សមាជិកក្រុមប្រឹក្សាក្រុងត្រូវចាប់ខ្លួនព្រោះតែទង្វើ​ស្មោក​គ្រោក​ចំពោះ​កុមារី​ជា​ច្រើនករណី

អនុប្រធានក្រុមប្រឹក្សាក្រុង Osakasayama លោក Inoue Kentaro អាយុ ៥៤ ឆ្នាំ ត្រូវចាប់ខ្លួនព្រោះតែសង្ស័យថាបាន​ប្រព្រឹត្ត​អំពើ​ស្មោក​គ្រោក​ចំពោះ​អនីតិជន។ ក្នុងព្រឹត្តិការណ៍ផ្លាស់ប្តូរបទពិសោធដែលមាន​រយៈ​ពេល ១ យប់ ២ ថ្ងៃសម្រាប់​សិស្ស​សាលា​​បឋម ដែល​រៀបចំឡើងដោយលោក Inoue នៅ Osaka ក្នុងឆ្នាំ ២០២០ លោកបានប្រព្រឹត្តអំពើអសីលធម៌ដោយ​បាន​ស្ទាប​កុមារី​បឋម​សិក្សា ៤ នាក់នៅម៉ោងចូលគេង។

ប៉ូលីសក៏បានសង្ស័យដែរថា នៅដើមខែសីហា ឆ្នាំ ២០២១ លោក Inoue បានប្រព្រឹត្តទង្វើស្មោកគ្រោក​មក​លើក្មេងស្រី​អាយុ​ប្រហែល ១០ ឆ្នាំ​ក្នុង​​ព្រឹត្តិ​ការណ៍​ស្រដៀង​គ្នា​នេះ។

ទោះ​ជា​យ៉ាង​ណា លោក​បាន​បដិសេធ​ការ​ចោទ​ប្រកាន់ទាំងស្រុង ហើយ​បាន​និយាយ​ថា៖ “ខ្ញុំមិនបានធ្វើរឿងទាំងនេះឡើយ” ។ បន្ទាប់ពីលោក Inoue ត្រូវក្រុមប្រឹក្សាក្រុងចាប់ខ្លួន គ្រប់គ្នាសង្ស័យថាគាត់បានប្រព្រឹត្តអំពើស្មោក​គ្រោក​ចំពោះ​កុមារ​ជា​ច្រើន។ ឪពុកម្តាយកុមារជនរងគ្រោះទាំង​នេះ​បាន​និយាយ​ថា៖ “ក្មេងៗពិតជាគួរអោយអាណិត​​ណាស់! យើង​​ធ្លាប់​​ទុក​​ចិត្ត​​លោក Inoue ប៉ុន្តែ​គាត់​បែរ​ជា​ធ្វើ​បែប​នេះ” ។

ប្រភព៖ TBS News Dig

hinhin