅនឹងអ្វីដែលពួកគេធ្លាប់សម្រេចបានកាលមុន។

ប្រភព៖ NHK