សាហាវណាស់ ស្រ្តីមេម៉ាយម្នាក់ត្រូវគូស្នេហ៍​របស់​នាង​សម្លាប់​រួច​បំបែក​សាក​សព

សាកសពស្រ្តីមេម្តាយម្នាក់ត្រូវបានរកឃើញក្នុងផ្ទះគូស្នេហ៍របស់នាង ជាបុរសដែលមានគ្រួសារហើយ។

យោងតាម Straits Times ផ្នែករាងកាយរបស់ជនរងគ្រោះឈ្មោះ Ayumi Ito អាយុ ៣៣ ឆ្នាំ ត្រូវបានរកឃើញនៅ​លើ​យ៉រ​របស់​ជន​សង្ស័យ​ឈ្មោះ Yuki Tsuchiya អាយុ ៣១ ឆ្នាំ នៅទីក្រុង Numazu, Shizuoka (ភាគខាងត្បូងប្រទេស​ជប៉ុន) ក៏​​ដូច​​ជា​​ក្នុង​​ឡាន​​របស់​​ជន​​សង្ស័យ។

ប៉ូលិសបានចាប់ខ្លួន Yuki Tsuchiya នៅថ្ងៃទី ២៣ ខែកុម្ភៈ ចំណែកករណីឃាតកម្មនេះកើតឡើងកាលពីថ្ងៃទី ២១ ខែកុម្ភៈ។ ក្រោយ​មក ជន​សង្ស័យ Tsuchiya បាន​សារ​ភាព​ថា គាត់​បាន​បំបែក​សាកសពមិត្ត​ស្រី Ito ក្នុងផ្ទះរបស់ខ្លួន។

Yuki Tsuchiya អាយុ ៣១ ឆ្នាំ (ខាងឆ្វេង) និង Ayumi Ito អាយុ ៣៣ ឆ្នាំ (ខាងស្តាំ) ។ រូបភាព៖ Facebook

ស្ថានីយ៍ទូរទស្សន៍ NHK កាលពីថ្ងៃទី ២៧ ខែកុម្ភៈបានអោយដឹង ជនសង្ស័យ Tsuchiya បានសារភាពថា ខ្លួនវាយក្បាល​​របស់ Ito ដោយ​វត្ថុ​មួយ​ក្នុង​ឡាន បន្ទាប់មកបានបន្តរឹតកជនរងគ្រោះដោយ​ខ្សែ។

អ្នកជិតខាងបានស្តាប់ឮសំឡេងទង្គិចដែលគួរឱ្យសង្ស័យចេញពីផ្ទះរបស់ Tsuchiya នៅយប់ថ្ងៃទី ២០ ឬ ២១ ខែកុម្ភៈ។ ផ្ទះ​​នេះ​ជា​កន្លែង​ដែល Tsuchiya រស់នៅជាមួយភរិយា កូនតូចពីរនាក់ និងឪពុកចំណាស់។

ផ្ទះរបស់ជនសង្ស័យដែលប៉ូលិសរកឃើញបំណែករាងកាយ។ រូបភាព៖ NHK

ជនរងគ្រោះ Ito ជាស្រ្តីមេម៉ាយដែលរស់នៅ Iwata ឆ្ងាយពីផ្ទះរបស់ Tsuchiya ប្រហែល ១៣០ គីឡូម៉ែត្រ ដែលស្មើនឹង ២ ម៉ោងបើកឡាន។ ឡានរបស់នាងត្រូវបានគេរកឃើញនៅក្នុងចំណតរថយន្តឆ្ងាយពីផ្ទះរបស់ជនសង្ស័យប្រហែល ២៨០ ម៉ែត្រ។

Ayumi Ito ស្គាល់ Tsuchiya ក្នុងឆ្នាំ ២០២២ ខណៈដែលពួកគេជាសមាជិកគណៈកម្មាធិការរួមចំណែកអភិវឌ្ឍខេត្ត Shizuoka ។ យោង​តាម​ព័ត៌មានពី LinkedIn ជនសង្ស័យជាទីប្រឹក្សារបស់ក្រុមហ៊ុនធានារ៉ាប់រង Manulife តាំងពីឆ្នាំ ២០២០ ។

ប្រភព៖ Straits Times