“Ninja’s Day” សកម្មភាពដែលធ្វើនៅថ្ងៃទី ២២ ខែកុម្ភៈ

នៅទីក្រុង Koka ខេត្ត Shiga ប្រទេសជប៉ុន ក្នុងថ្ងៃទី ២២ ខែកុម្ភៈ គេហៅថា “Ninja’s Day” បើតាមរបៀបលេងពាក្យរបស់ជន​ជាតិ​ជប៉ុន​គឺ​ថា “Nin Nin Nin” ដែលទីនេះគេចាត់ទុកជាស្រុកកំណើតរបស់ Ninja Koga-ryu (Ninja មកពីតំបន់ Shiga ​ហៅ​ថា Koga-ryu ប៉ុន្តែ​បើ​មក​ពី​តំបន់ Mie ហៅថា Iga-ryu) ។

ក្នុងថ្ងៃនេះ បុគ្គលិកបន្ទប់ផែនការនៃក្រុមហ៊ុនទេសចរណ៍ក្នុងទីក្រុងចំនួន ១៤ នាក់បាន​ស្លៀក​សម្លៀក​បំពាក់ Ninja ទៅ​​ធ្វើ​​ការ និងស្រែកថា “Nin Nin Nin” ។ ពួកគេពាក់របាំងមុខដែលមានរូបអាវុធសម្ងាត់របស់ Ninja និងធ្វើការពេញមួយថ្ងៃដោយស្លៀកសម្លៀកបំពាក់បែបនេះ។

អ្នក​ទទួល​បន្ទុកផ្នែកសើច ហើយ​និយាយ​ថា៖ “ពេល​ខ្ញុំ​ស្លៀក​សម្លៀក​បំពាក់ Ninja ខ្ញុំ​មាន​អារម្មណ៍​ថា​សម​ណាស់ ហើយ​ការ​ងារ​របស់ខ្ញុំហាក់ដូចជាលឿនជាងមុន។ ខ្ញុំ​សង្ឃឹម​ថាអាចផ្សព្វផ្សាយទីក្រុង Koka ទៅកាន់ពិភពលោក ប្រៀប​ដូច​ជា​កន្លែង​​ពិសិដ្ឋ​​សម្រាប់ Ninja” ។

ក្រៅពីនេះ មជ្ឈមណ្ឌលសាលារៀនទាំង ៤២ កន្លែងនៃទីក្រុង រួមទាំងសាលាមត្តេយ្យ សាលាបឋមសិក្សា និងមធ្យមសិក្សាក៏ផ្តល់ជូនអាហារថ្ងៃត្រង់តាមប្រធានបទ Ninja ផងដែរ។ ដូចជាអង្ករដំណើបខ្មៅ (ដែលគេចាត់ទុកជាមុខម្ហូប​របស់ Ninja) និង​ស៊ុប miso ជាមួយគ្រឿងផ្សំមានរូបរាងអាវុធសម្ងាត់។

ប្រភព៖ The Sankei News

JAPO